Lukas 8:48 - Buku Masero Pa'dandi Bakaru

⁴⁸ Ma'kadami Puang Yesus lako inde bainee nakua: “O anakku, malapu'moko annu muoreanna'. Laomoko, anna la tontongko siayun kamasakkean.”

Mamasa

⁴⁸ Ma'kadami Puang Yesus lako inde bainee nakua: “O anakku, malapu'moko annu muoreanna'. Laomoko, anna la tontongko siayun kamasakkean.”

Lukas 8:48 Iomraidhean Croise

Matius 12:20

La malenna' penawa lako to malamma, sirapan tallang polo tangnga tae' la natattakki pissan lao, anna sirapan ballo ma'mio'-mio' tae' la napi'dean pissan. La tontong nakarang sae lako attunna umpopatalo kamaloloan.

Matius 8:13

Nakuamo Puang Yesus lako inde ponggawana tantarae: “Laomoko annu la dadimi lako kalemu situru' kapangngoreanammu.” Tappa malapu' siami sabua'na.

Matius 9:2

Tapakala saemo tau umbulle to balimbingan mamma' dio ampa'na. Tappana ummita kapangngoreananna inde mai taue, ma'kadami Puang Yesus lako to balimbingan nakua: “O anakku, pomatoroi penawammu annu digarri'iammoko kasalaammu.”

Matius 9:22

Menggirikmi Puang Yesus lako bokon'a anna ma'kada nakua: “O anakku, pomatoroi penawammu. Malapu'moko annu muoreanna'.” Malapu' siami inde bainee.

Markus 5:34

Ma'kadami lako inde bainee nakua: “O anakku, kapang ngoreanammu lako kaleku umpomalapu'ko. Laomoko sitonda kamasakkean annu' malapu'moko.”

Lukas 17:19

Nakuamo Puang Yesus lako inde taue: “Ke'de'moko ammu lao, malapu'moko annu mangngoreangko lako kaleku.”

Lukas 18:42

Nakuamo Puang Yesus: “Paitamoko. Malapu'moko annu mangngoreangko lako kaleku.”

Lukas 7:50

Sapo ma'kada Puang Yesus lako inde bainee nakua: “Dipasalama'moko ura'na kapangngoreanammu. Laomoko anna la tontongko siayun kamasakkean.”

Lukas 8:47

Tappana naissanan inde baine kumua naissanarria Puang Yesus panggauannae sae siami lumalla'-malla' malimuntu' dio tingngayona Puang Yesus, anna tula'i narangngi tau buda lalanna nangei urrumbui anna natula' toi duka' kumua tappa malapu'.

Uleleanna Rasul 14:9

Inde taue ma'loko umperangngii tula'na Paulus. Nanenne'imi Paulus napolalan naissanan kumua dengan kapangngoreananna, anna sipato' dipomalapu'.

2 Korintus 6:18

Kaomo la muala Ambe anna ikomoa' la kuala anak. Susimi kadanna Puang Allata'alla Dewata To Randan Kuasa.”

Ibrani 4:2

Annu mangkamikia' duka' dipalandasan kareba mapia susi mangka dipalanda' lako neneta. Moika anna mangkamo ditulasanni, sapo tae' dengan gunana lako kalena annu moka mangngorean.