Totagil 36:1 - Misima-Paneati

¹ “He Yehoba siba ge aatena iyaka i pek Besaleli ge Oholiyab avaliyau totuwalali enuna al elal limi bwabwalena ana taltal gegewena hi atena. Inoke tuwalali o nihi ginol ni ola Yehoba wana baaba.”

Totagil 36:1 Iomraidhean Croise

Totagil 12:28

Inoke hi ginol i ola Yehoba wana baaba Mosese ge Eloni elal.

Totagil 25:8

“Nu ba limi bwabwalena nihi tal kaiweu ge na miminaa gamwaliyaa.

Totagil 36:2

Yaka Besaleli ge Oholiyab avaliyau totuwalali bolo Yehoba aatena i pek elal ge hi yaliyaya tuwalali kaiwena, Mosese i yogaagil hi nok elana.

Totagil 39:1

Hihiu ali kala bulu, pepol ge keketina hi ahe topowon ali kaliko hi palul yaka nihi galoi sauga nihi tuwalali limi bwabwalena gamwanaa. I ola al kaliko bwabwalel enuna hi ginolil Eloni kaiwena, i ola Yehoba wana baaba Mosese elana. Hihiu ali kala bulu, pepol ge keketina ginebi hihiu kaliko waiwaisana kaiwena ge gold hi ahe holahola etegana alana ipod hi ginol. Ana egimwan labui hi ginol hi hek tau vevelanaa ge hi loek eputetenaa inoke kaliko ipod i kukulatahin. Pat waiwaisal labui alaliya kaneliyan hi teliya ana egimwan elal, tau vevelana pwatanaa. Pat labui ya elana Isileli ali un alaliya hi leliya, pat etega alan sikis ge eluwana alan sikis. (puna 2-7) Hihiu ali kala bulu, pepol ge keketina ginebi hihiu kaliko waiwaisana kaiwena ge gold hi ahe kaliko etegana alana babagal ana kama hi ginol. Ana yapu ge ana manamana hi olaolaek tuwenti tu sentamita (22 cm). Hi hel gabom gamwana i gan i ola nabwa. Pat waiwaisal elulutega eluwa hi am hikan babagal ana kama elana. Pat maisena ge maisena elana Isileli ali un alaliya hi leliya, pat etega alan etega. Babagal ana kama hi ginol ola to, inoke hi am hikan ipod ana egimwan elal nige i sosogu. (puna 8-21) Holahola yayapona ana kala bulu hi palul. Isela ge kal ona hi pakuki painan holahola buhuna toto i kuki lau elana. (puna 22-26) Hihiu kaliko waiwaisana kaiwena hi ahe topowon ali sulu ge kokowaliya ana eyabom hi ginol al. Hihiu ali kala bulu, pepol ge keketina ginebi hihiu kaliko waiwaisana kaiwena hi ahe ali wasikewa hi ginol. Gold hi bub pamanamana, ana leleli hi ginol, yaka hi am hikanek topowon bwabwatana kokowana ana eyabom elana. Leleli toto hi lelelian gold elana i ba, “Bwabwalena Yehoba elana.” (puna 27-31) Inoke gegewena hi pwamowasi ge hi pwatanik Mosese elana. (puna 32-41)

Mataiyo 28:20

i ola al logugui gegewena toto ya baunan eliyamiu nuku pankitel ge nihi toulil. Tunahot nau alomiu sauga gegewena ana siga panayawi ana abapwamowasiya.”

Luke 1:6

Ali toto eluwa wali minamina i waisi Yehoba matanaa, he Yehoba wana logugui ge wana baaba gegewena hi henapuan bubun.

Hibilu 8:2

Iya i topowon limi bwabwalena labulabumwa, limi o iya Petupatupa Limena tutunahotina toto Yehoba i pamilil, nige gamagalau hi papamilil.