Āmoho 1:2 - Paipera Tapu 2012

² Ā, i mea ia: “Ka hāmama a Ihowā i Hiona, ka puaki hoki tōna reo i Hiruhārama; ā, ka tangi ngā haerenga hipi a ngā hēpara, ka maroke hoki te tihi o Karamere.”

Te Paipera Tapu 1952

² A i mea ia, Ka hamama a Ihowa i Hiona, ka puaki hoki tona reo i Hiruharama; a ka tangi nga haerenga hipi a nga hepara, ka maroke hoki te tihi o Karamere.

Āmoho 1:2 Iomraidhean Croise

Waiata 29:4

Kaha tonu te reo o Ihowā; korōria tonu te reo o Ihowā.

Waiata 46:6

I nanā ngā tauiwi, i whakakorikoria ngā rangatiratanga; puaki ana tōna reo, rewa ana te whenua.

Whakatauki 20:2

Ānō he raiona e hāmama ana te wehi o te kīngi; ko te tangata e whakaoho ana i a ia kia riri, e hara ana ki tōna wairua ake.

Ihāia 33:9

E tangi ana te whenua, ngohe noa iho; kua whakamā a Repanōna, kua memenge; a Harono, rite tonu ki te koraha; ko ngā rau o Pahana, o Karamere, ruirui rawa.

Ihāia 35:2

Nui atu te tupu, ka koa, āe rā, koa ana, waiata ana. Ka hoatu te korōria o Repanōna ki reira, te nui o Karamere, o Harono. Ka kite rātou i te korōria o Ihowā, i te nui o tō tātou Atua.

Ihāia 42:13

Ka puta mai a Ihowā, ko te āhua kei tō te tangata mārohirohi; ka whakaoho i te hae ka pērā i te tangata whawhai; ka karanga, āe rā, ka hāmama; ka kaha noa atu i ōna hoariri.

Heremaia 12:4

Kia pēhea te roa o te whenua ka tangi nei, o te otaota o ngā māra katoa ka maroke nei? Hei mea mō te kino o ōna tāngata, kua pau ōna kararehe me ngā manu; nō te mea i kī rātou, “E kore ia e kite i tō tātou mutunga iho.”

Heremaia 14:2

“Kei te tangi a Hūrā, ngehe kau ōna kūwaha; kua noho ki te whenua he mangu ōna kākahu, kua kake te auē o Hiruhārama ki runga.

Heremaia 25:30

“Mō reira me poropiti e koe ēnei kupu katoa ki a rātou, mea atu ki a rātou: ‘Ka hāmama mai a Ihowā i te wāhi tiketike, ka puaki mai tōna reo i tōna kāinga tapu; ka tino nui tāna hāmama ki tāna taiepa hipi; ka umere ia, ka pērā i tā ngā kaitakahi karepe, ki ngā tāngata katoa o te whenua.

Heremaia 28:8

Ko ngā poropiti i mua atu i ahau, i mua atu hoki i a koe, i mua noa atu, i poropititia e rātou he hē mō ngā whenua maha, mō ngā kīngitanga nunui, he whawhai, he kino, he mate urutā.

Heremaia 50:19

Ā, ka whakahokia e ahau a Īharaira ki tōna takanga, ā, ka kai ia ki runga ki Karamere, ki Pahana, ka mākona hoki tōna wairua ki runga ki ngā pukepuke o Ēparaima, ki Kireara.

Hōhea 11:10

“Ka whāia e rātou a Ihowā, ā, ka hāmama ia ānō he raiona. Ka hāmama hoki ia, ā, ka haere wiri mai ngā tamariki i te hauāuru.

Hōhea 13:8

Ko tōku tūtakitanga ki a rātou ka rite ki tō te pea kua tangohia nei āna kūao, ka haea hoki e ahau te taupā o ō rātou ngākau; ā, hei reira ka kainga rātou e ahau ki te kai a te raiona; ka haehaea rātou e te kīrehe o te pārae.

Hoera 1:19

E Ihowā, ka karanga ahau ki a koe. Kua pau hoki i te ahi ngā wāhi kai o te koraha, kua wera i te mura ngā rākau katoa o te pārae.

Hoera 2:11

Nā, ka puaki te reo o Ihowā i te aroaro o tāna ope; nui atu hoki tāna puni! He kaha hoki ia e mahi nei i tāna kupu. He nui nei hoki te rā o Ihowā, he wehi rawa; ko wai e kaha ake ki reira?

Hoera 3:16

Ā, ka hāmama a Ihowā i Hiona, ka puaki tōna reo i Hiruhārama; ā, ka wiri ngā rangi me te whenua; otirā ko Ihowā he piringa mō tōna iwi, he pā kaha mō ngā tama a Īharaira.

Āmoho 9:3

Ahakoa piri rātou ki te tihi o Karamere, ka rapua e ahau, ka tangohia mai i reira; ahakoa i huna atu rātou, kei kitea e ahau, ki te takere o te moana, ka whakahaua e ahau te nākahi i reira, ā, ka ngau ia i a rātou.

Nahumu 1:4

E rīria ana e ia te moana, ā, meinga ana kia maroke, ā, whakamaroketia ana ngā awa katoa. E ngohe ana a Pahana, me Karamere, ā, kahakore noa iho te puāwai o Repanōna.

1 Hamuera 25:2

Ā, i Maono tētahi tangata, kei Karamere ōna taonga; he nui rawa taua tangata, e toru mano āna hipi, kotahi mano ngā koati. Heoi, kei te kutikuti tērā i āna hipi ki Karamere.