Valila Yehoba i ba, “Gogou gamwanaa mwananal ni yana.” Yehoba toto maisena o mwananalina i payana i tuk atemeya, inoke Yehoba wana wasawasa ha atena, wasawasa o mwananalina ha kiteya Keliso manininaa.
Wana henapu o eliyana Yehoba wana nuwatu iya kaiwena i paolaolaek, ge bosowaina hot pwamwal mihomihotina ni pek gamagalau gegewel elal bolo anana hi hago.
Tonowakau ge nevenakau, baaba ya ya leleli eliyamiu, kaiwena Keliso, iya iyoho i gan abatelipuna elana, iyaka ku atena haba. Hevalau ge gamainau, baaba ya ya leleli eliyamiu, kaiwena tonanakina Seitani iyaka ku pakokove.
Ebo talilau ta nunuwana-agil, inoke ta atena te yaomal ana labi iyaka ta eguluwan ge ta kalapanetim yawal ana labi elana. Yaa ebo gamagal etega talina nige i nunuwana-an, iya iyoho i minaa yaomal elana.
Ebo talilau ta nunuwana-agil, inoke eliyana ta atena kilau baaba tutunahotina natunau. Inoke bwagana atela elana ta nuwatu tage kila nige ta wawaisi, he atela ta pamatuwa ge ta nuwa laumwal Yehoba matanaa. Kaiwena Yehoba wana atilomwan atela wana nuwatu i bwata lake ge Yehoba atela i atena haba.
Inoke gamagalau gegewel bolo hi minaa Keliso elana nige gegi paganina hi aawaawaginol. Yaa gamagalau bolo gegi paganina hi giginol, nige sauga etega hi kikite ge nige hi aatena.
No heliyamwau nunuwanil, ta penununuwana-agila, kaiwena nunuwana paganina i neem Yehoba elana. Henala ebo i nunuwana, he iya Yehoba natuna ge Yehoba ana aatena i gan elana.
Yaka mwata i huga nabi yova elana, ge i nok i na haveyan ni ginol yova tubutubunau gegewel al elal, bolo Yehoba wana logugui hi henapuan ge Yeisu wana panpankiti hi toulil.
“Bolo ali holahola hi ul i yanayana, Yehoba ni muloluagil. Heliya bosowailiya yawal ana ebwakil enona nihi an, ge bosowailiya nihi ulutuk nog elana nihi na panuwa gamwanaa.