Luke 4:18 - Misima-Paneati

¹⁸ Yehoba Yayaluwana i minaa eliyau, kaiwena enonu i holek pwatawa inoke i hileyau wasa waiwaisana na papaatena-an togulagula elal. I patunau ge na ba bolo yowayowanil elal sokal nihi pwawa, ge na ba tomatakai elal mataliya nihi panana. I patunau bolo ali hehegan hi apapanak-an ali pulowan na abubun,

Luke 4:18 Iomraidhean Croise

Abatelipuna 3:15

Na ba owa alom ge yova nuku pepihigelgel-agimiu, i ola al tubutubunim ge iya tubutubunina nihi pepihigelgel-agil. Tubutubunina etega kokowam abwe ni puligebal ge owa aena gunina nu tal.”

Daniyela 9:24

“Yehoba logugui iyaka i ginol haba baliman seben nihi gan pasebenti wam gamagalau ge wam panuwa bwabwalena Yelusalema kaiweliya. Yaka baliman bolo o eliyalil, gamagalau wali ginol likalika ge wali gegi paganina ni pwamowasi, pagan nanakina ni yakil yoho, logugui sasapona ni pamilil ni mihot, palopitau ali pankite ni tabwa tunahot, ge Aban Bwabwalena Hot ni pwabwabwalena al.

Mataiyo 11:5

tomatakai mataliya hi panana, bolo aeliya nanakina hi nawanawa, tolepelo tuwaliya i waisi, totanatui baaba hi hago, toaliga hi lut ge togulagula Wasa Waiwaisana ana papaatena iyaka hi hago.

Mataiyo 12:18

No totuwalali hiwe, toto ya hile, ya nunuwana-an ge ya yaliyaya-an. Yayaluwau na pek elana, ge iya no logugui sasapona ni wasaan gamagalau gegewel elal.

Mataiyo 12:20

Kaliyou toto i kom nige ni pipigabom, odam toto i tolau nige ni pwapwabolu. He i ola al gamagalau bolo yayaluwaliya i pweyata nige ni totowaagil. Ni tuwalali ana siga Yehoba wana logugui sasapona bugul gegewena ni lake.

Mataiyo 4:16

gamagalau hi miminaa gogou elana inoke mwananal bwabwatana nihi kite, hi miminaa yaomal gogouina elana, inoke mwananal ni yana eliyalil.

Mataiyo 5:3

Bolo hi atena yayaluwaliya i gulagula, Yehoba i muloluagil, kaiwena Yehoba wana abalogugui iyaka i minek elal.

Luke 4:17

inoke palopita Aiseya wana buki hi pek eliyana. Buki o i pwela ge ana leleli i pwawa toto i ba i ola hiwe:

Luke 6:20

Yeisu matana i nok wana tohago elal inoke i ba: Komiu bolo ku gulagula, Yehoba i muloluagimiu, kaiwena wana abalogugui i minewa eliyamiu.

Luke 7:22

Bolau bolo Diyon i patunal analiya Yeisu i lahe i ba, “Nuku sikal Diyon wana wasa nuku pek hauna gun iyaka ku kite ge ku hago: tomatakai mataliya hi panana, bolo aeliya nanakina hi nawanawa, tolepelo tuwaliya i waisi, totanatui baaba hi hago, toaliga hi lut, ge togulagula Wasa Waiwaisana ana papaatena iyaka hi hago.

Diyon 1:41

Inoke houwan hot Andulu i na talina Saimon i loyaan ge wana wasa i pek i ba, “Mesaiya iyaka ha pwawa.” (Vilan “Mesaiya” pana Gilik elana hi ba “Keliso.”)

Diyon 12:46

Nau ya nem panayawiya ya ola mwananal, inoke bolo hi abulilek elau, gegewel nige nihi miminaa gogouwa.

Diyon 3:34

Toto Yehoba i patuna iya Yehoba anana i baubaunan, kaiwena Yehoba Yayaluwana i pek elana i kalaopopwi.

Tuwalali 10:38

Yehoba Yayaluwa Bwabwalena i ligin elana ge gasisi i ahe, inoke i nopain ginol waiwaisana i awaawaginol ge gamagalau gegewel bolo Seitani i paloloyowan-agil i pwamolol, kaiwena Yehoba alona.

Tuwalali 26:18

mataliya nu pwela, nu aheliya gogouwa nu telel mwananala ge nu pasikaliliem Seitani wana gasisi elana nihi na nihi minaa Yehoba elana. Inoke wali abulilek eliyau kaiwena wali gegi Yehoba ni nuwayoho ge abaliya ni pek wana hilihili gamagaliliyau gamwaliyaa.’ He Yeisu wana baaba eliyau i ola to.

Tuwalali 4:26

Panayawi ana kin ona lohaveyan kaiwena hi lovivina-agil, ge tologugui ona hi boda pamaisena tage nihi lohaveyan Yehoba ge wana hilihili gamagalina elal.

Tuwalali 4:27

He iyaka i tabwa tunahot, kaiwena panuwa ya elana Helodi ge Pontiyas Pilato, avaliyau bolo nige Isileli gamagaliliyau i oola, ge avaliyau al boda Isileli, hi boda pamaisena nihi lohaveyan wam totuwalali bwabwalena toto wam hilihili gamagalina, iya Yeisu, elana.

Kolose 1:13

Yehoba iyaka i sokalila nige al gogou i lologugui-agila ge i telela ta minaa Natuna nunuwanina wana abaloguguiya.

Yemesa 2:5

Taliwau ge nuwau nunuwanil, nuku laegan: Yehoba togulagula panayawiya i hilel abulilek nihi gogomwaui ge nihi ulutuk wana abalogugui elana, toto i bateli bolo hi nunuwana-an kaiweliya.

1 Pita 2:9

Yaa komiu hilihili gamagaliliyau, Yehoba, iya wami kin, wana tuwalali bwabwalena ku awaawaginol, ge komiu boda bwabwalena Yehoba elana. Komiu Yehoba wana gamagalau, i hilemiu inoke wana waisi nuku lowasawasa-an. Iya i yogaagimiu ku tagilem gogouwa ge ku ulutuk mwananalina waiwaisana elana.