2 Timoti 1:4 - Misima-Paneati

⁴ Ya nuwahikan sauga valila ya tataluwagiwa ge u kahin, inoke nuwau hot na kitewa al ge yaliyaya ateu ni kalaopopwi.

2 Timoti 1:4 Iomraidhean Croise

Diyon 16:22

I ola al sauga ya komiu atemiu i lomwan, yaa abwe na kitemiu al ge nuku yaliyaya, ge nige gamagal etega wami yaliyaya ni aahek yoho.

Diyon 16:24

Valila ge i nem ana siga sauga ya, nige alau elana bugul etega ku aawanuni. He nuku awanun, inoke nuku pwawa ge yaliyaya nuku kalaopopwi.”

Tuwalali 20:19

Alou no hanalau ge no kahin Babala wana tuwalali ya ginol, ge pulowan hi gewi ya pwawa Yudiya wali pihigelgel kaiwena.

Tuwalali 20:31

Inoke nuku matahikagimiu ge nuku nuwahikan baliman eton gamwanaa, lan ge bulin, maisena ge maisena ya pankitemiu, ginebi ge no kahin.

Loma 1:11

Nuwau hot na kitemiu ge na labemiu inoke Yayaluwa Bwabwalena wana guyau enuna nuku atena inoke nuku gasisi.

Pilipai 1:8

Tunahot Yehoba i atena nuwau hot na kitemiu, kaiwena ya nunuwana-agimiu i ola te Keliso Yeisu i nunuwana-agimiu.

Pilipai 2:26

Nuwana hot gegewemiu ni kitemiu al. I ola al, i atena valila wasana ku hago i kasiyebwa, inoke nuwana i nak kaiwemiu bahi nuku nuwanuwatu wana kasiyebwa kaiwena.

1 Tesalonaika 2:17

Talimeyau ge numeyau, valila Yudiya hi takema, yaka ha miluwagimiu ge sauga kekeisi ya ala bwaga i gan. Maninimiu nige ha kikite, yaa ami nuwan i bwata iyahe eliyama. Nuwama hot naha nowa naha kitemiu, inoke ha logasisi nabiyan ge naha ginol ola to.

2 Timoti 4:21

Nu logasisi etimwawa nu nem mulaa abwe tultul ana sauga. Yubulas i mulolu eliyam, i ola al Pudenisi, Linasi, Kolodiya ge talilau gegewel.

2 Timoti 4:9

Nu logasisi etimwawa nu nem nu kiteyau.

1 Diyon 1:4

Ge leta ya ha leleli eliyamiu, kaiwena nuwama alomeyau komiu yaliyaya ta kalaopopwi.

Pankite 21:4

Matanunuliya gegewena ni abut yoho. Aliga nige al ni gagan, nige al kahikahin ge nige al lomwan, kaiwena bugul bebeyaunal iyaka hi mowasi.”

Pankite 7:17

kaiwena Sipi Natuna, iya i miminaa luwaluwala abamisiyo wawasana labenaa, i matahikagil i ola te tomatahikan sipi wana sipi i matahikagil, i nulil hi na hi im wewel toto i bwanabwana pitpit ge yawalina gaganina elana. Ge matanunuliya gegewena Yehoba iyaka i abut yoho.”