Abatelipuna 26:1 - Misima-Paneati

¹ He galebu bwabwatana etega i masal al labi Kenani elana i ola valila Abalahama wana sauga elana, yaka Aisake i na Pilistiya wali kin Abimeleki eliyana panuwa Gelal.

Abatelipuna 26:1 Iomraidhean Croise

Abatelipuna 12:10

Yaka galebu bwabwatana etega i masal labi Kenani elana. He galebu o i bwata hot, inoke Abalam i na Itipita ge i miminek ga to.

Abatelipuna 25:11

Abalahama wana yaomal enaa, Yabowaine Aisake i muloluan nabiyan. Saugena o iya i miminaa panuwa toto alana hi ba, “Wewel Yabowaine Yawalina Gaganina I Kiteyau” gegelinaa, labi Negeb elana.

Abatelipuna 25:34

Yaka Yakobo bin toto lentil supwina enuna i wage ginebi beleid enuna ge i pek Iso elana. Inoke i aanan ge i im, yaka i lut ge i egon. He Iso nige i nuwanuwatu gamaun ana waisi kaiwena.

Abatelipuna 42:5

Inoke bolo hi na Itipita witi nihi pwapwamola, gamwaliyaa Yakobo natunau al ge, kaiwena galebu bwabwatana iyaka i masal panuwa Kenani elana.

Abatelipuna 43:1

Panuwa Kenani elana galebu iyoho ya i bwatabwata.

2 Samuwela 21:1

Deibid wana sauga kin gamwanaa, galebu bwabwatana i gan ge i tutubwe baliman eton. Inoke Deibid i awaawanun Yehoba elana pulowan o kaiwena. Yaka Yehoba i baek elana i ba, “He i gan, kaiwena valila Sol boda Gibiyon i lopaaligal nuwana ni pwamowasel, inoke Sol ge tubutubunau iyaka nimaliya i saliya.” Inoke Deibid Gibiyon i nelil binimala ga ni ginol ola kaiweliya ge nak ya ni yakil yoho. Yaka hi ba, “Sol tubutubunau bolau ali gewi seben nu talamwagil eliyama, inoke naha lopaaligal, yaka tuwaliya naha pakuki Yehoba matanaa Sol wana panuwaa Gibeya.” Inoke Deibid Sol tubutubunau bolau seben i ahel, yaka i pek elal ge hi ginol ola wali baaba. (puna 2-9) Yaka abwe Deibid i ba tutuwaliya hi ahel. I ola al, Sol ge Diyontan tutuwaliya hi ahe panuwa Yabesi, iyoho labi Giliyad elana. Inoke Deibid i ba tuwatuwa o hi teliya Sol tamana Kisi wana salaiya. Yaka abwe gamagalau wali awaawanun wali labi kaiwena Yabowaine i hago ge galebu bwabwatana o i mowasi. (puna 10-14) Deibid wana tolohaveyan Pilistiya wali toasiyala esopali hi gopaaligal. (puna 15-22)

Totagil 33:1

Yehoba i baek Mosese elana i ba, “Alomwau gamagalau bolo u ahel tagilagil Itipita, panuwa ya nuku tataluwai, nuku nok nuku na labi toto ya bateli Abalahama, Aisake ge Yakobo elal, ya ba, ‘Nau abwe na pek tubutubumiyau elal.’

Ludi 1:1

Mulaa abwe Isileli wali kin i gan, toasiyala wali sauga logugui gamwanaa, galebu bwabwatana hot i masal labi Kenani elana. Tonowak etegana alana Elimeleki, ana un Epalat, wana panuwa Bedeliyema labi Yuda. Inoke alonau lagona Naomi ge natuliyau melubolau eluwa, Maloni ge Kiliyon, hi nok hi na labi Mowabi ge hi miminaa ga to.