Āmoho 1:9 - Paipera Tapu 2012

⁹ Ko te kupu tēnei a Ihowā: “Ka toru nei ngā pokanga kētanga o Tāira, āe rā, ka whā, nā, e kore e whakatahuritia atu e ahau te whiu mōna; nō te mea i tukua e rātou te iwi katoa ki Ēroma, ā, kīhai i mahara ki te kawenata a te tuakana ki te teina.

Te Paipera Tapu 1952

⁹ Ko te kupu tenei a Ihowa: Ka toru nei nga pokanga ketanga o Taira, ae ra, ka wha, na e kore e whakatahuritia atu e ahau te whiu mona; no te mea i tukua e ratou te iwi katoa ki Eroma, a kihai i mahara ki te kawenata a te tuakana ki te teina.

Āmoho 1:9 Iomraidhean Croise

2 Hamuera 5:11

Nā, ka ungā he karere e Hīrama kīngi o Tāira ki a Rāwiri, me ētahi rākau, he hīta, me ngā kaimahi rākau, me ngā kaimahi o ngā kōhatu whare; ā, nā rātou i hanga he whare mō Rāwiri.

Waiata 83:7

a Kepara, a Āmona, a Amareke, ngā Pirihitini, me ngā tāngata o Tāira.

Heremaia 25:22

mā ngā kīngi katoa o Tāira, mā ngā kīngi katoa o Hairona, mā ngā kīngi o te motu i tērā taha o te moana;

Heremaia 47:4

Nā, mō te rā e haere mai nei, e pāhuatia ai ngā Pirihitini katoa, e hātepea atu ai i Tāira, i Hairona ngā kaiāwhina katoa e toe nei. Ka pāhuatia hoki e Ihowā ngā Pirihitini, ngā mōrehu o te motu, o Kapatoro.

Ehekiera 27:1

I puta mai anō te kupu a Ihowā ki ahau, i mea:

Ehekiera 27:27

Ko ōu taonga, ko āu hokohokonga, ko āu whakawhitiwhitinga, ko āu kaiwhakatere kaipuke, ko āu kaiurungi, ko āu kaimono, me ngā kaiwhakawhitiwhiti i āu taonga, me āu hōia katoa i roto i a koe, i roto anō i tōu hui katoa i waenganui i a koe, ka taka rātou ki waenga moana i te rā e hinga ai koe.

Ehekiera 28:1

I puta mai anō te kupu a Ihowā ki ahau, i mea:

Ehekiera 28:18

Kua whakapokea e koe ōu wāhi tapu ki te maha o ōu kino, ki te hē i a koe i hokohoko rā; mō reira i whakaputaina mai ai e ahau he ahi i roto i a koe, hei kai i a koe, ā, kua meinga anō koe e ahau hei pungarehu ki runga ki te whenua i te tirohanga a te hunga katoa e kite ana i a koe.

Āmoho 1:11

Ko te kupu tēnei a Ihowā: “Ka toru nei ngā pokanga kētanga o Ēroma, āe rā, ka whā, nā, e kore e whakatahuritia atu e ahau te whiu mōna; nō te mea i whāia e ia tōna teina ki te hoari, ā, makā atu ana e ia te aroha katoa, heoi haehae tonu tōna riri, rongoā tonu ia i tōna riri ā ake ake.

Āmoho 1:6

Ko te kupu tēnei a Ihowā: “Ka toru nei ngā pokanga kētanga o Kaha, āe rā, ka whā, nā, e kore e whakatahuritia atu e ahau te whiu mōna; nō te mea i whakaraua e rātou te iwi katoa, hei tuku atu mā rātou ki Ēroma.

Opāria 1:11

I te rā i tū hāngai mai ai koe, i te rā i whakaraua ai ōna rawa e ngā tautāngata, i tapoko ai ngā tāngata iwi kē ki ōna kūwaha, i kōkiri nui ai mō Hiruhārama, i rite rawa anō koe ki tētahi o rātou.

Hakaraia 9:1

Ko te poropititanga o te kupu a Ihowā i te whenua o Hararaka; nā, ko tōna taunga atu kei Ramahiku. E whai kanohi ana hoki te tangata me ngā hapū katoa o Īharaira ki a Ihowā.

Matiu 11:21

“Auē te mate mōu, e Korahina! Auē, te mate mōu, e Petahaira! Me i meatia ki Tāira, ki Hairona ngā merekara kua meatia nei ki a kōrua, kua rīpenetā kē rāua, he taratara te kākahu me te oke i te pungarehu.

Matiu 11:22

Ko tāku kupu ia tēnei ki a koutou, Erangi, tō Tāira rāua ko Hairona e māmā i te rā whakawā i tō kōrua.

Ruka 10:13

“Auē te mate mōu, e Korahina! Auē te mate mōu, e Petahaira! Me i meatia hoki ki Tāira, ki Hairona ngā merekara kua meatia nei ki a kōrua, kua rīpenetā kē rāua, he taratara hoki te kākahu, me te noho i roto i te pungarehu.

Ruka 10:14

Otirā, erangi tō Tāira, tō Hairona i te whakawā e māmā i tō kōrua.