Totagil 8:10 - Misima-Paneati

¹⁰ Yaka kin i ba, “Bwaligumwa hot te nu awanun kaiwema.” Anana Mosese i lahe i ba, “Na ginol ni ola wam baaba, inoke nu atena nige yabowaine etega al i oola Yehoba wama Yabowaine.

Totagil 8:10 Iomraidhean Croise

2 Samuwela 7:22

“O Babala Yehoba, owa alam i bwata. Nige etega wasana ha hahago i ola owa! Nige Yabowaine etega al i gagan, maisem ya.

Totagil 15:11

Yehoba, henala eba ni ola owa yabowaine ona gamwaliyaa? Nige etega. Henala eba ni ola owa, kaiwena u bwabwalena hot? Nige etega. Am lovakun i bwata ge gamagalau nihi tobalagiwa, kaiwena owa toginol yawiyawi.

Totagil 8:9

Anana Mosese i lahe i ba, “Ya yaliyaya hot na awanun kaiwemiu. Nu ba hauna sauga ge na awanun alomwau am tolabe ge wam gamagalau kaiwemiu, inoke pwagali nihi mwayayu-em eliyamiu ge wami limi elal nige etega nihi mimina al, iyai ya te bolo wewel Naile gamwanaa.”

Totagil 9:14

Ebo nigeya, yaka logabola nanakil hot na ginol alomwau am tolabe ge wam gamagalau eliyamiu. Inoke nu atena nige etega al panayawiya i oola nau.

Totagil 9:29

Yaka anana Mosese i lahe i ba, “Sauga na tagil panuwa ya elana, inoke nimwau na latahin ge na awanun Yehoba elana. Inoke gulumwawa ni bakuhu ge kehe ni mainum. Yaka nu atena panayawi iya Yehoba wana panayawi.

Yemesa 4:14

Ku ba ola o, yaa nige ku aatena bwaligumwa hauna gun ni gan eliyamiu. Yawalimiu i ola gogau, sauga kekeisi ya ta kite, nige ana sauga i yayapu yaka i mowasi.