Āmoho 2:14 - Paipera Tapu 2012

¹⁴ Nā, ka kore te oma i te tangata tere, e kore e nui ake te kaha o te tangata kaha, e kore hoki te mārohirohi e mawhiti i te mate;

Te Paipera Tapu 1952

¹⁴ Na ka kore te oma i te tangata tere, e kore e nui ake te kaha o te tangata kaha, e kore hoki te marohirohi e mawhiti i te mate:

Āmoho 2:14 Iomraidhean Croise

Hopa 11:20

Ka poko ia ngā kanohi o te hunga kino, kore ake he rerenga mō rātou; ko tā rātou e tūmanako atu ai ko te hemonga.”

Waiata 33:16

E kore tētahi kīngi e ora i te nui o te ope, e kore e ora te mārohirohi i te nui o te kaha.

Kaikauwhau 9:11

I hoki ahau, ā, i kite ahau i raro i te rā, ehara i te mea ko te hunga tere e puta i te oma, ko te hunga mārohirohi rānei e toa i te pakanga, ko te hunga whakaaro nui rānei e whiwhi i te taro, ko te hunga mōhio rānei e whiwhi i te taonga, ko te hunga tohunga rānei e manakohia, engari nā te wā, nā te tūpono noa, i hōmai ki a rātou katoa.

Heremaia 25:35

Ā, ka kore he wāhi hei rerenga mō ngā hēpara, kāhore he mawhititanga mō ngā metararahi o te kāhui.

Heremaia 39:4

Nā, i te kitenga o Terekia kīngi o Hūrā rātou ko ngā tāngata whawhai katoa, rere ana rātou, puta atu ana ki waho o te pā i te pō, mā te ara i te kāri a te kīngi, mā te kūwaha i waenganui i ngā taiepa e rua; ā, puta atu ana ia i te ara o te Arapa.

Heremaia 9:23

Ko te kupu tēnei a Ihowā: “Kaua te tangata whakaaro nui e whakamanamana ki tōna whakaaro nui, kaua hoki te mārohirohi e whakamanamana ki tōna mārohirohi; kaua te tangata taonga e whakamanamana ki ōna taonga;

Āmoho 5:9

nāna i whakaputa ohorere te whakangaromanga ki te hunga kaha, i tae ai te whakangaromanga ki te pā kaha.