Luke 3:1 - Misima-Paneati

¹ Sauga toto Sisa Taibeliyas wana sauga logugui ana baliman piptin elana, Pontiyas Pilato i gavana labi Yudiya elana, Helodi i tologugui labi Galili elana, talina Pilipi i tologugui labi Ituliya ge Telekonitis elal, Lisaniyas i tologugui labi Abilini elana,

Luke 3:1 Iomraidhean Croise

Abatelipuna 49:10

Kin wali suki ni miminaa ya Yuda nimwamwa, ge sauga gegewena tubutubumwau nihi tologugui, ana siga gamagal toto iya wana bugul hot ni nem ni ahe, iya boda gegewel awana nihi ab.

Mataiyo 14:1

Sauga toto o Helodi, iya Galili wali tologugui, Yeisu wasana i hago,

Mataiyo 14:3

He valila Helodi Helodiyas i oe alona hi alolon, Helodiyas iya Helodi talina Pilipi, lagona. Diyon i mimi baaba Helodi elana i ba i ola, “Nige bosowaina nu alolonan.” Baena, inoke Helodi wana totuwalali i patunal Diyon hi lib hi yowan ge hi teli dela.

Mataiyo 14:6

Helodi wana lan ab elana, Helodiyas natuna meluyovana i sagasaga boda mataliyaa. Wana sagasaga Helodi i yaliyaya-an hot,

Mataiyo 22:17

Inoke nu ba naha hago. Mosese i ba mani naha pek Yehoba elana. He wam nuwatu ga i ola? I waisi ya takis naha pwamola Sisa elana o age bahiwa?”

Mataiyo 27:2

Inoke hi yowan ge hi en hi na hi teli Pilato, Loma wali gavana nimanaa.

Yeisu Wasana Waiwaisana Mak wana Leleli 6:17

He valila Helodi Helodiyas i oe alona hi alolon, Helodiyas iya Helodi talina Pilipi, lagona. Diyon i mimi baaba Helodi elana i ba i ola, “Nige bosowaina talim lagona nu alolonan.” Baena, inoke Helodi wana totuwalali i patunal hi na Diyon hi lib, inoke hi yowan ge hi teliya dela.

Yeisu Wasana Waiwaisana Mak wana Leleli 6:21

Sauga etega abwe Helodiyas wana sauga waiwaisana i pwawa ge Diyon ni lol, lan toto Helodi wana lan ab ana nuwahikan i ginol. Lan o elana aanan bwabwatana i ginol gamaman ana totuwalali bwabwatal avaliyau tolohaveyan wali tohouwa ge Galili wali tonowakau bwabwatal kaiweliya.

Luke 13:31

Sauga o elana boda Palisi enuna hi na hi baek Yeisu elana hi ba, “Panuwa ya nu eguluwan ge nu na labi getoga elana, kaiwena Helodi nuwana ni loliwa.”

Luke 2:1

Saugena o Sisa Ogastas logugui etega i ginol gamagalau gegewel bolo hi minaa Loma wana abalogugui gamwanaa, ali gewi nihi ahe ge alaliya nihi leli lowan alan ana buki gamwanaa.

Luke 23:24

Inoke Pilato wali nuwatu i talamwi.

Luke 3:19

Yaa Helodi, Galili wali tologugui, wana pagan nanakina Diyon i baunanek eliyana, kaiwena talina lagona Helodiyas i oe ge pagan nanakina hi gewi al i ginolil.

Luke 9:7

Helodi, labi Galili ana gavana, bugul gegewel bolo Yeisu i ginolil wasana i hago. Inoke nuwana i gewagewa ge i nuwanuwatu, kaiwena gamagalau enuna hi ba, “Diyon Tobabitaiso te iyaka i lutem yaomala,”

Tuwalali 23:26

Nau Kolodiyas Lisiyasi leta ya ya ginol ge ya patuna gavana Pilikesa eliyam owa gamagal bwabwatana.

Tuwalali 24:27

Baliman eluwa i mowasi, yaka Posiyas Pesito i nem Pilikesa i milahe. Pilikesa nuwana Yudiya nuwaliya ni pwawaisi, inoke i ba Pol ni minaa ga dela.

Tuwalali 26:30

Yaka kin Agilipa alonau gavana Pesito, Benisi ge gamagalau bolo avaliyau, gegewel hi lut,

Tuwalali 4:27

He iyaka i tabwa tunahot, kaiwena panuwa ya elana Helodi ge Pontiyas Pilato, avaliyau bolo nige Isileli gamagaliliyau i oola, ge avaliyau al boda Isileli, hi boda pamaisena nihi lohaveyan wam totuwalali bwabwalena toto wam hilihili gamagalina, iya Yeisu, elana.