Yeisu Wasana Waiwaisana Mak wana Leleli 5:7 - Misima-Paneati

⁷ I yoga anana i bwata hot i ba, “Yeisu, owa Yehoba Mihahaina Hot Natuna, nasi ga nu ginol ola-agau? Nu papasila Yehoba alana elana nige nu lalaheyau!”

Yeisu Wasana Waiwaisana Mak wana Leleli 5:7 Iomraidhean Croise

Abatelipuna 3:15

Na ba owa alom ge yova nuku pepihigelgel-agimiu, i ola al tubutubunim ge iya tubutubunina nihi pepihigelgel-agil. Tubutubunina etega kokowam abwe ni puligebal ge owa aena gunina nu tal.”

Mataiyo 16:16

Saimon Pita anana i lahe i ba, “Owa Mesaiya, Yabowaine yawalina gaganina Natuna.”

Mataiyo 26:63

Yaa Yeisu i mikekei. Inoke topowon bwabwatal wali tohouwa i baek elana i ba, “Yabowaine yawalina gaganina alana elana nu baaba tunahot, ge wama wasa nu pem ebo owa Mesaiya Yehoba Natuna, o nigeya.”

Mataiyo 4:3

Yaka Seitani i nem elana ge i labose i ba, “Ebo tunahot owa Yehoba Natuna, u ba pat ya elal inoke nihi tabwa aanan.”

Mataiyo 8:29

Yaka hi yogayoga hi ba, “Yehoba Natuna owa, nasi ga nu ginol ola-agima? Age nuwam nu lahema? Yaa nige lahi ana sauga i oola te.”

Yeisu Wasana Waiwaisana Mak wana Leleli 1:24

“Yeisu gagama Nasaleta, ga i ola ge u nem eliyama? Age nuwam nu apapanak-agima? Ya atenawa ya, owa Yehoba wana Gamagal Bwabwalena!”

Yeisu Wasana Waiwaisana Mak wana Leleli 14:61

Yaa Yeisu i mikekei nige anana etega i lalahe. Inoke topowon bwabwatal wali tohouwa i nel al elana i ba, “Owa Mesaiya, Yehoba Towasawasa Natuna, o ebo nigeya?”

Yeisu Wasana Waiwaisana Mak wana Leleli 3:11

Sauga ebo gamagalau bolo yayaluwa bibikel hi holaviya elal Yeisu nihi kite, yaka nihi sogu manininaa ge nihi yoga nihi ba, “Owa Yehoba Natuna.”

Yeisu Wasana Waiwaisana Mak wana Leleli 5:6

Sauga tau o Yeisu i kitek laha, inoke i patalelu i na i loepwakoku awonaa.

Yeisu Wasana Waiwaisana Mak wana Leleli 5:8

He i yoga ola o, kaiwena Yeisu iyoho ya i baaba tau o elana i ba, “Yayaluwa bibikena, u tagil tau ya elana!”

Luke 1:32

Iya ni tobwabwatana gamagalau mataliyaa, ge nihi awa Tomihahaina Hot Natuna-an. Tubuna Deibid wana abalogugui Yehoba Yabowaine ni pek elana,

Luke 4:34

“Ei! Yeisu gagama Nasaleta, ga i ola ge u nem eliyama? Age nuwam nu apapanak-agima? Ya atenawa ya, owa Yehoba wana Gamagal Bwabwalena.”

Luke 6:35

Yaa ami topihigelgel nuku nunuwana-agil ge wami pagan ni waisi elal. Bugul nuku pek ge bahi nuku nuwanuwatu te nihi pwamola pasikal eliyamiu. Nuku ginol ola o, inoke abwe mola bwabwatana nuku ahe, ge komiu nuku tabwa Tomihahaina Hot natunau. He iya gamagalau nanakil ge bolo nige hi papata ateu owa eliyana i muloluagil.

Luke 8:28

Sauga tau o Yeisu i kite, inoke i loi ge i loepwakoku aenaa, yaka anana i bwata hot i ba, “Yeisu, owa Yehoba Mihahaina Hot Natuna, nasi ga nu ginol ola-agau? Ya awanun nabinabi elam bahi nu lalaheyau!”

Diyon 20:31

He wasa bolo ya lelena i gan inoke nuku abulilek te Yeisu iya Mesaiya, Yehoba Natuna, ge wami abulilek o kaiwena iya alana elana yawalimiu hot nuku pwawa.

Tuwalali 16:17

Galok o i tatauliulil emeya, aloma ge Pol, ge i yogayoga i ba, “Bolau ya Yabowaine Tomihahaina Hot wana totuwalali, hi nem pwamwal ana kamwasa wasana nihi wasaan eliyamiu.”

Tuwalali 19:13

Yudiya wali topowon bwabwatana etegana alana Sikiba natunau ali gewi seben. Heliya nihi noknok gamagalau elal ge wali siba nihi ginol yayaluwa bibikel nihi patuna owaowa-agil. Yaka hi labose tage Babala Yeisu alana nihi lumen ge yayaluwa bibikel nihi patuna owaowa-agil. Inoke hi babaa ola hiwe: “Yeisu toto Pol i papaatena-an alana elana ha ba nuku ulutagil.”

Tuwalali 8:36

Hi patapatalelu kamwasaa, abwe wewel etega hi kite, inoke gagama Itiyopiya i ba, “Wewel etega hiwe. Tab nasi bugul etega ni kausau ge nige na bababitaiso?”

Loma 16:20

Sauga kekeisi abwe mibubun ana Yabowaine Seitani ni pulilolowan inoke Seitani nuku gasisi lake ge ni minaa aemiu gabulanaa. Wala Babala Yeisu wana mulolu ni minaa eliyamiu.

Hibilu 2:14

Yehoba natunau bolo o heliya saliya ge bunum, inoke iya al i tabwa saliya ge bunum i ola heliya. I ginol ola o, inoke wana yaomal eliyana Seitani, toto wana gasisi i gan yaomal ana labi elana, i apapanak-an,

Hibilu 7:1

Melkisedek iya panuwa Salem wali kin ge iya Yehoba Tomihahaina Hot wana topowon. Sauga Abalahama alonau kin ali gewi esopali hi haveyan ge i pakokovel ge i sisikal wana panuwaa, he Melkisedek i na Abalahama i pwawa kamwasaa ge i ba muloluan i ba, “Yehoba ni muloluagiwa.”

Yemesa 2:19

Owa iyaka u abulilek tage Yabowaine maisena ya. He i waisi to, yaa nige ga i oolaolaek hot. Bwagana yayaluwa bibikel, heliya hi abulilek i ola al to—inoke hi lovakun ge hi ginu.

2 Pita 2:4

Tunahot Yehoba abwe ni lahel, kaiwena aneloseyau bolo sauga houhouwena hi gegi Yehoba nige i aatilomwan-agil, yaa i yoho lowagiliek gol toto milaulauina hot elana, inoke i yowanil ge i teleliek gogou gamwanaa nihi matamatan yatala mowamowasena kaiwena.

1 Diyon 3:8

Yaa henala ebo gegi paganina i awaawaginol, he iya Seitani natuna, kaiwena abatelipuna elana ge i nem ana siga sauga ya Seitani iyoho i gegegi. He Yehoba Natuna i masal puna te Seitani wana tuwalali ni apanak ge ni pwamowasi.

Yuda 1:6

Ge aneloseyau nuku nuwatuagil, bolo abamina toto Yehoba i pek elal nige nuwaliya i oola, inoke hi ginol likalika ge abaliya hi miluwai. He Yehoba i yowanil sen mihomihotina elal, ge i teleliya gogou gamwanaa nihi matamatan wana yatala ana lan bwabwatana kaiwena.

Pankite 12:12

Tomilabulabum ku gewigewi nuku yaliyaya! Yaa hauna nak geb komiu tomipanayawi ge komiu bolo ku miminaa hogaa eliyamiu, kaiwena Seitani iyaka i lowa eliyamiu! Iya iyaka i huga nabi, kaiwena i atena wana sauga iyaka i kaubwa.”