Totagil 34:7 - Misima-Paneati

⁷ No gamagalau ya nunuwana-agil heyan ge heyan nige ni momowasi, wali nak ge wali gegi ya nunuwayoho. Yaa bolo hi gegegi ali lahi nige ni kakala. Lahi ya ni kalapapanet natuliyau, tubuliyau ge tubuliyau natuliyau elal.”

Totagil 34:7 Iomraidhean Croise

Abatelipuna 19:16

He Lote iyoho i nuwatu pilpil, yaa Yehoba i atilomwan-an, inoke bolau labui Lote alonau lagona ge natuliyau galokau labui nimaliya hi ahe ge hi nul tagilagil panuwa tolinaa.

Totagil 33:19

Yaka Yehoba i ba, “Na ba no waisi gegewena ni nopanet maninimwa, ge alau Yehoba na lumen tanamwa. Henala ebo na atilomwan-an, inoke na atilomwan-an, ge henala ebo na nuwaleyan-an, inoke na nuwaleyan-an.

Totagil 34:9

ge i ba, “Babala, ebo tunahot u yaliyaya kaiweu, ya awanun elam nu nem aloma owa. Gamagalau ya ateliya i pat, yaa wama nak ge wama gegi u nuwayoho, ge u ahema ama wam hilihili gamagaliliyau sauga gegewena.”

Daniyela 9:4

Inoke alowau gamagalau wama gegi ya lopapit Yehoba no Yabowaine elana ya ba: “O Babala, owa Yabowaine bwabwatana ge ha kite lovakunagiwa. Wam bateli u nuwahikan ge wam nunuwana u ginol hikahikani bolo hi nunuwana-agiwa ge wam logugui hi henapuan elal.

Daniyela 9:9

Babala wama Yabowaine, owa toatilomwan ge gegi ana tonuwayoho. He ama ha towaagiwa,

Mataiyo 12:31

Na baewa eliyamiu, henala ebo pagan nanakina ni ginol ge ebo ni ba bwagabwaga ge Yehoba ni awatautau-an, he bosowaina ya gegi toto o Yehoba ni nuwayoho. Yaa henala ni ba bwagabwaga ge Yayaluwa Bwabwalena ni awatautau-an, he gegi toto o Yehoba nige ni nunuwayoho.

Mataiyo 6:12

Wama gegi nu nuwayoho, ni ola alomeyau wali gegi iyaka ha nuwayoho.

Luke 7:42

He ali toto labui nige bosowailiya ali vaga nihi pwamola, inoke tonowak o bolau ya ali vaga i leke yoho. He ali toto labui gamwaliyaa, henala ge tonowak o ni nunuwana-an nabiyan?”

Luke 7:48

Yaka Yeisu i baek yova elana i ba, “Wam gegi Yehoba matanaa iyaka ya nuwayoho.”

Tuwalali 13:38

Taliwau ge nuwau, nuwau nuku atena bubun Yeisu eliyana i bosowaina Yehoba wami gegi ni nuwayoho, inoke ha papaatena-an eliyamiu i ola to. Mosese wana Logugui nige bosowaina ni sokalimiu wami gegi elana, yaa henala ebo ni abulilek, Yeisu eliyana Yehoba ni sokal wana gegi elana.

Tuwalali 5:31

Yehoba iyaka i teli heyan i minaa nimana labena awonaa, iya wala Tohouwa ge wala Topwamwal. Inoke Yeisu eliyana bosowaina Isileli wali gegi ana en nihi pek ge Yehoba wali gegi ni nuwayoho.

Epeso 1:7

Yehoba wana mulolu i bwata hot, inoke Keliso wana yaomal eliyana Yehoba iyaka i pwamola pasikalila ge wala gegi i nuwayoho.

Epeso 4:32

Yaa wami pagan ni meimei alomiyau elal ge nuku atilomwan-agil. Alomiyau wali gegi eliyamiu nuku nuwayoho, ni ola Keliso eliyana Yehoba wami gegi iyaka i nuwayoho.

Hibilu 12:29

kaiwena wala Yehoba iya i ola ginaha bosowaina bugul gegewena ni ton olan.

Yosuwa 24:19

Inoke Yosuwa i baek elal i ba, “Bahi etimwawa nuku babaa houwa tage bosowaimiu ya nuku kululuek Yehoba elana, iya Yabowaine bwabwalena, ge nige i tatalam ana toawalaka ni gan. Wami awatautau ge wami gegi paganina nige ni nunuwayoho.

1 Diyon 1:9

Yaa ebo wala gegi ta pamasal Yehoba elana, iya wana pagan i sapu, ge bosowaina ana mel ta teli, inoke wala gegi ni nuwayoho, ge wala pagan nanakina gegewena ni ul yoho ge ta yanayana.

Pankite 20:15

Ebo gamagal etega nige alana hi pwapwawa yawal ana buki gamwanaa, he hi aalipaloek ginaha ana opop gamwanaa.

Pankite 21:8

Bolo hi lovakun ge hi sikalek eliyaa, bolo nige hi aabulilek, bolo pagan pulupuluwawena hi giginol, totaulol, togaganawal, tokukula, bolo hi kululuek yabowaine kakakawel elal, ge tolokalokakawi gegewel, bolo ya abaliya ginaha ana opop toto pat salpa elana i tautau. He ginaha o iya yaomal eluwana.”