Pankite 13:7 - Misima-Paneati

⁷ Yehoba i talam haveyan ni ginol wana gamagalau elal ge ni pakokovel, ge Yehoba i talam gamagalau gegewel ni logugui-agil, un tomaha ge tomaha, panuwa tomaha ge tomaha, anan tomaha ge tomaha ge tuwan tomaha ge tomaha.

Pankite 13:7 Iomraidhean Croise

Totagil 9:16

Yaa ya telewa u tabwa kin, kaiwena nuwau no gasisi na pankitewa, inoke wasau ni lelu panayawi gegewena ni soli.

Daniyela 12:1

Yaka abwe anelose o i ba, “Sauga o elana Maikol, iya aneloseyau wali tohouwa bwabwatana etega toto wam gamagalau ali tomatahikan, ni lut. He miloloyowan bwabwatana ni gan ololana nige sauga etega i gagan i telipunaa sauga toto abwe boda ona hi masal. Yaa sauga o elana wam gamagalau gegewel bolo alaliya iyoho Yehoba i leli lowan wana buki elana ni pwamwalil.

Daniyela 7:21

He sauga nau iyoho ya ya gagagayawa, yaka haveyan i awaawaginol Yehoba wana gamagalau bwabwalel elal ge i papakokovel,

Daniyela 7:25

Iya Tomihahaina Hot ni awa nanak-an ge wana gamagalau bwabwalel ni paloloyowan-agil. Wana nuwatu ni tal wali tapwalolo ana logugui ge wali hagali ali sauga ona ni pil getogaan. He Tomihahaina Hot wana gamagalau ni talamwagil nihi minaa kin o wana logugui gabulanaa baliman eton ge awalehina.

Luke 4:6

Inoke i baek elana i ba, “Gasisi gegewena na pewa eliyam ge abalogugui bolo ya ginebi ge gogomwauina nu logugui-agil. Kaiwena iyaka Yehoba i pem eliyau, ge ebo nuwau, bosowaiu ya te na pek gamagal etega elana.

Diyon 19:11

Yaka Yeisu i ba, “Binimala Yehoba nige gasisi ni tatalamwan elam, he nige wam gasisi ni gagan ge nu lologugui-agau. Inoke bolo hi talamwagau nimwamwa, heliya wali gegi wam gegi i bwata lake.”

Pankite 10:11

Inoke Yehoba i baem elau i ba, “Nu palopisai al gamagalau hi gewi baliya, un tomaha ge tomaha, tuwan tomaha ge tomaha, ge anan tomaha ge tomaha, ge i ola al kin ona baliya.”

Pankite 11:18

Am topihigelgel hi huga nabi eliyam yaa wam huga ana sauga iyaka i nem. Sauga iyaka i vin ge bolo hi aliga nu pakotil, ge bolo panayawi hi apanak nu apanakil. Sauga iyaka i vin ge wam totuwalali palopitau nu pwamolal, ge wam gamagalau gegewel bolo hi awatauwagiwa, bolo alaliya bwabwatal ge bolo alaliya kekeisi, molaliya nu pek.”

Pankite 11:7

Yehoba wana baaba nihi wasaan haba, inoke bwasumu bekikina toto i neem gol toto milaulauina hot elana ni lohaveyan elal, ni pakokovel ge ni tagapaaligal,

Pankite 12:17

Yaka mwata i huga nabi yova elana, ge i nok i na haveyan ni ginol yova tubutubunau gegewel al elal, bolo Yehoba wana logugui hi henapuan ge Yeisu wana panpankiti hi toulil.

Pankite 17:15

Inoke anelose i baem al eliyau i ba, “Wewel bolo u kitel yova toganawal i misiyowa pwataliyaa, heliya hi ola panuwa tomaha ge tomaha, boda tomaha ge tomaha, tuwan tomaha ge tomaha ge anan tomaha ge tomaha.

Pankite 5:9

Yaka wona vavaluna etega hi wonaan Yeisu kaiwena hi ba: “Owa wam gasisi i gan bosowaim pepa nu ahe ge ana epapap nu kukuleke, kaiwena valila hi tagapaaligawa, ge saliyam elana gamagalau un tomaha ge tomaha, anan tomaha ge tomaha, tuwan tomaha ge tomaha, ge panuwa tomaha ge tomaha u pwamola pasikalil Yehoba kaiwena.