2 Samuwela 2:4 - Misima-Paneati

⁴ Yaka Yuda bolauiliyau hi na Hebiloni, inoke enonu hi hol Deibid kokowanaa i tabwa boda Yuda wali kin. He Deibid wasa i hago te Yabesi, iyoho labi Giliyad, bolauiliyau Sol tuwana iyaka hi ahe ge ga hi teli ola.

2 Samuwela 2:4 Iomraidhean Croise

2 Samuwela 19:11

Deibid topowon Seidok ge Abaiyada ali baaba i patuna nihi na Yuda wali tonowakau elal, yaka iya wana baaba nihi baunan nihi ba, “Bahi komiu nuku tatabwa un mowamowasena ge abwe nuku nenem nau kin nuku een pasikalau no limiya Yelusalema. Ya ba ola o, kaiwena Isileli labi gegewel hauna hi baunan iyaka wasana ya hago.

2 Samuwela 19:42

Inoke Yuda bolauiliyau Isileli wali apwanawa hi lahe hi ba, “Ha ginol ola o, kaiwena iya ama un gamagalina. He ga i ola ge baena ku huga? Age kin aanan i guguyau eliyama ge ha aanana? Nigeya! Age gogomwau enuna ha ahe kaiwema? Nigeya!”

2 Samuwela 2:7

He wami tonowak Sol iyaka i aliga ge Yuda enonu hi hol kokowawa iyaka ya tabwa wali kin, inoke atemiu ni matuwa ge nuku lohaveyan gagasisi.” He Abna, Sol wana tolohaveyan wali tohouwa, iyaka Sol natuna Isboset i ahe hi na panuwa Mahanaim ge i pakin un gegewel al kaiweliya. (puna 8-11) Lan etega Abna Isboset wana tolohaveyan i nulil hi na panuwa Gibiyon. Yowab Deibid wana tolohaveyan al i nulil, yaka boda labui hi petupatupa-agil wewel kenken etega elana iyoho Gibiyon. Yaka abwe boda labui hi lohaveyan gagasisi, yaa Deibid wana tolohaveyan hi gasisi yaka Abna ge Isileli wali tolohaveyan hi pakokovel ge hi lou. (puna 12-17) Yowab talina Asahel Abna i take. Abna i baek elana i ba, “Bahi nu tatakeyau. Nige nuwau na loliwa, kaiwena owa Yowab talina.” Yaa Asahel iyoho ya i pepetaki, inoke Abna Asahel i lopaaliga. (puna 18-23) Yaka abwe Yowab ge talina etega al alana Abisai, avaliyau wali tolohaveyan Abna ge wana boda hi takel. Sabwelu i lolobek Abna ge wana boda hi minaa oya etega pwatanaa ge i yoga Yowab elana i ba, “Besela taulol!” Yaka Yowab i bakuhu lopetaki. (puna 24-28) Yaka Abna alonau wana tolohaveyan hi sikal Mahanaim. Yaa Yowab alonau wana tolohaveyan Asahel tuwana hi teliya Bedeliyema, yaka abwe hi sikal Hebiloni. (puna 29-32)

2 Samuwela 5:17

Sauga Pilistiya wasa hi hago te Isileli enonu hi hol Deibid kokowanaa i tabwa wali kin, inoke wali tolohaveyan gegewel hi tagil hi na hi loyaan. Wasaliya Deibid i hago, inoke i na ababunsumi elana.

2 Samuwela 5:3

Inoke Hebiloni elana Deibid alonau ge Isileli wali tonowakau hi pebaabateli-agil Yehoba matanaa, yaka enonu hi hol kokowanaa i tabwa wali kin.

2 Samuwela 5:5

Hebiloni elana Yuda i logugui-agil baliman seben ge waikena sikis, yaka abwe Yelusalema elana Isileli ge Yuda gegewel i logugui-agil baliman teti tili (33).

1 Samuwela 16:13

Inoke Samuwela olibe enonona ana patuna i ahe ge i hol Deibid kokowanaa talinau mataliyaa. Yaka Yehoba Yayaluwana wana gasisi i lau i minaa elana, i telipunaa lan o ge i nok. Yaka abwe Samuwela i sikal i na wana panuwaa Lama.