Pankite 3:17 - Misima-Paneati

¹⁷ Ku ba, ‘Ama ha gogomwau ge wama bugul hi gewi, nige bugul etega ha kakalaan.’ Yaa age nige ku aatena te ku miloloyowan ge gamagalau ateliya i lomwanagimiu. Komiu ku gulagula, matamiu i kai ge ku bokaboka.

Pankite 3:17 Iomraidhean Croise

Abatelipuna 3:7

Yaka mataliya i mwapwela ge hi kitel age hi bokaboka, inoke poga lamwana hi bugulan ge hi helil tuwaliya ana ekaukaus.

Totagil 32:35

Yaka abwe Yehoba gamagalau i lahel kasiyebwa nanakina elana, kaiwena hi kululuek bulumwakau gogoginol, toto gold elana Eloni i ginoliya.

Mataiyo 5:3

Bolo hi atena yayaluwaliya i gulagula, Yehoba i muloluagil, kaiwena Yehoba wana abalogugui iyaka i minek elal.

Mataiyo 9:12

Yeisu baaba ya i hago inoke i ba, “Tomolu nige nuwaliya tosawasawal, tokasiyebwa ya te nuwaliya.

Luke 1:53

Bugul waiwaisal i guyauan togalebu elal hi kalaopopwi, yaa togogomwau i patuna yohil nimaliya enoenovana ya.

Luke 6:24

Yaa komiu togogomwau sauga ya, bwaliga nuku nak, kaiwena wami minamina waiwaisana iyaka ku pwawa haba.

Loma 11:20

He tunahot to, yaa Yehoba i gabom yohil kaiwena nige hi aabulilek, ge owa iyoho u minamina kaiwena u abulilek. Inoke bahi nu hahanaha, yaa alom wam lovakun nu matahikagiwa.

Loma 11:25

Taliwau ge nuwau, baaba tutunahotina hiwe, valila i misumi ga, yaa Yehoba iyaka i pamasal, nuwau nuku atena inoke bahi nuku hahanaha. He i ola hiwe: sauga ya boda Isileli awalehina ateliya i elolol nige Yehoba anana hi hahago. Yaa wali atielolol o ana siga ya te sauga ebo toabulilek nige Isileli i oola gamwaliyaa ali gewi ni olaolaek.

Loma 12:3

Yehoba o gabom i pem, inoke na baek gamagal maisena ge maisena elana wami boda gamwanaa na ba: bahi totom nu nunuwatu kaiwem ge nu babaa “Nau ya bwata,” yaa age nigeya. Yaa wam nuwatu nu luvi bubun, nu golugoluwa am gabom ana bwata toto wam abulilek kaiwena ge Yehoba i pewa.

Loma 7:24

Inoke i ola hiwe: ebo nau totou inoke atewa tage Yehoba wana logugui na henapuan, yaa tuwau toto panayawi tuwanina gegi nuwatuina i henapuan. Eeu! Nau geb, gamagal nuwanuwanakina! Henala ni pwamwalau tuwan ya elana, tuwan toto yaomal i pwatanim? Ya ba mulolu Yehoba elana kaiwena iya bosowaina ni pwamwalau wala Babala Yeisu Keliso eliyana.

2 Pita 1:9

Yaa ebo gamagal etega pagan bolo o nige i aahe, he iya matana i kaubwa, kaiwena i nuluwan te wana gegi bolo valila i ginolil iyaka Yehoba i ul yoho.

Pankite 16:15

Babala i ba, “Ku kite! No nem ni ola tokaoma wali nem! Henala ebo ni silawa ge ana kaliko ni lovivina-an nonowe, he nasi waisi ni pwawa, inoke nige ni bokaboka ge ni pupuluwawi gamagalau mataliyaa.”

Pankite 2:9

Wami lomwan ge wami gulagula iyaka ya atena, yaa Yehoba matanaa komiu ku gogomwau. Iyaka ya atena te Yudiya gamagaliliyau enuna hi ba panapanak-agimiu. Heliya hi ba, ‘Ama ya te Yehoba wana boda,’ yaa nige hi oola, age heliya Seitani wana totapwalolo.

Pankite 3:16

Yaa komiu bwawaiwaimiu ya, nige ku tultul ge nige ku waiwai, inoke na koyapuli yohimiu.