Pankite 18:8 - Misima-Paneati

⁸ Toto o kaiwena, he inoke lan etega gamwanaa abwe ana logabola nihi masal, ololana kasiyebwa, kahikahin ge galebu bwabwatana. Inoke iya ni kalas ginaha eliyana, kaiwena Yehoba Yabowaine, toto ana lahi i ginol, iya Togasisi Hot.”

Pankite 18:8 Iomraidhean Croise

1 Kolinita 10:22

Age nuwamiu Babala nuku pahuga? Age wami gasisi i ola iya?

Pankite 11:17

hi ba: “Yehoba Yabowaine Togasisi Hot, owa u gan sauga ya ge sauga houhouwena elal, ha ba mulolu eliyam kaiwena wam gasisi iyaka u ahe ge u tabwa panayawi ana tologugui.

Pankite 17:16

Ge hon bolo u kitel ali gewi elulutega, avaliya ge bwasumu bekikina nihi pihigelgel yova toganawal elana. Inoke nihi apapanak-an ge wana bugubugul nihi ahe egonan, ge bobokana ya nihi tataluwan. Yaka tuwana nihi an haba, ge ginaha elana nihi ton yoho.

Pankite 17:18

He yova toto u kite, iya i ola panuwa alana bwabwatana toto panayawi ana kin ona i logugui-agil.”

Pankite 18:17

He sauga kaukaubwana hot gamwanaa am lahi i vin, inoke wam wasawasa buguliliyau bolo o hi yaomal haba.” Waga ali toyabyab gegewel, avaliyau ge bolo hi gaiha wagaa, waga ana totuwalali, ge bolo wali mani ana abanem hoga ana tuwalali elana, nihi talmililek laha hot.

Pankite 18:19

Yaka papakova nihi yoho heheyan kokowaliyaa ge nihi kahin nabinabi nihi ba, “Eeu nak geb! Eeu nak geb! Babiloni, panuwa alana bwabwatana, tonwaga gegewel wali gogomwau i bwata hi pwawaa wam wasawasa elana. He sauga kaukaubwana hot gamwanaa wam gogomwau gegewena hi yaomal haba!”

Pankite 19:3

Yaka hi yoga palabuina al hi ba, “Yehoba ta tobalan! Babiloni i kalas ge kasona ni haha sauga gegewena.”