Luke 2:14 - Misima-Paneati

¹⁴ “Yehoba labulabumwa ta awa wasawasa-an, ge panayawiya gamagalau nihi mibubun, iya i yaliyaya-agil.”

Luke 2:14 Iomraidhean Croise

Mataiyo 21:9

Inoke boda bolo hi nohouwa Yeisu awonaa ge bolo hi nawaa enaa hi yoga hi ba: Hosana! Deibid Tubuna ta tobalan! Yehoba ni ba muloluan, iya i nem Babala alana elana! Hosana! Yehoba ta tobalan!

Luke 1:79

inoke bolo hi minaa gogouwa ge yaomal ligumwina elana ni yanel, ge ni nulila mibubun ana kamwasa elana ta nanawa.

Luke 19:38

Hi ba, “Yehoba ni ba muloluan, iya kin i nem Babala alana elana! Yehoba labulabumwa ta awa wasawasa-an, iya ge kila i pamibubun-agila!”

Luke 2:13

Yaka sauga o aneloseyau labulabumwa boda bwabwatana hot hi masal avaliya anelose o, ge Yehoba hi tobatobal-an hi ba,

Luke 2:15

Sauga aneloseyau sipi ali tomatahikan hi eguluwagil hi sikal labulabumwa, inoke sipi ali tomatahikan hi pebaaba-agil hi ba, “Ta egon ta na Bedeliyema, inoke bugul toto iyaka i masal ge wasana Babala i baunan elala ta kite.”

Luke 3:22

yaka Yayaluwa Bwabwalena ana awa i ola bunibuni i lau elana. Ge anan etega i loem labulabumwa i ba, “Owa natu nunuwanina hot, ya yaliyaya nabiyan kaiwem.”

Diyon 14:27

“Nuwa laumwal ya eeguluwan eliyamiu; no nuwa laumwal ya pewa eliyamiu. Nuwa laumwal ololana o nige bosowaina panayawi ni pewa te nau na pewa. Bahi atemiu ni bwanabwana ge nuku lolovakun.

Diyon 17:4

Iyaka alam ya pawasawasa panayawiya, kaiwena tuwalali toto u pem ge na ginol, iyaka ya pwamowasi.

Diyon 3:16

He Yehoba panayawi i nunuwana-an nabiyan, yaka Natuna maisena hot i talamwan, inoke henala ebo ni abulilek-an nige ni yayaomal, yawalina hot ni ahe.

Tuwalali 10:36

Iyaka ku hago Yehoba wasa waiwaisana i pamasal boda Isileli elal te Yeisu Keliso elana bosowaina avala Yehoba ta mibubun. He Yeisu iya gamagalau gegewel wali Babala.

Loma 5:1

Wala abulilek kaiwena Yehoba iyaka i awa sapusapu-agila, inoke avala ta mibubun. Mibubun o i masalem wala Babala Yeisu Keliso eliyana,

Epeso 1:6

Inoke iya ta tobalan wana mulolu kalakalaopopwina kaiwena, mulolu o iyaka i pem bwabwage Natuna nunuwanina hot eliyana.

Epeso 1:9

He wana nuwatu misusumena iyaka i pamasal eliyala kaiwena wana nuwatu i ola.

Epeso 2:4

Kila wala awatautau kaiwena yayaluwala iyaka i aliga. Yaa Yehoba atilomwan i kalaopopwi, ge wana nunuwana eliyala i bwata hot, inoke avala Keliso yawal vavaluna i pem. He Yehoba wana mulolu bwagabwaga eliyana te mwal ku pwawa.

Epeso 2:7

Inoke kila ta tabwa abagagayawa sauga i nenem ana gamagalau kaiweliya ge nihi atena Yehoba wana mulolu i bwata nabi hot, kaiwena Keliso Yeisu eliyana i nunuwana-agila.

Pilipai 2:11

ge gegewel nihi ba, “Tunahot Yeisu Keliso iya Babala.” Nihi ba ola o, inoke Yehoba Tamala alana nihi pawasawasa.

Pilipai 2:13

Nuku ginol ni ola o, kaiwena Yehoba te i tuwatuwalali atemiwa yaka bosowaimiu pagan toto iya nunuwana nuku hile ge nuku ginol.

Kolose 1:20

Ge Yehoba i nuwatu i ola Keliso eliyana avala iya maninila ta abubun. Valila bugul gegewena labulabumwa ge panayawiya ginebi ge gamagalau hi mihuwala Yehoba elana. Inoke Keliso i yaomal kolos elana saliyana i lau, ge eliyana Yehoba i pamibubun-agil ge avaliya hi heliheliyam.

2 Tesalonaika 2:16

Ha awanun wala Babala Yeisu Keliso ge Yehoba Tamala atemiu nihi pamatuwa, ge nihi pagasisi-agimiu sauga gegewena tuwalali waiwaisana nuku awaawaginol ge baaba waiwaisana nuku baubaunan. Yehoba i nunuwana-agila ge wana mulolu bwagabwaga eliyana atela i pamatuwa sauga gegewena nige ni momowasi. I ola al, waisi iyaka i lovivina-an kaiwela, inoke alona wala atimatuwa ta matamatan kaiwena.

Pankite 5:13

Yaka bugul yawaliliya gaganil gegewel, labulabumwa, panayawiya, bilibili gamwanaa ge hogaa, bolo o gegewel analiya ya hago hi wona hi ola, “Gamagal toto i misiyowa abamisiyo wawasana elana, alona ge Sipi Natuna, ta tobalagil, ta awatauwagil, ta awa wasawasa-agil ge ta awa togasisi-agil, sauga gegewena nige ni momowasi.”