Diyon 9:8 - Misima-Paneati

⁸ Tau o wana heliyamwau ge gamagalau bolo valila hi kite i loloawanun hi ba, “Tau toto valila i mimisiyo ge i loloawanun heiya eba e?”

Diyon 9:8 Iomraidhean Croise

Yeisu Wasana Waiwaisana Mak wana Leleli 10:46

Yeisu alonau ge wana tohago iyaka hi na hi vin Yeliko. Ge sauga avaliyau ge boda bwabwatana wali sauga egon elana, tomatakai etega alana Batimeyo, (ana sapu heiya Timeyo natuna), i misiyowa kamwasa bebenaa ge i loloawaawanun gamagalau elal.

Luke 1:58

Wana heliyamwau ge tutunau wasa hi hago te Babala Elisabet i muloluan nabiyan, inoke avaliya hi yaliyaya toyawa.

Luke 18:35

Yeisu i pulivin panuwa Yeliko gegelinaa, he tomatakai etega i misiyowa to kamwasa bebenaa ge i loloawaawanun gamagalau elal.

Diyon 9:9

Inoke enuna hi ba, “Ibwe, tauina te.” Yaa enuna hi ba, “Nige i oola. Ana awa ya te i ola iya.” Yaa tau o totona i ba, “He nau te.”

Ludi 1:19

Yaka ali toto labui hi nawanawa. Sauga hi vin Bedeliyema, inoke gamagalau gegewel awan o eliyana ateliya i waiwai kaiweliya, ge yowau hi nel hi ba, “Tunahot Naomi e?”

1 Samuwela 2:8

Togulagula i palutil papakova gamwanaa, ge i latahiniliem wali miloloyowana. Ali hehegan i abubun hi ola kin natunau, ge i telel hi minaa abamisiyo wawasana elana. He i ola, kaiwena panayawi labena gegewena Yehoba wana bugul. Bugul gegewel i telel abaliyaa ge ali logugui i ginol.

1 Samuwela 21:11

Yaa Akis wana totuwalali alaliya bwabwatana hi baek elana hi ba, “Tau ya iya Deibid, labi Isileli wali kin. He iya te hi wonawona kaiwena wali sagasaga elana hi ba, ‘Sol tausan hi gewi i lolil, ge Deibid ten tausan hi gewi i lolil.’”