Āmoho 1:3 - Paipera Tapu 2012

³ Ko te kupu tēnei a Ihowā: “Ka toru nei ngā pokanga kētanga o Ramahiku, āe rā, ka whā, nā, e kore e whakatahuritia atu e ahau te whiu mōna; kua patua ā-wītitia hoki e rātou a Kireara ki ngā patu rino.

Te Paipera Tapu 1952

³ Ko te kupu tenei a Ihowa: Ka toru nei nga pokanga ketanga o Ramahiku, ae ra, ka wha, na e kore e whakatahuritia atu e ahau te whiu mona; kua patua a wititia hoki e ratou a Kireara ki nga patu rino:

Āmoho 1:3 Iomraidhean Croise

1 Kīngi 19:17

Nā, ko te hunga e mawhiti i te hoari a Hataere mā Iehu e whakamate; ko te hunga e mawhiti i te hoari a Iehu mā Eriha e whakamate.

2 Kīngi 13:3

Nā, ka mura te riri o Ihowā ki a Īharaira, ā, hoatu ana rātou e ia ki te ringa o Hataere kīngi o Hīria, ki te ringa anō hoki o Pēneharara tama a Hataere i ō rāua rā katoa.

2 Kīngi 13:7

Kāhore hoki i waiho e ia o te iwi ki a Iehoahata, ko ngā kaieke hōiho anake e rima tekau, tekau ngā hāriata, kotahi tekau mano ngā hōia haere raro; i hunā hoki rātou e te kīngi o Hīria, ā, meinga ana kia rite ki te puehu i te patunga wīti.

2 Kīngi 16:9

Nā, rongo ana te kīngi o Ahiria ki a ia; ā, haere ana te kīngi o Ahiria ki Ramahiku, ā, riro ana i a ia, whakahekea ana e ia ōna tāngata ki Kiri, ā, patua ana a Retini.

2 Kīngi 8:12

Nā, ka mea a Hataere, “Nā te aha tōku ariki i tangi ai?” Anō rā ko ia, “Nō te mea e mōhio ana ahau ki te kino e meatia e koe ki ngā tama a Īharaira; ko ō rātou pā e tahuna e koe ki te ahi, ko ā rātou taitamariki e patua e koe ki te hoari, ko ā rātou kōhungahunga e tāia iho e koe, ā, ko ā rātou wāhine hapū ka ripiripia e koe.”

Hopa 19:3

Ka tekau ēnei tāwainga a koutou ki ahau, kāhore ō koutou whakamā i a koutou ka āki tonu nei i ahau.

Hopa 5:19

E ono ngā matenga e whakaora ai ia i a koe; ahakoa e whitu, e kore te hē e pā ki a koe.

Whakatauki 6:16

E ono ngā mea e kino ana ki a Ihowā; āe rā, e whitu ngā mea e whakariharihangia ana e ia:

Kaikauwhau 11:2

Hoatu tētahi wāhi mā te tokowhitu, āe mā te tokowaru anō hoki; e kore hoki koe e mōhio ko tēhea kino e puta mai ki te whenua.

Ihāia 28:27

E kore hoki ngā pī e patua ki te mea koi, e kore anō te wīra kāta e hurihia ki runga ki te kumine; engari e patua ana ngā pī ki te rākau, ngā kumine ki te patupatu.

Ihāia 41:15

“Nanā, kua meinga koe e ahau hei patu wīti, koi tonu, hou tonu, he whai niho; ka patua e koe ngā maunga, ā, ngotangota noa; ko ngā pukepuke, ka meinga e koe kia rite ki te pāpapa.

Ihāia 7:16

Mōhio rawa hoki te tamaiti ki te paopao ki te kino, ki te whiriwhiri i te pai, ka mahue te whenua e whakariharihangia nei e koe ōna kīngi e rua.

Ihāia 7:8

Ko te upoko hoki o Hīria ko Ramahiku, ā, ko te upoko o Ramahiku ko Retini. Nā, i ēnei tau e ono tekau mā rima ka pākarukaru a Ēparaima, kore ake tēnā iwi.

Ihāia 8:4

Nō te mea mōhio rawa ake te tamaiti ki te karanga, ‘E tōku pāpā, e tōku whaea,’ ka riro ngā taonga o Ramahiku, me ngā mea parakete o Hamaria i te aroaro o te kīngi o Ahiria.”

Āmoho 1:11

Ko te kupu tēnei a Ihowā: “Ka toru nei ngā pokanga kētanga o Ēroma, āe rā, ka whā, nā, e kore e whakatahuritia atu e ahau te whiu mōna; nō te mea i whāia e ia tōna teina ki te hoari, ā, makā atu ana e ia te aroha katoa, heoi haehae tonu tōna riri, rongoā tonu ia i tōna riri ā ake ake.

Āmoho 1:13

Ko te kupu tēnei a Ihowā: “Ka toru nei ngā pokanga kētanga o ngā tama a Āmona, āe rā, ka whā, nā, e kore e whakatahuritia atu e ahau te whiu mōna. Nō te mea kua ripiripia e rātou ngā wāhine hapū o Kireara, he mea kia nui ake ai te rohe ki a rātou.

Āmoho 1:6

Ko te kupu tēnei a Ihowā: “Ka toru nei ngā pokanga kētanga o Kaha, āe rā, ka whā, nā, e kore e whakatahuritia atu e ahau te whiu mōna; nō te mea i whakaraua e rātou te iwi katoa, hei tuku atu mā rātou ki Ēroma.

Āmoho 1:9

Ko te kupu tēnei a Ihowā: “Ka toru nei ngā pokanga kētanga o Tāira, āe rā, ka whā, nā, e kore e whakatahuritia atu e ahau te whiu mōna; nō te mea i tukua e rātou te iwi katoa ki Ēroma, ā, kīhai i mahara ki te kawenata a te tuakana ki te teina.

Āmoho 2:1

Ko te kupu tēnei a Ihowā: “Ka toru nei ngā pokanga kētanga o Moapa, āe rā, ka whā, nā, e kore e whakatahuritia atu e ahau te whiu mōna; nō te mea nāna i tahu ngā wheua o te kīngi o Ēroma hei kotakota.

Āmoho 2:4

Ko te kupu tēnei a Ihowā: “Ka toru nei ngā pokanga kētanga o Hūrā, āe rā, ka whā, nā, e kore e whakatahuritia atu e ahau te whiu mōna; nō te mea kua whakahāwea rātou ki te Ture a Ihowā, kīhai hoki i pupuri i āna tikanga, ā, kua meinga rātou e ā rātou kōrero teka kia kotiti kē, i whāia nei e ō rātou mātua.

Āmoho 2:6

Ko te kupu tēnei a Ihowā: “Ka toru nei ngā pokanga kētanga o Īharaira, āe rā, ka whā, nā, e kore e whakatahuritia atu e ahau te whiu mōna; nō te mea kua hokona e rātou te tangata tika ki te hiriwa, te rawakore ki ngā hū e rua.

Hakaraia 9:1

Ko te poropititanga o te kupu a Ihowā i te whenua o Hararaka; nā, ko tōna taunga atu kei Ramahiku. E whai kanohi ana hoki te tangata me ngā hapū katoa o Īharaira ki a Ihowā.

Hakaraia 9:2

Kei Hāmata anō e tata rā ki reira; kei Tāira, kei Hairona nō te mea he pā whakaaro nui rawa ia.