Loma 9:1 - Misima-Paneati

¹ Nau ya minaa Keliso elana, ge no baaba hiwe i tunahot, nige ya kakakawi. Ge Yayaluwa Bwabwalena eliyana ateu al i matuwa nige ya kakakawi.

Loma 9:1 Iomraidhean Croise

Loma 1:9

Yehoba bosowaina no baaba hiwe ni patunahot, iya kaiwena ya tuwalali ginebi ge ateu bwalibwaligena ge Natuna Wasana Waiwaisana ya papaatena-an. Yehoba i atena te sauga gegewena ya mimi awaawanun kaiwemiu. Ya awanun Yehoba elana, ebo wana nuwatu i ola, inoke sauga ya abwe kamwasa ni pwela ge na nowa na kitemiu.

Loma 2:15

Wali ginol i pamasal te ateliyaa waisi ge nak hi atena ya, i ola Logugui ana baaba. Wali nuwatu hot ateliya gunina elana i pamasal al waisi ge nak hi atena ya, inoke sauga enuna wali nuwatu ni ba, “U gegi to,” ge sauga enuna wali nuwatu ni ba, “U ginol bubun.”)

Loma 8:16

Yehoba Yayaluwana alona ge yayaluwala hi ba toyawa hi patunahot te kila Yehoba natunau.

Loma 9:2

He no baaba i ola hiwe: nuwau i nak nabi, ge no nuwanak o nige ana siga, kaiwena taliwau ge nuwau, no pan Isileli, nige pwamwal hi pwapwawa. Inoke kaiweliya bosowaiu na talamwagau Yehoba ni nuwamutagau nige al na miminaa Keliso elana.

2 Kolinita 1:12

Wama abayaliyaya bwabwatana hot etega i ola hiwe: atema gunina elana ha atena te wama pagan gamagalau elal i sapu ge i tunahot Yehoba matanaa. Nige ha golugoluwa siba toto i neem panayawiya, yaa wama gasisi i neem Yehoba wana mulolu elana. Wama pagan i ola to gamagalau gegewel panayawiya elal, ge wama pagan komiu eliyamiu i ola hot to.

2 Kolinita 1:23

Yehoba matanaa ya ba tunahot eliyamiu te no puna ge nige ya nonowa Kolinita, heiya te nige nuwau ami lahi ge ami lomwan na ginol.

2 Kolinita 11:10

Keliso iya tobaaba tunahot, inoke nau al ya ba tunahot te labi Akaiya gegewena elana nige gamagal etega ni kakausau no ba haha o eliyana.

2 Kolinita 11:31

He Yehoba i atena te nau nige ya kakakawi. Iya Babala Yeisu wana Yabowaine ge Tamana, ge iya alana ta tobatobal-an sauga gegewena.

2 Kolinita 12:19

Leta ya ku vasili inoke tabam ku nuwatu tage ha baaba matamiwa ama woliwoli ana ba papasapu kaiwena. He i ola hiwe. Ama ha minaa Keliso elana ge ha baaba Yehoba totona matanaa. Ge no heliyamwau nunuwanil, baaba gegewena bolo ha baunan, ami pagapagasisi kaiwena.

Galatiya 1:20

(He Yehoba i atena hauna toto ya lelelian eliyamiu i tunahot, nige ya kakakawi.)

Pilipai 1:8

Tunahot Yehoba i atena nuwau hot na kitemiu, kaiwena ya nunuwana-agimiu i ola te Keliso Yeisu i nunuwana-agimiu.

1 Tesalonaika 2:5

Komiu ku atena te baaba luluvena nige ha babaunan ge tage nuwamiu naha ba ahe, ge Yehoba i atena nige tage wami gogomwau ha matamomoni-an ge ha papaatena eliyamiu.

1 Timoti 1:5

Ya ba nu lopwalil kaiwena nuwau avalau ta nunuwana-agil, ge i bosowaina ya te ta nunuwana ebo atela ni yanayana, ebo ta ginol ni ola hauna ta atena i sapu, ge ebo ta abulilek hot.

1 Timoti 2:7

Heiya te kaiwena ge Yehoba i hileyau ya tabwa apostolo ge Wasa Waiwaisana na papaatena-an bolo nige Yudiya i oola elal, ge abulilek tutunahotina na pankitel. He ya ba tunahot, nige ya kakakawi.

1 Timoti 5:21

Yehoba matanaa, Keliso Yeisu matanaa, ge aneloseyau bwabwalel mataliyaa, ya ba pagasisewa logugui bolo o nu toulil bubun. Nu ginol ni olaolaek gamagalau gegewel elal, bahi tage nu logugui pagasisi enuna elal ge enuna nigeya.