Ibəraninko ahay 5:8 - Aban 'am wiya awan

⁸ Kwa â ga nə winen Wan a Mbərom dəp nà, a tətak sə ɗəfan apan anà Mbərom tə cəveɗ sə ɗəce.

Ibəraninko ahay 5:8 Iomraidhean Croise

Mata 3:15

Yesu a mbəɗahan apan, a wa: «Â zlak à nga! Anga sumor a nà, gumo anan mer su way a abay təɗe a nan à Mbərom gumo ata awan.» Natiya kutok, Yuhana a təma,

Yuhana 10:18

Ɗowan saa gəɓa anan sifa uno nà, ibay. Nen a ni var anan tə alay uno awan. Ni mba apan sa var anan, ni mba apan sa njaɗ anan way uno re. A nan anà Bəbay uno, nâ ga nə matanan.»

Yuhana 15:10

Nen nà, nə ɗəfak anan apan anà 'am ana Bəbay uno ahay, aday nə ngarak alay à asan zek anahan inde. Matanan, kak aday kə ɗəfen anan apan anà 'am uno ahay nà, ki ngiren alay à asan zek uno inde lele acəkan.

Yuhana 4:34

Yesu a jan atan kutok: «Way sa pa uno awan nà, aɗəfan apan anà ɗo sə slənay ahay nen, aday sa ga mer su way anahan sə mbuko à alay inde ata awan.

Yuhana 6:38

Anga na nay ahay à mburom wa nà, sa naa ga way su no anà nen bay, əna sa naa ga way sa nan anà ɗo sə slənay ahay nen.

Filipi ahay 2:8

Kà mak anan nga anahan à məndak ta sə ɗəfan apan anà Mbərom hus pə amac, amac pə dədom mə zləlngaɗ awan.

Ibəraninko ahay 1:2

A taa jan atan ahay 'am nə matanan hus ahay à alay ana mənuko biten. Əna həna, alay a mədakwidok a anaya nà, a jak uko 'am tə dungo ana wan anahan. À alay ana Mbərom sə ndakay daliyugo ata nà, a ndakay anan tə alay ana wan ata awan. Aday a walay sə lavay anan way ahay fok ɗukwen, wan ata kərtek a sə coy.

Ibəraninko ahay 1:5

Kula Mbərom kà jak anan 'am a anan anà maslay anahan ahay bay: «Iken nə wan uno. Biten nə tərak bəbay anak.» Kabay «Iken nà, ni təra bəbay anak, iken ki təra wan uno.» A jan 'am ataya nà, anà Yesu a kərtek.

Ibəraninko ahay 1:8

Əna pə Wan a Mbərom a kutok nà, Deftere a Mbərom a wa: «Iken nə Mbərom, ki ga bahay pa sə viyviya awan, aday ki lavan nga anà ɗo anak ahay tə cəveɗ awan.

Ibəraninko ahay 3:6

Əna Yesu Almasihu ite nà, winen nə wan sə lavan nga anà ɗo a Mbərom ahay, a ga mer su way anahan nə ta sə ɗəfan apan lele. Mənuko ɗukwen, kak ɗə pərahak anan azar sa ɗaf apan nga lele, aday sə ɗəfan iɗe anà way saa nay ata tə ataslay mivel a nà, à andav a inde ɗukwen, ɗi təra ɗo anahan ahay re.