Totagil 18:4 - Misima-Paneati

⁴ Natuna eluwana alana i tun “Eliyesa,” kaiwena i ba, “Nam wana Yabowaine i labeyau inoke Itipita wali kin nige i lololau.”)

Totagil 18:4 Iomraidhean Croise

Abatelipuna 49:25

Tamwam wana Yabowaine ni labewa, Yabowaine Togasisi Hot ni muloluagiwa. Ni muloluagiwa ni ba kehe ni loem labulabumwa, ni muloluagiwa wewel ni patub heyan bilibiliya, ni muloluagiwa wam bwasumu ge tubutubumwau nihi gewi.

Totagil 10:28

Yaka i baek Mosese elana i ba, “U egonik hot matawa! Bahi al na kikitewa! Lan toto na kitewa, inoke nu aliga!”

Totagil 2:15

Sauga Mosese wana ginol wasana kin i hago, inoke kamwasa i loya ge Mosese ni lol. Yaa i lou i na labi Midiyani ge i misiyowa wewel kenken etega bebenaa.

Totagil 2:22

Yaka natuliya melutauina i ab. Mosese i ba, “Ya mibwabwali panuwa ya elana,” inoke wawaya alana i tun Gesomi.

Totagil 4:20

Inoke Mosese lagona ge natunau bolau i ahel, i telel donki  pwatanaa, ge alonau hi egonan nihi na Itipita. Mosese suki toto Yabowaine i baunan i noahe.

Daniyela 6:22

No Yabowaine wana anelose i patuna i nem laiyoni awaliya i lokausan, yaka nige hi tatalau. I ginol ola, kaiwena i kiteyau no pagan i sapu matanaa. I ola al, nige gegi etega ya giginol owa kin elam.”

Tuwalali 12:11

Pita iyaka nuwana i sapu inoke i ba, “Iyaka ya atena i tunahot Babala wana anelose i patuna i pwamwalau Helodi nimanaa, inoke toto Yudiya nunuwaliya nige ni gagan.”

Tuwalali 7:29

Sauga Mosese baaba o i hago, inoke i lou i na i mibwabwali labi Midiyani. Yaka abwe i alolon ge natuliyau labui hi abiliek to.

2 Timoti 4:17

Yaa Yehoba i minaa labewa ge i pagasisi-agau, yaka Wasa Waiwaisana gegewena ya wasaan inoke bolo nige Yudiya i oola gegewel o hi hago. Ge Yehoba i pwamwalau yaomal elana, i ola te ebo gamagal etega ta pwamwalem laiyoni elal.

Hibilu 11:34

enuna nige ginaha ana gasisi mulina i gagan tuwaliyaa, enuna ali topihigelgel bolo nuwaliya lohaveyan kilepana elana nihi gopaaligal hi lou luwagil, enuna wali pweyata gamwanaa gasisi hi pwawa, enuna haveyan elana hi gasisi nabi ge labi getoga wali tolohaveyan hi pakokovel ge hi lou sikal.

Hibilu 13:6

Inoke bosowaina alola wala atimatuwa ta ba: Babala iya o Tolabe, inoke nige na lolovakun. Nige ya nuwanuwatu te hauna gun ebo gamagalau nihi ginol eliyau.