Abatelipuna 22:1 - Misima-Paneati

¹ Sauga etegana al abwe Yabowaine Abalahama wana abulilek i labose. I baek elana i ba, “Abalahama!” Yaka Abalahama i talam i ba, “O, nau iyahe.”

Abatelipuna 22:1 Iomraidhean Croise

Abatelipuna 15:1

Bugul bolo o enaa, Abalam ana pankite elana Yehoba anana i hago i ba, “Abalam, bahi nu lolovakun. Nau am ligovan na kausiwa nak elana ge nau am mulolu bwabwatana na pewa.”

Abatelipuna 21:11

Baaba o kaiwena Abalahama atena i lomwan nabi, kaiwena Isimel al ge iya natuna.

Abatelipuna 22:11

Yaka Yehoba wana anelose i yoga loem labulabumwa i ba, “Abalahama! Abalahama!” Yaka Abalahama i talam i ba, “O, nau iyahe.”

Abatelipuna 22:7

yaka Aisake i baek tamana Abalahama elana i ba, “Nam!” Yaka Abalahama i talam i ba, “O, natu.” Inoke Aisake i ba, “Hiwo ge powon ana kewadi iyahe hi gan, yaa sipi natuna powon kaiwena iya ga?”

Abatelipuna 37:13

Inoke tamaliya Isileli i baek Yosepa elana i ba, “Talimwau heliya iyoho panuwa Sekemi sipi ge goti hi matahikagil hi anan. He nuwau na patunawa ge nu na elal.” Inoke Yosepa i talam i ba, “I waisi, na nok.”

Abatelipuna 46:2

Bulina pankite etega elana Yabowaine i baaba Yakobo elana i ba, “Yakobo! Yakobo!” Yakobo i talam i ba, “Oo, nau iyahe.”

Totagil 16:4

Yaka Yehoba i baek Mosese elana i ba, “Sauga ya aanan na ligin paloem labulabumwa kaiwemiu. Lan maisena maisena gamagalau nihi tagilan lan maisena ana luvi nihi ahe. Inoke eliyana na labosel ebo no logugui nihi henapuan o ebo nigeya.

Totagil 3:4

Yehoba i kite Mosese i na i kenakenan, inoke i yogem ebwakil elana i ba, “Mosese! Mosese!” Yaka Mosese i talam i ola, “Oo, nau iyahe.”

1 Kolinita 10:13

Lawakik toto ku pwapwawa i ola to alomiyau hi pwapwawa sauga gegewena, nige i gegetoga. I bosowaina hot Yehoba ana mel nuku teli, iya nige ni tatalam tage ami lawakik wami gasisi ni bwata lake. Inoke sauga ebo lawakik nuku pwawa, Yehoba ni labemiu ge abamwal ni pankitemiu, inoke eliyana ami lawakik nuku gasisi luwai.

Hibilu 11:17

Abulilek eliyana Abalahama natuna Aisake i talamwan Yehoba elana ana powon. He valila Yehoba i bateli Abalahama elana tubutubunau nihi gewi, ge i ba, “Tubutubunim bolo ya bateli nihi gan, nihi masalem Aisake elana.” Yaa sauga Yehoba Abalahama wana abulilek i labose ge natuna ni powonan, he natuna maisena o tage i popowonan.

Yemesa 2:21

Houhouwena elana tubula Abalahama bugul etega i ginol, inoke kaiwena Yehoba Abalahama i awa sapusapu-an. Natuna Aisake i ahe i teli heyan abapowona tage i popowonan Yehoba elana.

1 Pita 1:7

Pulowan ya hi gan eliyamiu inoke hi pamasal wami abulilek i tunahot. Gold nige i mimihot, yaa ginaha elana hi ton ni wayui yaka mumusana hi ahek yoho. Kamwasa o eliyana gold hi labose inoke gold enona hot hi ahe. He i ola al te, Yehoba wami abulilek, iya gold ana wasawasa i bwata lake, ni labose ge ni patunahot. Inoke sauga Yeisu Keliso ni sikalim, ni tobalagimiu, ni awa wawaisi-agimiu ge ni awa wasawasa-agimiu.

1 Samuwela 3:4

yaka Yehoba i yoga i ba, “Samuwela!” Inoke anana i lahe i ba, “O, nau iyahe.”