Luke 3:14 - Misima-Paneati

¹⁴ Tolohaveyan enuna hi nel elana hi ba, “Yaa ga i ola ama? Binimala hauna naha ginol?” Yaka wali nel al i lahe i ba, “Bahi gamagalau nuku papalawakikil ge wali mani nihi pepewa, ge bahi nuku wowolel kakawel ge nihi pwapwamolamiu, yaa besena te molamiu toto ku aahe elana nuku minaa.”

Luke 3:14 Iomraidhean Croise

Totagil 20:16

“Bahi woliwoli kakakawi.

Totagil 23:1

Mataiyo 8:5

Sauga Yeisu i ulutuk Kapeniyama, Loma wali tolohaveyan ali tohouwa etega i nem Yeisu elana ge i awanun labe kaiwena.

Luke 19:8

Yaa Sakiusa i talmilil, yaka i baek Babala elana i ba, “Tonowak, no gogomwau na wali inoke nasi awalehina na pek togulagula elal. Ge ebo valila gamagal etega ya kakawe ge wana mani ya ahe likaan, he nasi paesopali na pwamola pasikal.”

Luke 3:10

Yaka boda hi nel Diyon elana hi ba, “He binimala hauna gun naha ginol?”

Luke 3:13

Yaka wali nel i lahe i ba, “Bahi takis nuku aahe likaan gamagalau elal, yaa ana bwata toto logugui i baunan te nuku ahe.”

Tuwalali 10:7

Anelose i baaba i mowasi inoke i egon. Yaka Koniliyo wana totuwalali labui ge ana tolabe tolohaveyan etega, toto Yehoba i awatauwan, i yogaagil.

Pilipai 2:15

inoke bahi ami woliwoli o ebo wami nak etega ni gagan, yaa nuku ola Yehoba natunau waiwaisal gamagalau nanakil ge gegegel gamwaliyaa. Wasa toto bosowaina yawal waiwaisana ni pek nuku wasaan elal, inoke mwananalimiu ni yana gamwaliyaa ni ola putum hi yana natiya hawawala. Ebo nuku ginol ola o, inoke lan toto Keliso ni sikalim na yaliyaya, kaiwena nige ya lologasisi ge ya tutuwalali bwagabwaga eliyamiu.

Pilipai 4:11

Nige tage ya migulagula ge baaba o ya baunan, kaiwena iyaka no pagan i ola hauna gun ebo na pwawa ya yaliyaya-an ya.

Taitas 2:3

I ola al evenakau nu pankitel pagan sasapona eliyana nihi nanawaa. Bahi nihi loloba avaliyau kaiweliya, ge bahi wewel gasigasisena ni lologugui-agil. Waisi paganina nihi panpankiti-an,

Pankite 12:10

Inoke anan bwabwatana etega ya hago labulabumwa i ba: “Yehoba wana gamagalau iyaka i pwamwalil, wana gasisi iyaka i ahe ge i tologugui, ge wana Mesaiya wana logugui ana gasisi iyaka i pankitela, kaiwena talilau ali towoliwoli, iya lan ge bulin i wolel wala Yabowaine matanaa, iyaka aneloseyau hi alilowanem labulabumwa.