Āmoho 2:4 - Paipera Tapu 2012

⁴ Ko te kupu tēnei a Ihowā: “Ka toru nei ngā pokanga kētanga o Hūrā, āe rā, ka whā, nā, e kore e whakatahuritia atu e ahau te whiu mōna; nō te mea kua whakahāwea rātou ki te Ture a Ihowā, kīhai hoki i pupuri i āna tikanga, ā, kua meinga rātou e ā rātou kōrero teka kia kotiti kē, i whāia nei e ō rātou mātua.

Te Paipera Tapu 1952

⁴ Ko te kupu tenei a Ihowa: Ka toru nei nga pokanga ketanga o Hura, ae ra, ka wha, na e kore e whakatahuritia atu e ahau te whiu mona; no te mea kua whakahawea ratou ki te ture a Ihowa, kihai hoki i pupuri i ana tikanga, a kua meinga ratou e a rato u korero teka kia kotiti ke, i whaia nei e o ratou matua.

Āmoho 2:4 Iomraidhean Croise

2 Kīngi 17:19

Me Hūrā hoki, kīhai rātou i pupuri i ngā whakahau a Ihowā, a tō rātou Atua, heoi haere ana i runga i ngā tikanga i whakatakotoria e Īharaira.

2 Whakapapa 25:14

Ā, i muri i te taenga mai o Amatia i te patunga i ngā Ēromi, ka mauria mai e ia ngā atua o ngā tama a Heira, nā, ka whakatūria e ia hei atua mōna, koropiko ana ia ki mua i a rātou, tahuna ana e ia he whakakakara ki a rātou.

2 Whakapapa 30:7

Kei rite hoki ki ō koutou mātua, ki ō koutou tuākana, tēina, i hē nei ki a Ihowā, ki te Atua o ō rātou mātua; nā, tukua ana rātou e ia ki te whakangaro; koia anō tēnā ka kitea nā e koutou.

Nehemia 1:7

He rawa tā mātou mahi ki a koe, kīhai hoki i pupuri i ngā whakahau, i ngā tikanga, i ngā whakaritenga i whakahaua e koe ki tāu pononga ki a Mohi.

Nehemia 9:26

“Otiia ka tutū rātou, ā, ka whakakeke ki a koe, makā ana e rātou tāu ture ki muri ki ō rātou tuarā. Patua iho e rātou āu poropiti i whakaatu tikanga nei ki a rātou, kia tahuri ai rātou ki a koe; nui atu ā rātou whakapātaritaringa.

Ihāia 28:15

Kua mea nā hoki koutou, “Kua whakarite kawenata mātou ki te mate; kua rite ā mātou whakarite ko te rēinga; ki te pāha i waenga te whiu i rite nei ki te waipuke, e kore e tae mai ki a mātou; nō te mea kua oti te teka te mea e mātou hei whakawhirinakitanga, ka piri mātou ki roto ki te horihori.”

Ihāia 44:20

Ko tāna kai, he pungarehu; kua tinihangatia tōna ngākau, ā, ngau kē ana ia, tē whakaora ia i tōna wairua, tē kī ake rānei, “Kāhore rānei he kōrero teka i tōku matau?”

Heremaia 16:11

Kātahi koe ka mea ki a rātou: ‘Nō te mea i whakarērea ahau e ō koutou mātua,’ e ai tā Ihowā, ‘ā, haere ana rātou ki te whai i ngā atua kē, mahi ana ki a rātou, koropiko ana ki a rātou, whakarērea ana ahau e rātou, kīhai hoki rātou i pupuri i tāku ture;

Heremaia 16:12

me koutou anō, kino atu tā koutou mahi i tā ō koutou mātua; nō te mea, nanā, kei te whai koutou i ngā tikanga pakeke o tōna ngākau kino, o tōna ngākau kino, nāwai ā, kāhore koutou e rongo ki ahau.

Heremaia 17:27

Ki te kore ia koutou e whakarongo ki tāku kia whakatapua te rā hāpati, kia kaua hoki e maua he kawenga, ā, ka tomo ki ngā kūwaha o Hiruhārama i te rā hāpati; kātahi ka ngiha i ahau he ahi i ngā kūwaha o reira, ā, ka pau ngā whare kīngi o Hiruhārama, e kore anō e tineia.’ ”

Heremaia 6:19

Whakarongo, e te whenua; tēnei ahau te kawe mai nei i te kino mō tēnei iwi, i ngā hua o ō rātou whakaaro; mō rātou kīhai i whakarongo ki āku kōrero; ko tāku ture, paopaongia ake e rātou.

Heremaia 8:2

Ā, ka tohatohaina e rātou ki mua i te rā, i te marama, i te mano katoa o te rangi, i a rātou i aroha ai, i mahi ai, i whai ai, i rapu ai, i koropiko ai. E kore e kohikohia, e kore e tanumia; ka waiho hei whakawairākau ki te mata o te oneone.

Heremaia 8:9

Ko te hunga whakaaro nui, whakamā ana rātou, wehi noa iho rātou, hopukia iho. Nanā, kua paopao nei rātou ki te kupu a Ihowā, ā, he pēhea te whakaaro nui i roto i a rātou?

Heremaia 9:14

Nā, haere ana rātou i ngā tikanga mārō o ō rātou ngākau; kei te whai i ngā Paarimi i whakaakona nei e ō rātou mātua ki a rātou.”

Ehekiera 13:22

Nō te mea kua whakapōuritia e koutou ki te kupu teka te ngākau o te tangata tika, kīhai nei i whakapōuritia e ahau; ā, whakaūngia ana ngā ringa o te tangata kino, i kore ai e tahuri mai i tōna ara kino, kia ora ai.

Ehekiera 20:13

“Otiia, i whakakeke te whare o Īharaira ki ahau i te koraha; kīhai rātou i haere i runga i āku tikanga, paopao ana rātou ki āku whakaritenga e ora ai te tangata ki te mahia e ia; whakapokea rawatia ana e rātou āku hāpati. Kātahi ahau ka mea kia ringihia tōku weriweri ki a rātou i te koraha, kia mōtī rā anō rātou.

Ehekiera 20:16

mō rātou i paopao ki āku whakaritenga, ā, kīhai i haere i runga i āku tikanga; ko āku hāpati hoki whakapokea iho e rātou. He whai nō ō rātou ngākau i ā rātou whakapakoko.

Ehekiera 20:18

Ā, i mea ahau ki ā rātou tamariki i te koraha, Kaua e haere i runga i ngā tikanga a ō koutou mātua, kaua anō e puritia ā rātou whakaritenga, kei poke hoki koutou i ā rātou whakapakoko.

Ehekiera 20:24

mō rātou kīhai i mahi i āku whakaritenga; mō rātou anō i paopao ki āku tikanga, nā, whakapokea iho e rātou āku hāpati, anga tonu ana ō rātou kanohi ki ngā whakapakoko a ō rātou mātua.

Ehekiera 20:30

“Mō reira mea atu ki te whare o Īharaira: Ko te kupu tēnei a te Ariki, a Ihowā: Ka whakapoke rānei koutou i a koutou, ka pērā me ō koutou mātua? Ka whai rānei koutou i ā rātou mea whakarihariha moepuku ai?

Ehekiera 22:28

I pania anō e āna poropiti he mea mō rātou ki te paru kīhai i kōnatunatua; he moemoeā horihori a rātou; he teka ngā kōrero a aua tohunga tūāhu ki a rātou, i a rātou ka mea nei, ‘Ko te kupu tēnei a te Ariki, a Ihowā,’ i te mea kīhai a Ihowā i kōrero.

Ehekiera 22:8

Ko āku mea tapu whakahāweatia iho e koe, ko āku hāpati whakanoatia ana e koe.

Hōhea 12:2

Nā, he whakawā tā Ihowā ki a Hūrā, ka utaina anō e ia ki runga ki a Hākopa ngā mea rite ki ōna ara; ka rite ki āna mahi tāna utu ki a ia.

Hōhea 12:3

I roto i te kōpū i hopukia e ia tōna tuakana ki te rekereke; ā, i a ia ka tangata i kaha ia ki te Atua.

Hōhea 6:11

“Kua rite hoki he kotinga māu, e Hūrā. “Ina whakahokia mai e ahau tāku iwi i te whakarau.”

Āmoho 1:3

Ko te kupu tēnei a Ihowā: “Ka toru nei ngā pokanga kētanga o Ramahiku, āe rā, ka whā, nā, e kore e whakatahuritia atu e ahau te whiu mōna; kua patua ā-wītitia hoki e rātou a Kireara ki ngā patu rino.

Āmoho 3:2

“Ko koutou anake tāku i mōhio ai o ngā hapū katoa o te ao. Mō reira ka whiua koutou e ahau mō ō koutou hē katoa.”

Mika 6:12

Kī tonu nā hoki i te tutū ōna tāngata taonga, ā, kua kōrero teka ōna tāngata, kei te tinihanga hoki ō rātou arero i roto i ō rātou māngai.

Hapakuku 2:18

“He aha te pai o te whakapakoko i whaoa ai e tōna kaihanga – o te whakapakoko whakarewa anō, o te kaiwhakaako ki te teka? I whakawhirinaki ai tōna kaihanga ki tāna mahi, ka mahi i ngā whakapakoko wahangū.

Rōma 1:25

i te mea kua whakawhiti rātou i tō te Atua pono mō te teka, ā, karakia ana, mahi ana ki te mea hanga, kapea ake te Kaihanga, ko ia nei te whakapaingia ake ake. Āmine.

1 Teharonika 4:8

Nā, ko te tangata e whakakorekore ana, ehara tāna i te whakakorekore ki te tangata, engari ki te Atua, nāna nei i hōmai tōna Wairua Tapu ki a tātou.

1 Pita 1:18

Kia mahara ehara ngā mea pirau, te hiriwa, te kōura, i te utu mō koutou, i puta mai ai i ā koutou ritenga tekateka i whakarērea mai e ō koutou mātua;

Kaiwhakariterite 10:6

Nā, ka mahi kino anō ngā tamariki a Īharaira ki tā Ihowā titiro, i mahi ki ngā Paara, ki te Ahataroto, ki ngā atua o Hīria, ki ngā atua o Hairona ki ngā atua o Moapa, ki ngā atua o ngā tamariki a Āmona, ki ngā atua o ngā Pirihitini; whakarērea ake e rātou a Ihowā, kīhai anō hoki i mahi ki a ia.