Abatelipuna 2:4 - Misima-Paneati

⁴ Yehoba labulabum ge panayawi i ginolil i mowasi, yaka liwanina i ola hiwe. Sauga Yehoba Yabowaine labulabum ge panayawi i ginolil, inoke gamagal al i ginol.

Abatelipuna 2:4 Iomraidhean Croise

Abatelipuna 1:1

Abatelipuna elana Yabowaine labulabum ge panayawi i ginolil.

Abatelipuna 1:28

Yaka Yabowaine i ba muloluagil i ba, “Nuku talaabab ge nuku gewi, yaka nuku debalala panayawi nuku pakalaopop ge ni minaa wami logugui gabulanaa. Moti hogaa, bwasumu hawawala ge bugul gegewel yawaliliya gaganil bolo hi nawanawa bilibili pwatanaa nuku logugui-agil.”

Abatelipuna 1:3

Yaka Yabowaine i ba, “Mwananal ga ni gan,” inoke mwananal i gan.

Abatelipuna 1:31

Inoke Yabowaine bugul gegewel i ginolil i kitel hi waisi hot. He bulin i mowasi ge lan i mowasi, lan sikis-ina to.

Abatelipuna 1:4

Inoke Yabowaine i kite mwananal i waisi. Mwananal ge gogou i teli walel,

Abatelipuna 10:1

Nowa natunau Semi, Hami ge Yapeta, avaliyau natuliyau ge tubutubuniliyau liwaniliya i ola hiwe. He nub enaa natuliyau hi gewi hi abil.

Abatelipuna 11:10

Semi alonau natunau ge tubutubunau liwaniliya i ola hiwe. Nub i mowasi enaa baliman eluwana elana, Semi wana baliman 100 yaka natuna i gan alana Alpakad.

Abatelipuna 2:3

Inoke lan seben-ina i ba muloluan ge i teli i bwabwalena, kaiwena lan o elana i veyahoem wana tuwalali gegewena elal bolo iyaka i ginolil.

Abatelipuna 25:12

Hega, Itipita yovana, Sela wana totuwalali loloyowanina, i ab Isimel Abalahama natuna. He Isimel alonau natunau ge tubutubunau liwaniliya i ola hiwe.

Abatelipuna 25:19

Abalahama natuna Aisake alonau natunau liwaniliya i ola hiwe.

Abatelipuna 36:1

Iso (alana labuina al te Idom) alonau natunau liwaniliya i ola hiwe.

Abatelipuna 36:9

Iso, iya boda Idom tubutubuliya, i miminaa to labi Seil oyana elal, he natunau ge tubutubunau liwaniliya i ola hiwe.

Abatelipuna 5:1

Adama alonau natunau ge tubutubunau liwaniliya i ola hiwe. Sauga Yabowaine gamagal i ginolil, he iya totona kanukanununa elana i ginolil.

Totagil 15:3

Yehoba iya toasiyala; iya alana Yehoba, iyoho ya i gangan.

Totagil 6:16

Simiyon loena Libai, natunau bolau eton: Gelison, Kohat ge Melali, i ola te i pamasal ali un wasana ana buki elana. Libai yawalina ana baliman wan handeled teti seben (137).

Pankite 1:4

Nau Diyon, leta ya ya leli ge ya patuna i nowa ekelesiya seben eliyamiu bolo ku minaa labi Eisiya elana. Ya awanun Yabowaine toto i gan sauga ya, sauga houhouwena, ge sauga i nenem elal, ni muloluagimiu ge wana nuwa laumwal atemiu ni pakalaopop. I ola al Yayaluwa Bwabwalena, iya i ola yayaluwa seben i miminaa Yehoba wana abamisiyo wawasana awonaa,

Pankite 1:8

Yehoba Yabowaine Togasisi Hot, iya i gan sauga ya, sauga houhouwena, ge sauga i nenem elal, i ba, “Nau Alepa ge Omega, nau Abatelipuna ge Abapwamowasi.”

Pankite 11:17

hi ba: “Yehoba Yabowaine Togasisi Hot, owa u gan sauga ya ge sauga houhouwena elal, ha ba mulolu eliyam kaiwena wam gasisi iyaka u ahe ge u tabwa panayawi ana tologugui.

Pankite 16:5

Yaka abwe anelose, wewel ali tomatahikan, anana ya hago i ba, “Yabowaine Bwabwalena, owa u gan sauga ya ge sauga houhouwena elal, lahi bolo ya u ginol pasapu.