Daniyela 4:17 - Misima-Paneati

¹⁷ “‘Logugui ya, ama aneloseyau elopapatuna ha wasaan, inoke gamagalau gegewel nihi atena Tomihahaina Hot abalogugui gegewena panayawiya i logugui-an. Iya bosowaina abalogugui ni guyauan gamagal toto i hile elana, bwagana henala alana i kekeisi hot ni teli heyan ni tologugui.’

Daniyela 4:17 Iomraidhean Croise

Totagil 9:16

Yaa ya telewa u tabwa kin, kaiwena nuwau no gasisi na pankitewa, inoke wasau ni lelu panayawi gegewena ni soli.

Daniyela 2:21

Iya baliman ge huwalu ali sauga i logugui-an, iya al kin i telel abaliyaa ge i ahek yohil. Iya te siba ge nuwatu sasapona i pem elala.

Daniyela 4:2

Sauga ya nuwau wami wasa na pewa ginol yawiyawi ge pankite kaiweliya, bolo Yabowaine Tomihahaina Hot i ginola elau.

Daniyela 4:25

Owa nihi patuna owaowa-agiwa gamagalau gamwaliyaa, nu nok nu na uleya ge alomwau bwasumu bekikil nuku mina. Mwawin nu anan ni ola bulumwakau ge tuwam bekubeku ni pahunhun. Baliman seben nu ola to, ana siga nu atena Tomihahaina Hot abalogugui gegewena panayawiya i logugui-an, ge iya bosowaina abalogugui ni guyauan gamagal toto i hile elana.

Daniyela 7:25

Iya Tomihahaina Hot ni awa nanak-an ge wana gamagalau bwabwalel ni paloloyowan-agil. Wana nuwatu ni tal wali tapwalolo ana logugui ge wali hagali ali sauga ona ni pil getogaan. He Tomihahaina Hot wana gamagalau ni talamwagil nihi minaa kin o wana logugui gabulanaa baliman eton ge awalehina.

Loma 13:1

Komiu gegewemiu, panayawi ana tologugui wali logugui nuku henapuan. Kaiwena nige tologugui etega i mamasal bwagabwaga, yaa i neem Yehoba elana, ge tologugui bolo sauga ya hi logulogugui Yehoba i telel.

1 Kolinita 1:28

Ge bolo gamagalau panayawi hi kite lowagil ge hi ba, “Nige bugul hot i oola,” Yehoba i hilel, inoke bolo gamagalau hi awa bwatabwata-agil ni teli lowagil hoti.

1 Timoti 5:21

Yehoba matanaa, Keliso Yeisu matanaa, ge aneloseyau bwabwalel mataliyaa, ya ba pagasisewa logugui bolo o nu toulil bubun. Nu ginol ni olaolaek gamagalau gegewel elal, bahi tage nu logugui pagasisi enuna elal ge enuna nigeya.

Pankite 4:8

He bwasumu esopali maisena ge maisena opeliya ali gewi sikis, ge mataliya tuwaliya bwalibwaligena i pakalaopop, i ola al opeliya gabulanaa. Lan ge bulin hi wonawona nige hi veveyaho, hi ba, “Yehoba Yabowaine Togasisi Hot, iya i bwabwalena, i bwabwalena, i bwabwalena, iya i gan sauga houhouwena, sauga ya ge sauga i nenem elal.”

1 Samuwela 2:8

Togulagula i palutil papakova gamwanaa, ge i latahiniliem wali miloloyowana. Ali hehegan i abubun hi ola kin natunau, ge i telel hi minaa abamisiyo wawasana elana. He i ola, kaiwena panayawi labena gegewena Yehoba wana bugul. Bugul gegewel i telel abaliyaa ge ali logugui i ginol.