Pankite 5:12 - Misima-Paneati

¹² Yaka hi wona, analiya i bwata ya hago, hi ola, “Sipi Natuna toto valila hi tagapaaliga ga, iya bosowaina wana waisi ta wonaan, iya Tobwabwatana, iya Togogomwau, iya Tosiba, iya Togasisi, iya ta awatauwan, ta awa wasawasa-an ge ta tobalan.”

Pankite 5:12 Iomraidhean Croise

Mataiyo 28:18

Yeisu i pelinok eliyalil inoke i ba, “Logugui ge gasisi gegewena labulabumwa ge panayawiya, iyaka Nam i pem elau.

Diyon 1:29

Hi kenu lan i gan, inoke Diyon matana i nok Yeisu i kite i nanawa elana, yaka i ba, “Ku kite! Iya Sipi Natuna toto Yehoba i patunam panayawi gamagaliliyau wali gegi ni ahek yoho!

Diyon 17:2

Kaiwena gasisi u pek elana gamagalau gegewel ni logugui-agil, inoke bosowaina yawal hot ni pek gamagalau gegewel elal bolo u pek elana.

2 Kolinita 8:9

He wala Babala Yeisu Keliso wana mulolu bwagabwaga ku atena ya. Bwagana iya towasawasa, yaa komiu kaiwemiu i nem i tabwa togulagula. Iya i tabwa togulagula inoke ni labemiu komiu nuku towasawasa.

1 Timoti 1:17

Kin mihomihotina, iya nige yawalina ni momowasi, iya nige ta kikite, ge iya maisena ya Yabowaine tutunahotina, ta awatauwan ge ta awa wasawasa-an sauga gegewena nige ni momowasi. Ibwe. I ola.

Pankite 1:6

inoke i telela wana abalogugui ana gamagalau, kila ta totuwalali bwabwalena wana Yabowaine ge Tamana kaiwena. Yeisu iya ta awa wasawasa-an ge ta awa togasisi-an sauga gegewena nige ni momowasi. Ibwe. I ola.

Pankite 13:8

Gamagalau panayawiya nihi kululu eliyana, yaa bolo alaliya Yehoba i leli yawal ana buki elana mulaa abwe panayawi i ginol, heliya nige nihi kukululuek bwasumu bekikina elana. He buki o Sipi Natuna toto valila hi tagapaaliga ga wana buki.

Pankite 15:3

ge Yehoba wana totuwalali Mosese ana wona ge Sipi Natuna ana wona hi wonaan hi ba: “Yehoba Yabowaine Togasisi Hot, wam ginol bwabwatal abanuwa ahi. Panuwa gegewel wali Kin owa, wam pagan i sapu ge i tunahot.

Pankite 19:1

Toto o enaa, boda bwabwatana analiya i bwata nabi ya hagoek labulabumwa hi ba, “Yehoba ta tobalan! Pwamwal ge wasawasa ge gasisi i minaa wala Yabowaine eliyana,

Pankite 4:11

“Wama Babala ge wama Yabowaine, i bosowaina naha awa wasawasa-agiwa, naha awatauwagiwa ge wam gasisi naha tobalan, kaiwena bugul gegewena u ginolil inoke wam nuwatu elana hi masal.”

Pankite 5:13

Yaka bugul yawaliliya gaganil gegewel, labulabumwa, panayawiya, bilibili gamwanaa ge hogaa, bolo o gegewel analiya ya hago hi wona hi ola, “Gamagal toto i misiyowa abamisiyo wawasana elana, alona ge Sipi Natuna, ta tobalagil, ta awatauwagil, ta awa wasawasa-agil ge ta awa togasisi-agil, sauga gegewena nige ni momowasi.”

Pankite 5:6

Inoke matau ya lipwatanik ge Sipi Natuna etega ya kite, ana awa i ola valila hi tagapaaliga ga, i talmilila abamisiyo wawasana labenaa, ge bwasumu bolo esopali avaliyau ge tonowakau bwabwatal ali gewi tuwenti po hi mipainan. Sipi Natuna o ana hon seben ge matana ali gewi seben. Matan o Yehoba Yayaluwana, iya i ola yayaluwa seben, Yehoba i patuna i na panayawi labi gegewena elal.

Pankite 5:8

Sauga pepa i ahe, inoke bwasumu bolo esopali avaliyau ge tonowakau bwabwatal ali gewi tuwenti po hi loepwakokuwa manininaa. Tonowakau bwabwatal maisena ge maisena wali egalagalavenu hapi i gan, ge mwaha gold elana hi ginoliya hi pihikagil, gamwaliyaa, bugul etega hi ton bwalena waiwaisana i kalaopop. Bwalen o i ola Yehoba wana gamagalau wali awanun.

Pankite 5:9

Yaka wona vavaluna etega hi wonaan Yeisu kaiwena hi ba: “Owa wam gasisi i gan bosowaim pepa nu ahe ge ana epapap nu kukuleke, kaiwena valila hi tagapaaligawa, ge saliyam elana gamagalau un tomaha ge tomaha, anan tomaha ge tomaha, tuwan tomaha ge tomaha, ge panuwa tomaha ge tomaha u pwamola pasikalil Yehoba kaiwena.

Pankite 6:1

Inoke Sipi Natuna ya kite pepa ana epapap ali gewi seben gamwaliyaa, epapap houwan i kukuleke. Yaka bwasumu bolo esopali avaliya etega i baaba anana i bwata ya hago i ola gulumwawa butuna, i ba, “U nem!”

Pankite 7:12

hi ba, “Ibwe. I ola! Wala Yabowaine ta tobalan, ta awa wasawasa-an, ta ba iya Tosiba, iya Tobwabwatana ge iya Togasisi, ta pata ateu owa eliyana ge ta awatauwan, sauga gegewena nige ni momowasi. Ibwe. I ola!”