Totagil 20:2 - Misima-Paneati

² “Nau Yehoba wami Yabowaine, ya ahemiwa Itipita wami abaloloyowana.

Totagil 20:2 Iomraidhean Croise

Totagil 13:14

Bwaliga ebo natumiyau nihi nel eliyamiu nihi ba, ‘Ginol ya ana sapu ga i ola?’ yaka nuku baek elal nuku ba, ‘Yehoba wana gasisi elana i ahela ta tagilem Itipita wala abaloloyowana.

Totagil 13:3

Yaka Mosese i baek gamagal elal i ba, “Lan ya hagalena nuku mimi awaawaginol wami abanuwahikan, kaiwena lan ya elana Yehoba alona wana gasisi i ahemiu ku tagilem Itipita wami abaloloyowana. He ebo lan ya nuku mipwawa, bahi pwalawa alona yis  hi vikuhiya nuku aan.

Totagil 15:13

Iyaka u pwamwalima, inoke alona wam nunuwana nasi nu houwa-agima; wam gasisi elana nu nulima naha tuka panuwa bwabwalena toto aloma owa ta minaa.

Totagil 15:16

lovakun ge ati bwanabwana amnanina nihi kalaopopwi. Yehoba, wam gasisi elana, yaka nihi mibabakuhu nihi ola pat, ana siga ama wam gamagalau bolo u pwamwalima naha nopalegel.

Totagil 15:26

I ba, “Ebo nau Yehoba wami Yabowaine anau nuku hago bubun, wami ginol ni sapu matawa ge no logugui gegewena nuku henapuan, inoke gila ololana ya pek Itipita elal nige etega na pepewa. Nau Yehoba ami topwapwamolu.”

Totagil 20:1

Yabowaine i ba i ola hiwe,

Totagil 6:6

“Inoke nu baek Isileli elal, ‘Nau Yehoba. Nau na pwamwalimiu, na sokalimiu Itipita wali paloloyowana. Nimwau gasigasisena na paelu, lahi pupulowanina na pek elal ge na pwamwalimiu.

Loma 10:12

He gamagalau gegewel baliya to, kaiwena Yudiya ge bolo nige Yudiya i oola nige ali getoga i gagan. Babala maisena iya gegewel wali Babala, ge iya gamagalau gegewel bolo hi awanun elana i muloluagil nabiyan.

Loma 3:29

Age Yehoba iya Yudiya maiseliya ya wali Yabowaine, o ebo iya bolo nige Yudiya i oola wali Yabowaine al ge? Ibwe, iya bolo nige Yudiya i oola wali Yabowaine al.