Totagil 3:1 - Misima-Paneati

¹ Mosese yawana Yetilo, Midiyani wali tapwalolo ana tohouwa etega, wana sipi ge goti i matahikagil, yaka lan etega i nulil hi noek ula kekevana gamwanaa hi na hi vin Sainai oya bwabwalena.

Totagil 3:1 Iomraidhean Croise

Totagil 17:6

Na talmilila awomwa pat pwatanaa oya Sainai. Pat nu lol, inoke wewel ni sani tagil gamagalau nihi im.” Inoke Mosese i ginol ola to Isileli wali tonowakau mataliyaa.

Totagil 18:12

Mosese yawana Yetilo bwasumu enuna i pwatanim, yaka maisena hi powon pwabwalige ge enuna hi powonagil al Yehoba elana. Yaka aanan hi ginol, inoke Eloni ge Isileli wali tonowakau gegewel hi nem avaliya Mosese yawana hi anan Yehoba matanaa.

Totagil 19:11

Nihi lovivina bolu kaiwena, inoke bolu nau Yehoba na lau oya Sainai elana gamagalau gegewel mataliyaa.

Totagil 19:3

Inoke Mosese i na i ha oyaa Yabowaine elana. Yaka Yehoba i yogem oya pwatanaa Mosese elana i ba, “Nu ba Isileli, Yakobo tubutubunau elal, nu ba ola hiwe.

Totagil 2:16

He Midiyani wali tapwalolo ana tohouwa etega natunau meluyowau ali gewi seben. Hi nem wewel hi wagiwagi ha tamaliya wana sipi ge wana goti wali abaimwim hi papakalaopop ge nihi paimwil.

Totagil 2:18

Sauga yowau hi sikal tamaliya Luwel elana, inoke i nelil i ba, “Hauna kaiwena ge lan ebe etimwawa ku sikal?”

Totagil 2:21

Inoke Mosese i talam ge i na wali limiya, yaka abwe i miminaa to. He Luwel natuna etega alana Sipola i pek Mosese elana alona hi alolon.

Totagil 24:13

Mosese alona ana tolabe Yosuwa hi lovivina ge nihi ha oya bwabwalena.

Totagil 3:12

Anana Yabowaine i lahe i ba, “Nau alom. He sauga gamagalau nu nulil tagilagil Itipita abwe nuku kululuwa elau oya ya elana, inoke nu atena tunahot nau ya patunawa.”

Totagil 3:5

Yabowaine i ba, “Bahi nu nenem ebwakil labenaa. Aem ana os u leke kaiwena bilibili toto u talmilila i bwabwalena.

Totagil 33:6

Yaka oya Sainai elana Isileli tuwaliya ana isela hi palo, nige al hi papahe.

Totagil 4:18

Yaka Mosese i sikal i na Midiyani yawana Yetilo elana. Inoke Yehoba i baek elana i ba, “U sikal Itipita, kaiwena bolo nuwaliya nihi loliwa gegewel iyaka hi aliga.” Yaka Mosese i baek yawana elana i ba, “U talamwagau na sikal na na Itipita tutuwau na kitel tab heliya iyoho hi molu.” Inoke Yetilo i talam ge i ba, “Ee, ya yaliyaya nu nok.”

Totagil 4:27

Yehoba iyaka i baek Eloni elana i ba, “U na ula kekevana elana Mosese u kite.” Yaka Eloni i nok ge sauga Mosese i pwawaa Sainai oya bwabwalena elana, inoke i nalo.

Luke 2:8

Labi o elana sipi ali tomatahikan enuna heliya iyoho to panuwa labenaa, bulina wali sipi hi matahikagil.

Tuwalali 7:30

Baliman poti i mowasi, abwe anelose etega i masal Mosese elana uleya oya Sainai labenaa, ana awa i ola ginaha memena i tautau ebwakil lamwanaa.

1 Samuwela 16:11

Yaka i nel elana i ba, “Natumwau bolau ali gewi iyai ya e?” Anana Diyesi i lahe i ba, “Ali melumelu iyoho uleya, iya sipi i mamatahikagil.” Yaka Samuwela i baek elana i ba, “Ana baaba u patuna ni nem. Nige ta mimisiyo ge powon enona ta aan ana siga ni vin.”