Totagil 19:9 - Misima-Paneati

⁹ Gamagal wali baaba i baunanik Yehoba elana, yaka Yehoba i baek elana i ba, “Na nowa yaluyalu babalona elana, inoke gamagal anau nihi hago alou owa ta baaba ge nihi abulilewa elam sauga gegewena.”

Totagil 19:9 Iomraidhean Croise

Totagil 14:31

Sauga Isileli Yehoba wana gasisi bwabwatana hi kite Itipita i pakokovel, inoke hi lovakunan, yaka hi melteli iya ge wana totuwalali Mosese elal.

Totagil 19:16

Lan etonina elana mwelulugaa, panuwa i lopinamal ge i logulumwawa, yaka yaluyalu babalona i masala oyaa ge bwagigi anana bwabwatana hi hago. Inoke gamagal gegewel abaholaviya lovakun kaiwena hi ginu.

Totagil 20:21

Yaa gamagalau iyoho ya hi milimilil laha, inoke Mosese maisena i noha yaluyalu babalona elana, toto Yabowaine i miminaa. Yaka Yehoba i baek Mosese elana i ba, “Nu baek Isileli elal ni ola hiwe. Bahi yabowaine etega al nuku giginol, nau maiseu ya.” Yaka abwe i ba wali abapowon ga nihi tal ola iya ana tapwalolo kaiwena. (puna 22-26)

Totagil 34:5

Yehoba yaluyalu elana i lau i talmilil alona Mosese, inoke alana i lumen Yehoba.

Totagil 4:31

Hi abulilek Yehoba i patunal, ge sauga hi hago age Yehoba wali miloloyowan i kite ge i atilomwan-agil, inoke hi kululu ge hi tapwalolo.

Totagil 4:5

Yaka Yehoba i ba, “Nu ginol ni ola to, inoke Isileli nihi patunahot te nau Yehoba, tubuliyau wali Yabowaine, Abalahama, Aisake ge Yakobo wali Yabowaine, iyaka ya masal eliyam.”

Mataiyo 17:5

Sauga Pita iyoho i baaba, yaka yaluyalu namanamalina i pahabobol, inoke anan etega i neem yaluyaluwa i ba, “Toto ya natu nunuwanina hot; ya yaliyaya nabiyan iya kaiwena. Nuku laegan elana!”

Yeisu Wasana Waiwaisana Mak wana Leleli 9:7

Inoke yaluyalu i nem i pahabobol, ge anan etega i neem yaluyaluwa i ba, “Toto ya natu nunuwanina hot. Nuku laegan elana.”

Luke 10:16

Yaka Yeisu i baek wana tohago elal i ba, “Henala ebo wami baaba ni hago, he nau no baaba i hago. Henala ebo ni towaagimiu, he i towaagau, ge henala i towaagau, he toto i patunau te i towani.”

Pankite 1:7

Ku kite! Iya i nenem yaluyalu pwatanaa, yaka gamagalau gegewel mataliya ni nok nihi kite, ge bolo valila hi howa ge i yaomal heliya al nihi kite. Gamagalau gegewel panayawiya nihi kahin iya kaiwena. Tunahot! Ibwe. I ola.