Pankite 21:22 - Misima-Paneati

²² Nige limi bwabwalena etega ya kikite panuwa gamwanaa, kaiwena Yehoba Yabowaine Togasisi Hot alona ge Sipi Natuna heliya te panuwa o ana limi bwabwalena.

Pankite 21:22 Iomraidhean Croise

Mataiyo 24:2

Yeisu analiya i lahe i ba, “Limi ya gegewena iyoho ku kikite. Ya ba tunahot eliyamiu, pat bolo hi ahe limi ya hi ginoliya, nige etega ni miminaa abanaa, gegewena abwe nihi pasamwalekaleka.”

Diyon 10:30

Nau alou ge Nam ha maisena ya.”

Diyon 13:32

He iya eliyana te Yehoba wana wasawasa nihi kite, inoke Yehoba totona Gamagal Natuna ni pawasawasa, ge etimwawa ni ginol ola.

Diyon 4:21

Inoke Yeisu i ba, “Yova, no baaba ya nu abulilek-an. Sauga i nenem gamagalau nihi kululu Tamaliya elana, yaa nige oya ya elana i oola o ebo Yelusalema elana.

Diyon 4:23

Yaa sauga i nenem ge iyaka i vin, inoke Yayaluwa Bwabwalena wana gasisi elana gamagalau nihi tapwalolo tunahot Tamaliya elana alona ge wali ginol tutunahotina. He totapwalolo ololal o heliya Tamala i loyaagil.

Kolose 1:19

Kaiwena Yehoba wana nuwatu te iya yawalina ge wana pagan gegewena i minaa Keliso elana, gegewena i kalaopopwi.

Kolose 2:9

He nuku matahikagimiu ni ola to, kaiwena Yehoba yawalina ge wana pagan gegewena Keliso i kalaopopwi ge i tabwa gamagal,

Pankite 1:8

Yehoba Yabowaine Togasisi Hot, iya i gan sauga ya, sauga houhouwena, ge sauga i nenem elal, i ba, “Nau Alepa ge Omega, nau Abatelipuna ge Abapwamowasi.”

Pankite 11:17

hi ba: “Yehoba Yabowaine Togasisi Hot, owa u gan sauga ya ge sauga houhouwena elal, ha ba mulolu eliyam kaiwena wam gasisi iyaka u ahe ge u tabwa panayawi ana tologugui.

Pankite 14:4

Heliya nige hi papabikel ganawal paganina elana, yaa hi yanayana. Ebo Sipi Natuna ga ni noek heliya nihi toulil. He Yehoba iyaka i pwamola pasikalil panayawi gamagaliliyau gamwaliyaa, ge heliya hi tabwa boda houwan Yehoba ge Sipi Natuna elal.

Pankite 15:3

ge Yehoba wana totuwalali Mosese ana wona ge Sipi Natuna ana wona hi wonaan hi ba: “Yehoba Yabowaine Togasisi Hot, wam ginol bwabwatal abanuwa ahi. Panuwa gegewel wali Kin owa, wam pagan i sapu ge i tunahot.

Pankite 16:14

Yayaluwa bibikel o heliya ginol yawiyawi nihi awaawaginol, ge nihi na panayawi ana kin ona aloliyau ge wali tolohaveyan nihi bugul papahel. Inoke heliya nihi lovivina avaliya Yehoba nihi lohaveyan Yehoba Togasisi Hot wana lan bwabwatana elana.

Pankite 16:7

Inoke anan etega ya hago i neem abapowon elana i ba, “Ibwe, Yehoba Yabowaine Togasisi Hot, wam lahi i tunahot ge i sapu.”

Pankite 19:15

Elohaveyan kilepana matana imomona i tagilem awanaa, inoke eliyana ni lohaveyan ge panuwa gegewel ni pakokovel, ge alona wana gasisi bwalibwaligena ni logugui-agil. Iya oine enona ni poti lowan suina ana abapotipoti elana, oine suina o i ola Yehoba Togasisi wana huga bwabwatana.

Pankite 4:8

He bwasumu esopali maisena ge maisena opeliya ali gewi sikis, ge mataliya tuwaliya bwalibwaligena i pakalaopop, i ola al opeliya gabulanaa. Lan ge bulin hi wonawona nige hi veveyaho, hi ba, “Yehoba Yabowaine Togasisi Hot, iya i bwabwalena, i bwabwalena, i bwabwalena, iya i gan sauga houhouwena, sauga ya ge sauga i nenem elal.”

Pankite 5:6

Inoke matau ya lipwatanik ge Sipi Natuna etega ya kite, ana awa i ola valila hi tagapaaliga ga, i talmilila abamisiyo wawasana labenaa, ge bwasumu bolo esopali avaliyau ge tonowakau bwabwatal ali gewi tuwenti po hi mipainan. Sipi Natuna o ana hon seben ge matana ali gewi seben. Matan o Yehoba Yayaluwana, iya i ola yayaluwa seben, Yehoba i patuna i na panayawi labi gegewena elal.

Pankite 7:15

Inoke heliya hi miminaa Yehoba wana abamisiyo wawasana awonaa, lan ge bulin hi totuwalali elana wana Limi Bwabwalena gamwanaa; ge gamagal toto i misiyo abamisiyo wawasana elana avaliya hi mina ge iya i libuagil.

Pankite 7:17

kaiwena Sipi Natuna, iya i miminaa luwaluwala abamisiyo wawasana labenaa, i matahikagil i ola te tomatahikan sipi wana sipi i matahikagil, i nulil hi na hi im wewel toto i bwanabwana pitpit ge yawalina gaganina elana. Ge matanunuliya gegewena Yehoba iyaka i abut yoho.”