Lukas 6:24 - Buku Masero Pa'dandi Bakaru

²⁴ Sapo la sanggangkoa' anggammu tomakaka temo, annu ussa' dingammokoa' kamasannangan.

Mamasa

²⁴ Sapo la sanggangkoa' anggammu tomakaka temo, annu ussa'dingammokoa' kamasannangan.

Lukas 6:24 Iomraidhean Croise

Matius 6:16

“Ianna ma'puasakoa', daua' ma'patingkurrung leen susi to ma'dua tambuk annu sinaangga'i umpalumalin rupanna anna malara naita tau kumua marassan ma'puasa. Kupokadangkoa' sitonganna, itin matin tau susio untarimamia sarona ke natedemi tau.

Matius 6:2

Ianna ma'petandokoa' lako to mase-mase, daua' pa'peassakanni susi sinapalako to ma'dua tambuk illalan banua pa'sambayangan sola lako tangnga lalan annu morai la natede tau buda. Sitonganna itin matin tau susio untarimamia sarona ke natedei tau buda.

Matius 6:5

“Ianna ma'sambayangkoa', tae'koa' la susi to ma'dua tambuk sinaporai ke'de' ma'sambayang illalan banua pa'sambayangan, battu lako lalan maroa' anna malara naita tau buda. Sitonganna, tau susi too untarimamia sarona ke natedemi tau.

Lukas 6:25

La sanggangkoa' anggammu to dea'mo temo annu la tade'koa' ke dako'. La sanggangkoa' anggammu to metawa temo annu la ma'pote bolongkoa' sola tumangi'.

1 Timotius 6:17

Lako tomakaka illalan inde linoe la mupakilala indana malangka' penawa anna tae' la urrannuan aka-aka tae' la da'da', susinna pa'ewananan. Sapo la urrannuan Puang Allata'alla to umbengangkia' aka-aka la tapolalan masannang.

Yakobus 2:6

Sapo' tae'koa' iko ussanga to mase-mase, moi kenada napakamase-masekoa' inde lako tomakakae anna narendengkoa' lako tingngayona pa'bisara.