Pankite 12:10 - Misima-Paneati

¹⁰ Inoke anan bwabwatana etega ya hago labulabumwa i ba: “Yehoba wana gamagalau iyaka i pwamwalil, wana gasisi iyaka i ahe ge i tologugui, ge wana Mesaiya wana logugui ana gasisi iyaka i pankitela, kaiwena talilau ali towoliwoli, iya lan ge bulin i wolel wala Yabowaine matanaa, iyaka aneloseyau hi alilowanem labulabumwa.

Pankite 12:10 Iomraidhean Croise

Daniyela 2:44

“Kin bolo o wali sauga logugui gamwanaa, inoke Yabowaine toto labulabumwa abalogugui etega ni pamilil, toto nige nihi aapapanak-an ge nige boda getoga nihi aahe. Inoke abalogugui gegewel o ni pasamwalekaleka-agil ge ni pwamowasel, yaa iya ni mihot.

Mataiyo 26:64

Anana Yeisu i lahe i ba, “I ola te wam baaba ei. He na baewa eliyamiu, bwaliga abwe nau Gamagal Natuna nuku kiteyau na misiyowa Yehoba Togasisi labena awonaa ge na neem yaluyalu pwatanaa.”

Mataiyo 28:18

Yeisu i pelinok eliyalil inoke i ba, “Logugui ge gasisi gegewena labulabumwa ge panayawiya, iyaka Nam i pem elau.

Mataiyo 6:10

wam logugui ni nem, wam nuwatu gamagal naha ginol panayawiya ni ola hi giginol labulabumwa.

Luke 11:2

I baek elal i ba, “Sauga nuku awanun nuku ba ola hiwe: Tamama, alam bwabwalena gamagal naha awatauwan, wam logugui ni nem.

Luke 22:31

Yeisu i ba vevehe al i ba, “Saimon! Saimon! Seitani iyaka Yehoba wana talam i ahe ge ni labosemiu, ni ola toeyowa witi enona i labose ge i ase, yaka musana i ahek yoho.

1 Kolinita 5:4

Ana logugui i ola hiwe: sauga etega nuku nogogo, he nau al yayaluwa elana iyoho alowau komiu, ge wala Babala Yeisu wana gasisi al iyoho eliyala,

2 Kolinita 12:9

Yaa i baem elau i ba, “No mulolu bugul gegewena i paolaolaek elam. Kaiwena no gasisi i gagasisi hota te bolo hi pweyata elal.” Wana baaba o kaiwena inoke ya yaliyaya nabi te na ba hanahanaha no pweyata kaiweliya, inoke Keliso wana gasisi ni holaviya elau.

Taitas 2:3

I ola al evenakau nu pankitel pagan sasapona eliyana nihi nanawaa. Bahi nihi loloba avaliyau kaiweliya, ge bahi wewel gasigasisena ni lologugui-agil. Waisi paganina nihi panpankiti-an,

1 Pita 5:8

Nuku silawa ge nuku matahikagimiu bubun, kaiwena ami topihigelgel Seitani iya i ola bwasumu sosokana laiyoni, i nononawanawa ge i loyaloya nuwana gamagal etega ni tinon.

Pankite 11:15

Inoke anelose seben-ina wana bwagigi i yu, yaka tomilabulabum analiya i bwata ya hago hi ba, “Panayawi ana logugui iyaka i minaa Yehoba wala Babala alona ge wana Mesaiya elal, ge Yehoba iya ni tologugui sauga gegewena nige ni momowasi.”

Pankite 2:26

Bolo hi palahikan kaiweu ge nak hi gasisi luwai, ge no nuwatu hi awaawaginol i na ana siga sauga mowamowasena elana, he logugui ana gasisi toto valila Nam i pem eliyau na pek al elal, inoke heliya wali gasisi ni gan labi gegewena gamagaliliyau elal. Wali logugui elal ni gasisi nabi, ge nihi apapanak-agil ni ola gamagal ulun i tagagebagebal-an.

Pankite 7:10

Hi yoga analiya i bwata hi ba, “Pwamwal i neem wama Yabowaine toto i misiyowa abamisiyo wawasana elana, alona ge Sipi Natuna elal.”