Āmoho 2:10 - Paipera Tapu 2012

¹⁰ “I kawea mai anō hoki koutou e ahau i te whenua o Īhipa, ā, e whā tekau ngā tau i ārahina ai koutou i te koraha, he mea kia riro mai ai te whenua o te Amori.

Te Paipera Tapu 1952

¹⁰ I kawea mai ano hoki koutou e ahau i te whenua o Ihipa, a e wha tekau nga tau i arahina ai koutou i te koraha, he mea kia riro mai ai te whenua o te Amori.

Āmoho 2:10 Iomraidhean Croise

Nehemia 9:21

Āe rā, e whā tekau ngā tau i atawhaitia ai rātou e koe i te koraha, ā, kīhai i hapa ki tētahi mea. Kīhai ō rātou kākahu i tawhitotia, kīhai anō ō rātou waewae i pupuhi.

Waiata 95:10

E whā tekau ngā tau i hōhā ai ahau ki tēnei whakatupuranga, nā, ka mea ahau; “He iwi ngākau kotiti kē rātou, kāhore hoki rātou e mōhio ki āku ara.”

Ekoruhe 12:51

Nā, nō taua rā pū anō i whakaputaina mai ai e Ihowā ngā tama a Īharaira i te whenua o Īhipa, tēnei rōpū, tēnei rōpū o rātou.

Ekoruhe 20:2

“Ko Ihowā ahau, ko tōu Atua, nāku koe i whakaputa mai i te whenua o Īhipa, i te whare pononga;

Ekoruhe 3:8

ā, kua heke iho nei ahau ki te whakaora i a rātou i te ringa o ngā Īhipiana, ki te kawe atu i a rātou i tērā whenua ki tētahi whenua pai, whenua nui, ki tētahi whenua e rerengia ana e te waiū, e te honi, ki te wāhi o ngā Kanaani, o ngā Hiti, o ngā Amori, o ngā Perihi, o ngā Hiwi, o ngā Iepuhi.

Heremaia 2:6

Kāhore hoki ā rātou kīanga ake, ‘Kei hea a Ihowā, nāna nei tātou i kawe mai i te whenua o Īhipa, nāna nei tātou i ārahi i te koraha, i te whenua tītōhea, he maha nei ngā rua, i te whenua o te matewai, o te ātārangi o te mate, i te whenua kīhai i haerea e te tangata, kīhai anō i nohoia e te tangata?’

Ehekiera 20:10

Heoi, whakaputaina ana rātou e ahau i te whenua o Īhipa, kawea ana ki te koraha.

Āmoho 3:1

Whakarongo ki tēnei kupu i kōrerotia e Ihowā mō koutou, e ngā tama a Īharaira, mō te hapū katoa i kawea mai e ahau i te whenua o Īhipa, i mea ahau:

Āmoho 9:7

“He teka ianei, ki tāku, he rite koutou ki ngā tama a ngā Etiopiana, e ngā tama a Īharaira?” e ai tā Ihowā. “He teka ianei nāku a Īharaira i kawe mai i te whenua o Īhipa, ngā Pirihitini i Kapatoro me ngā Hīriani i Kiri?

Mika 6:4

Nāku nā hoki koe i kawe mai i te whenua o Īhipa, nāku anō koe i hoko i roto i te whare pononga; ā, i ungā atu e ahau a Mohi, a Ārona, a Miriama ki mua i a koe.

Tauanga 13:32

Nā, ka kawea e rātou he kōrero kino mō te whenua i tūteia e rātou ki ngā tama a Īharaira, i mea rātou, “Ko taua whenua i haerea rā e mātou, i tūteia, he whenua e ngau ana i ōna tāngata; he tangata nunui rawa hoki te hunga katoa i kitea e mātou ki reira.

Tauanga 21:25

Ā, riro ana i a Īharaira ēnei pā katoa; ā, nohoia ana e Īharaira ngā pā katoa o ngā Amori, a Hehepona, me ōna pā ririki.

Tauanga 32:13

Nā, ko te muranga o te riri o Ihowā ki a Īharaira, ā, meinga ana rātou kia kōpikopiko i te koraha, e whā tekau ngā tau, ā poto noa taua whakapaparanga i mahi nā i te kino i te tirohanga a Ihowā.

Ngā Mahi 13:18

Nā, me te mea e whā tekau ngā tau i whakamanawanui ai ki tō rātou āhua i te koraha.

Ngā Mahi 7:42

Nā, ka tahuri kē te Atua, tukua atu ana rātou kia karakia ki te ope o te rangi; kia pērā me te mea i tuhia ki te pukapuka a ngā poropiti: ‘I hōmai koia e koutou ki ahau ngā patunga tapu me ngā whakahere i ngā tau e whā tekau i te koraha, e te whare o Īharaira?

Tiuteronomi 1:39

Nā, ko ā koutou pōtiki, i mea nā koutou ka waiho hei pārau, me ā koutou tama kīhai nei i mōhio i taua rā ki te pai, ki te kino, e tae rātou ki reira, ka hoatu anō e ahau a reira ki a rātou, ā, e whiwhi rātou ki tērā whenua.

Tiuteronomi 2:7

“ ‘He mea hoki kua manaaki a Ihowā, tōu Atua, i a koe, i ngā mahi katoa a tōu ringa; e mōhio ana ia ki tōu haerenga i tēnei koraha nui; i tōu taha a Ihowā, tōu Atua, i ēnei tau e whā tekau; ā, kāhore koe i hapa i tētahi mea.’ ”

Hohua 13:4

ki te tonga; ko te whenua katoa o ngā Kanaani, me Meara i te taha o ngā Haironi tae noa ki Apeke, ki ngā rohe o ngā Amori;

Hohua 24:8

“Nā, kawea ana koutou e ahau ki te whenua o ngā Amori, i noho rā i tāwāhi o Horano; ā, whawhai ana rātou ki a koutou; ā, tukua ana rātou e ahau ki ō koutou ringa, nā, riro ana tō rātou oneone i a koutou; ā, hunā iho rātou e ahau i tō koutou aroaro.