Pankite 21:6 - Misima-Paneati

⁶ Yaka i baem eliyau i ba, “Iyaka i mowasi. Nau Alepa ge Omega, nau Abatelipuna ge Abapwamowasi. Bolo hi walem na talamwagil nihi imwimwa wewel bwanapitpit elana, toto yawal ana wewel, wewel o nige molana ni gagan.

Pankite 21:6 Iomraidhean Croise

Diyon 4:10

Yeisu yova anana i lahe i ba, “Binimala nu atena hauna toto Yehoba i guyauan, ge binimala nu atena henala nau ge wewel ya awanun elam, inoke nu awanun elau ge wewel yawalina gaganina na pewa.”

Diyon 4:11

Yaka yova i ba, “Tonowak, wewel kenken ya i milau, he nige wam ewagiwagi i gagan ge tage wewel nu wage. Wewel yawalina gaganina ga nu aheya?

Diyon 4:14

yaa henala ebo wewel ni im toto nau na pek elana, he nige ni wawalem al. Wewel toto na pek elana ni tabwa wewel i bwanabwana pitpit ge yawal mihomihotina ni pek.”

Loma 3:24

Inoke gegewel al Yehoba wana mulolu bwagabwaga elana i awa sapusapu-agil, kaiwena Keliso Yeisu i pwamola pasikaliliem gegi elana.

Loma 8:32

Yehoba totona Natuna nige i kakaise, yaa i talamwan ya kila gegewela kaiwela. Inoke ta atena bubun te kaiwena Natuna iyaka i pem, he nasi bugul waiwaisana gegewena al ni pem ala mulolu.

1 Kolinita 2:12

Kila nige panayawi yayaluwana ta aahe yaa Yayaluwa toto i neem Yehoba elana, inoke bosowaila Yehoba wana mulolu toto i guyauan eliyala ta atena.

1 Kolinita 3:12

Enuna totaltal waiwaisal, heliya gold, silba ge pat ali awa waiwaisana hi ahe inoke ekahiyan o eliyana limi hi taltal. Enuna totaltal nanakil, yaka ebwakil, widiwidi ge mwawin ona hi ahe inoke limi hi taliya.

1 Kolinita 3:21

Inoke bahi nuku babaa hanaha maisena ge maisena wami tohouwa ona kaiweliya. Bahi nuku babaa, “Nau gamagal han elana,” kaiwena tohouwa gegewel heliya komiu kaiwemiu—ebo Pol, ebo Apolosa, ebo Pita—ge bugul gegewel heliya komiu kaiwemiu—ebo panayawi, ebo molu, ebo yaomal, ebo sauga ya, ebo sauga i nenem. Tohouwa gegewel ge bugul gegewel komiu kaiwemiu,

1 Kolinita 3:5

Ga i ola? Henala Apolosa ge henala Pol? Ama toto eluwa totuwalali ya. Wama tuwalali tomaha ge tomaha Babala i guyauan, yaka tuwalali ya eliyana komiu wami abulilek i gan.

Pankite 1:11

I ba i ola hiwe, “Bugul bolo nasi abwe nu kitel nu leli lowagil buki elana, inoke nu patuna ni nok ekelesiya bolo hi minaa panuwa seben elal ge nihi vasili. Panuwa bolo o heliya Epeso, Simeina, Pegamam, Tayataila, Sadis, Piladelpiya ge Leodisiya.”

Pankite 1:17

Sauga gamagal o ya kite, inoke ya soguwa aenaa ya ola toyaomal etega. Yaka nimana awona i teliya tuwau elana ge i ba, “Bahi lovakun! Nau Abatelipuna ge Abapwamowasi.

Pankite 1:8

Yehoba Yabowaine Togasisi Hot, iya i gan sauga ya, sauga houhouwena, ge sauga i nenem elal, i ba, “Nau Alepa ge Omega, nau Abatelipuna ge Abapwamowasi.”

Pankite 10:6

ge i papasila Yehoba alana elana, iya yawalina mihomihotina, iya labulabum ginebi buguliliyau, panayawi ginebi buguliliyau, ge hoga ginebi buguliliyau ali toginol. I papasila ge i ba, “Matamatan ana sauga iyaka i mowasi!

Pankite 16:17

Yaka anelose seben-ina wana mwaha enona i liginek hawawala. Inoke anan bwabwatana etega ya hago i neem Limi Bwabwalena gamwanaa abamisiyo wawasana elana, i ba, “Iyaka i mowasi.”

Pankite 22:13

Nau Alepa ge Omega. Nau ya houwa ge ya mulaa. Nau Abatelipuna ge Abapwamowasi.

Pankite 22:17

Yayaluwa Bwabwalena alona ge Sipi Natuna ana kawakawalolu hi ba, “U nem!” Komiu gegewemiu bolo wasa ya ku hago nuku ba, “U nem!” Henala ebo ni walem ge nuwana wewel, he ni nem ge yawal ana wewel ni im bwabwage, nige molana i gagan.

Pankite 3:14

Yaka i baem al eliyau i ba, “Leta u leleli ni nok ni na panuwa Leodisiya, ni na anelose elana toto toekelesiya ali tomatahikan, ge nu ba nu ola hiwe: Gamagal toto alana hi ba ‘Emen,’ iya Yehoba wana baaba ana towasa sasapona ge tutunahotina, ge iya bugul gegewena Yehoba i ginolil wali abamasal, wana baaba i ola hiwe.

Pankite 7:17

kaiwena Sipi Natuna, iya i miminaa luwaluwala abamisiyo wawasana labenaa, i matahikagil i ola te tomatahikan sipi wana sipi i matahikagil, i nulil hi na hi im wewel toto i bwanabwana pitpit ge yawalina gaganina elana. Ge matanunuliya gegewena Yehoba iyaka i abut yoho.”