Luke 11:9 - Misima-Paneati

⁹ “He na baewa eliyamiu: nuku awanun inoke Yehoba ni pewa; nuku loya inoke nuku pwawa; nuku pitipiti inoke nog ni mwapwela eliyamiu.

Luke 11:9 Iomraidhean Croise

Daniyela 9:3

Inoke o galebu ya palahikan, kaliko toto bwasumu pupunoliya elana hi ginoliya ya galoi, ge tuwau ya papakove. Yaka ya awaawanun nabinabi Babala Yabowaine elana.

Mataiyo 21:22

Ebo nuku abulilek, hauna gun nuku awanuni Yehoba elana inoke nuku pwawa.”

Mataiyo 21:31

Ali toto labui ya, henala tamaliya wana nuwatu i paolaolaek?” Hi ba, “Toto gamaun.” Inoke Yeisu i baek elal i ba, “Ya ba tunahot eliyamiu, gamagalau nanakil ololal takis ana toahi ge yowau bolo togaganawal, heliya iyaka hi nanawa Yehoba wana abalogugui kaiwena, yaa komiu hiwe ku minamina ee.

Mataiyo 6:29

Yaa na baewa eliyamiu, kin Solomon ana kaliko, bwagana kaliko waiwaisana hot, ana awa ana waisi nige i oola mula ya etega.

Yeisu Wasana Waiwaisana Mak wana Leleli 11:24

He na baewa eliyamiu, hauna gun ebo nuku awanuni Yehoba elana, nuku abulilek te iyaka ku pwawa, inoke Yehoba ni pewa eliyamiu.

Yeisu Wasana Waiwaisana Mak wana Leleli 13:37

Inoke na baewa eliyamiu, ge na baek al gamagalau gegewel elal, ‘Nuku silawa!’”

Luke 11:10

Kaiwena henala i awanun ni ahe, henala i loya ni pwawa, ge henala i pitipiti nog ni mwapwela eliyana.

Diyon 14:13

Ge hauna ebo nuku awanuni alau elana, na ginol ni ola wami awanun. Inoke no ginol o elana Nam alana na teli heyan ge na pawasawasa.

Diyon 15:16

Komiu nige ku hihileyau, yaa nau ya hilemiu nuku nok nuku na nuku enon, ge enomiu o ni mihot. Inoke hauna gun ebo nuku awanuni alau elana, Nam ni pewa.

Diyon 15:7

Ebo nuku minaa elau ge no baaba ni minaa eliyamiu, bugul bolo nuwamiu nuku awanun kaiweliya, inoke nuku pwawa.

Diyon 4:10

Yeisu yova anana i lahe i ba, “Binimala nu atena hauna toto Yehoba i guyauan, ge binimala nu atena henala nau ge wewel ya awanun elam, inoke nu awanun elau ge wewel yawalina gaganina na pewa.”

Loma 2:7

Gamagalau enuna ginol waiwaisana kaiwena hi logalogasisi, kaiwena hi loya te Yehoba ni tobalagil, ni awa wawaisi-agil ge yawal mihomihotina ni pek elal. He Yehoba yawal hot ni pek eliyalil.

2 Kolinita 6:2

He Yehoba i ba: “Ana sauga i vin ge elana na atilomwan-agiwa, inoke sauga o wam kahin ya hago. Ana lan i vin ge elana na pwamwaliwa, inoke sauga o ya labewa.” Nuku laegan! Sauga ya heiya te Yehoba wana atilomwan ana sauga; lan ebe heiya te wana pwamwal ana lan.

Hibilu 11:6

He ebo nige wala abulilek i gagan, nige bosowaina Yehoba ni yaliyaya kaiwela. Kaiwena henala ebo nuwana ni nok ni na Yehoba elana, ni abulilek te Yehoba iyoho i gan ge wana pagan i waisi bolo hi loyaan eliyalil.

Hibilu 4:16

He alola wala atimatuwa ta nok ta na Yehoba elana, iya tomumulolu. Inoke ebo ala pulowan i gan, iya ni atilomwan-agila ge alona wana mulolu bwagabwaga ni labela.

Yemesa 1:5

Yaa ebo komiu etega nuwatu sasapona i kalaan, he ni awanuni Yehoba elana inoke ni pek. Yehoba iya toguyau bwagabwaga gamagalau ta gewigewi eliyala, ge wala awanun nige i huhugaan.

Yemesa 5:15

Ebo wali awanun alona ge wali abulilek, inoke Babala tokasiyebwa ni pwamolu ge ni palut. Ebo wana gegi i gan, inoke Babala ni nuwayoho.

1 Diyon 3:22

Inoke hauna gun ebo ta awanuni elana, i pem elala, kaiwena wana logugui ta henapuan ge pagan toto i yaliyaya-an ta giginol.

Pankite 2:24

Yaa komiu Tayataila ku gewi al nige ku oolak panpankiti nanakina o elana, ge panpankiti toto heliya hi ba ‘Seitani wana nuwatu limwalimwanina’ nige ku totoulil. He nige ami pulowan etega al na pepewa, iyai te na ba ola hiwe,