Luke 6:25 - Misima-Paneati

²⁵ Komiu bolo sauga ya ku an tinikiya, bwaliga nuku nak, kaiwena abwe nuku galebu. Komiu bolo sauga ya ku nival, bwaliga nuku nak, kaiwena abwe nuku kahin nuwanuwanak hot.

Luke 6:25 Iomraidhean Croise

Luke 12:20

“Yaa Yehoba i baek elana i ba, ‘Sigasiga owa! Bulin ebe yawalim na ahe ge nu aliga. Inoke bugul gegewel bolo u teli kaiwem henalau abwe nihi ahe?’”

Luke 13:28

Abalahama, Aisake, Yakobo ge palopitau gegewel nuku kitel nihi minaa Yehoba wana abaloguguiya, yaa komiu ni alitagil-agimiu nuku minaa tola, yaka nuku kahikahin ge ninimiu ni alavekilal.

Luke 6:24

Yaa komiu togogomwau sauga ya, bwaliga nuku nak, kaiwena wami minamina waiwaisana iyaka ku pwawa haba.

Luke 6:26

Ebo gamagalau gegewel nihi awa wawaisi-agimiu, bwaliga nuku nak. He tubuliyau valila pagan toto o hi ginola palopitau kakakawel elal.

Luke 8:53

Gamagalau wana baaba hi nivali, kaiwena hi atena galok iyaka i aliga.

Epeso 5:4

I ola al, bahi ba sigasiga, bahi ba bwagabwaga hot, bahi neganega talawasena nuku babaunan, kaiwena nige i wawaisa eliyamiu. He ba mulolu Yehoba elana te nuku baunan.

1 Tesalonaika 5:3

Sauga gamagalau nihi ba, “Panuwa iyaka i bakuhu ge ta mibubun,” yaka sauga o nak etega ni gan ge ni apanakil. Atiyou elana ni masal eliyalil, ni ola ab lomwanina i masal yova elana. He nige nihi lolou luwai.

Yemesa 4:9

Atemiu ni lomwan, nuku nuwanak, nuku kahin. Wami nival nuku pil ni na nuwanak elana, ge wami yaliyaya nuku pil ni na nuwaleyan elana.

Pankite 3:17

Ku ba, ‘Ama ha gogomwau ge wama bugul hi gewi, nige bugul etega ha kakalaan.’ Yaa age nige ku aatena te ku miloloyowan ge gamagalau ateliya i lomwanagimiu. Komiu ku gulagula, matamiu i kai ge ku bokaboka.

1 Samuwela 2:5

Bolo valila tineliya i kiya, tuwalali hi loya wali aanan kaiwena, yaa bolo valila hi galebu, iyaka nige al hi gagalebu. Yova toto valila i kobwas, sauga ya wawayau ali gewi seben i abil, yaa yova toto valila natunau bolau hi gewi, iyaka hi yaomal haba nige ana tomatahikan.