Luke 14:26 - Misima-Paneati

²⁶ “Ebo gamagal etega ni nem eliyau, ge ebo tamana ge hinana, lagona ge natunau, talinau ge nunau, ge i ola al totona yawalina, ali nunuwana nige ni kekeisi eliyana, he iya nige bosowaina ni tabwa no tohago.

Luke 14:26 Iomraidhean Croise

Mataiyo 10:37

Henala ebo tamana ge hinana i nunuwana-agil nabiyan yaa nau nige i nunuwana-agau nabiyan, he nige bosowaina ta ba, ‘Iya no tohago.’ Henala ebo natuna tauina o ebo yovana i nunuwana-an nabiyan yaa nau nige i nunuwana-agau nabiyan, he nige bosowaina ta ba, ‘Iya no tohago.’

Luke 14:20

Etegana al i ba, ‘Abwe ya alolon ya te, he nige bosowaina na nowa.’

Luke 14:25

Gamagalau boda bwabwatana aloliya Yeisu hi notoyawa, inoke i milil pil awona i noek elal ge i ba,

Diyon 12:25

Henala ebo yawalina ni nunuwana-an, he abwe ni payaomal. Henala ebo yawalina panayawiya nige ni nunuwana-an, he nige ni papayaomal, yaa ni kukuhikan ana siga yawal mihomihotina ni pwawa.

Tuwalali 20:24

Yaa nige ya nuwanuwatu tage yawaliu bugul bwabwatana matawa. Nuwau ya te abapatalelu na pataleluwa ge tuwalali toto Babala Yeisu i pem elau na pwamowasi, tuwalali o heiya Yehoba wana mulolu wasana waiwaisana na wasawasa-an.

Loma 9:13

He buki etega al i ba i ola al to, i ba, “Yakobo ya hile, yaa Iso ya towani.”

Pilipai 3:8

He na ba vevehe al. Yeisu Keliso ya atena iya no Babala ge aatena o heiya bugul bwabwatana hot, inoke nuwatu gegewena al ya nuwatuagil hi ola ya te abanak. Keliso kaiwena bugul gegewena al ya towaagil, ge ali nuwatu eliyau hi ola musamusa bwagabwaga, inoke Keliso na ahe

Pankite 12:11

Talilau wali gasisi i neem Sipi Natuna saliyana elana, heliya wasa waiwaisana hi wasaan gagasisi, ge yawaliliya hi talamwan yoho, inoke toto o eliyana ali topihigelgel Seitani iyaka hi pakokove.