Ibrani 1:8 - Mamasa

⁸ Sapo nakua kadanna untula' Anakna: “O Dewata, la mentomarayako sae lako-lakona, maloloko ma'parenta.

Buku Masero Pa'dandi Bakaru

⁸ Sapo nakua kadanna untula' Anakna: “O Dewata, la mentomarayako sae lako-lakona, maloloko ma'parenta.

Ibrani 1:8 Iomraidhean Croise

Matius 1:23

“Patanannia' talinga, itin anak darao la manambuk, la muane anakna anna la disangai Imanuel.” Imanuel kalembasanna “Nasolaangkia' Puang Allata'alla”.

Lukas 1:75

anna la maseroki' sola malolo dio olona illalan salolo salu katuoanta.

Yohanes 10:30

Kao anna Ambeku to mesakan.”

Yohanes 10:33

Natimba' inde to Yahudie nakua: “Tangngia pengkarangan mapia mupogau' kipolalan la ulleba'iko batu, sapo untelleko Puang Allata'alla. Ussangako kalemu Puang Allata'alla anna ma'rupa tauko.”

Yohanes 20:28

Natimba' Tomas nakua: “O Puangku anna Dewatangku!”

Roma 9:5

Inde to Israel-e peampoanna Abraham, Ishak, anna Yakub, kabuttuanna duka' To dibassei bayu-bayu la ma'pasalama' tandai ma'rupa taunna, to untondon angga lako. Ia siamo Puang Allata'alla to sipato' dipudi anna dipakasalle sae lako-lakona. Amin!

1 Korintus 15:25

Annu la tontong liupi ma'parenta Kristus sae lako attunna napatirokon Puang Allata'alla angganna balinna dio tingngayona.

1 Timotius 3:16

Tae' dengan tau mala untelang kamatandeanna pepa'guruan Kasaranian mangka napakawanan Puang Allata'alla iamo: Umpakawanammi kalena merrupa to lino, anna nasa'bii Penawa Masero kumua to malolo. Naita malaeka', anna dipakareba lako to tae' ummissanan Puang Allata'alla. Diorean illalan lino, anna diangka' langngan angngenan kamatandean.

2 Petrus 1:11

anna la natarima manappakoa' Puang Allata'alla illalan kaparentaanna Puangta Yesus Kristus, To Ma'pasalama'ta. Anna inde kaparentaannae la da'da' sae lako-lakona.

1 Yohanes 5:20

Taissanan duka' kumua mangkami sae Anakna Puang Allata'alla umbengangkia' kama'rorisan anta malara ummissanan Puang Allata'alla Dewata tongan. Mesa kappa'mikia' inde Dewata tonganne anna Yesus Kristus Anakna. Puang Allata'allamo Dewata tongan anna to'na katuoan sae lako-lakona.