Āmoho 2:1 - Paipera Tapu 2012

¹ Ko te kupu tēnei a Ihowā: “Ka toru nei ngā pokanga kētanga o Moapa, āe rā, ka whā, nā, e kore e whakatahuritia atu e ahau te whiu mōna; nō te mea nāna i tahu ngā wheua o te kīngi o Ēroma hei kotakota.

Te Paipera Tapu 1952

¹ Ko te kupu tenei a Ihowa: Ka toru nei nga pokanga ketanga o Moapa, ae ra, ka wha, na e kore e whakatahuritia atu e ahau te whiu mona; no te mea nana i tahu nga wheua o te kingi o Eroma hei kotakota.

Āmoho 2:1 Iomraidhean Croise

2 Kīngi 3:9

Heoi, haere ana te kīngi o Īharaira, me te kīngi o Hūrā, me te kīngi o Ēroma; ā, i haere taiāwhio rātou, e whitu ngā rā. Nā, kāhore he wai mō te ope, mō ngā kararehe rānei e whai ana i a rātou.

Whakatauki 15:3

Kei ngā wāhi katoa ngā kanohi o Ihowā, e titiro ana ki te hunga kino, ki te hunga pai.

Ihāia 11:14

Engari, ka rere iho rātou i runga i te pokohiwi o ngā Pirihitini i te taha ki te hauāuru, ka pāhuatia ngātahitia e rātou te hunga o te rāwhiti. Ka pā ō rātou ringa ki runga ki a Ēroma rāua ko Moapa; ka whakarongo hoki ngā tama a Āmona ki a rātou.

Ihāia 16:6

Kua rongo tātou ki te whakakake o Moapa – nui atu tōna whakakake, ki tōna whakapehapeha, ki tōna whakakake, ki tōna pukuriri – kāhore he tikanga o āna whakamanamana.

Ihāia 25:10

Nō te mea ka okioki te ringa o Ihowā ki tēnei maunga, ā, ka takahia a Moapa ki raro i tōna wāhi, me te kakau wīti e takahia ana ki te wai o te pūranga paru.

Heremaia 25:21

mā Ēroma, mā Moapa, mā ngā tama a Āmona;

Āmoho 1:11

Ko te kupu tēnei a Ihowā: “Ka toru nei ngā pokanga kētanga o Ēroma, āe rā, ka whā, nā, e kore e whakatahuritia atu e ahau te whiu mōna; nō te mea i whāia e ia tōna teina ki te hoari, ā, makā atu ana e ia te aroha katoa, heoi haehae tonu tōna riri, rongoā tonu ia i tōna riri ā ake ake.

Āmoho 1:13

Ko te kupu tēnei a Ihowā: “Ka toru nei ngā pokanga kētanga o ngā tama a Āmona, āe rā, ka whā, nā, e kore e whakatahuritia atu e ahau te whiu mōna. Nō te mea kua ripiripia e rātou ngā wāhine hapū o Kireara, he mea kia nui ake ai te rohe ki a rātou.

Āmoho 1:3

Ko te kupu tēnei a Ihowā: “Ka toru nei ngā pokanga kētanga o Ramahiku, āe rā, ka whā, nā, e kore e whakatahuritia atu e ahau te whiu mōna; kua patua ā-wītitia hoki e rātou a Kireara ki ngā patu rino.

Āmoho 1:6

Ko te kupu tēnei a Ihowā: “Ka toru nei ngā pokanga kētanga o Kaha, āe rā, ka whā, nā, e kore e whakatahuritia atu e ahau te whiu mōna; nō te mea i whakaraua e rātou te iwi katoa, hei tuku atu mā rātou ki Ēroma.

Āmoho 1:9

Ko te kupu tēnei a Ihowā: “Ka toru nei ngā pokanga kētanga o Tāira, āe rā, ka whā, nā, e kore e whakatahuritia atu e ahau te whiu mōna; nō te mea i tukua e rātou te iwi katoa ki Ēroma, ā, kīhai i mahara ki te kawenata a te tuakana ki te teina.

Āmoho 2:4

Ko te kupu tēnei a Ihowā: “Ka toru nei ngā pokanga kētanga o Hūrā, āe rā, ka whā, nā, e kore e whakatahuritia atu e ahau te whiu mōna; nō te mea kua whakahāwea rātou ki te Ture a Ihowā, kīhai hoki i pupuri i āna tikanga, ā, kua meinga rātou e ā rātou kōrero teka kia kotiti kē, i whāia nei e ō rātou mātua.

Āmoho 2:6

Ko te kupu tēnei a Ihowā: “Ka toru nei ngā pokanga kētanga o Īharaira, āe rā, ka whā, nā, e kore e whakatahuritia atu e ahau te whiu mōna; nō te mea kua hokona e rātou te tangata tika ki te hiriwa, te rawakore ki ngā hū e rua.

Mika 6:5

Kia mahara, e tāku iwi, ki te whakaaro i whakatakotoria e Pāraka kīngi o Moapa, ki te kupu hoki i whakahokia ki a ia e Paraama tama a Peoro; maharatia i Hitimi tae noa ki Kirikara, kia mōhio ai koutou ki ngā mahi tika a Ihowā.”