Zwâŋ 5:10 - Myēnj phōn mí Zɛɛ̄mb

¹⁰ Odə́ə́ ɓɛ̄ Óyúɗɛn ɓɛ̄ ɓúzī lɛ́ɛ́ nɛ motóm ā cyuk ɗyaāŋ ɔ́ nāá: «Mús í mwēs Saɓá, wā ā dálā nɛ ɛkhɛ́ɛ́ ɓúm yɔ̂.»

Zwâŋ 5:10 Iomraidhean Croise

Matyôos 12:10

Ɗɛ a kɛ nī pyaāŋ ékɛ́, ɛ ɓúzī ɓɛɛ nɔ̄l mót náǎŋ ɛ́, mbɔ́ ú ú pɔ́ka. Tí ɛsáŋ mɛ́zyeē mɛ ɛjüe Yésus tɔɔ̄p ɛ́, Ofatizyɛ́ŋ ɓɛ̄ ɓúzī jí Yésus mīā ô: «Lɔ́a káyīnā ī tí ɛkam nāá, ɓɛ̄ jwôm mot tí mwēs Saɓá?»

Máákus 2:24

Ofatizyɛ̂ŋ ɓɛ ɓúkā jí nɛ Yésus nāá: «jüāk sá óphōn ɓɔ́ ɗí tí ɛsá ê. Í nɛ zye nāá, ɓɛ̄ sâ ɗyǎŋ ɓɛ nāá, lɔ́a ī tí ɛkambɛl nāá, ɓá a sá ɗyáŋ mwēs Saɓá?»

Máákus 3:4

Phúla ték, ɛ ɓúkā jí nɛ ɓot o ɓā ɓɛ náǎŋ ɓák nāá: «Lɔ́a káyīnā í lɛ̄ɛ̄ nāá, ɓɛ̄ sâ nā tí mwēs Saɓâ? Nāá ɓɛ̄ sâ ɛnwɔŋ ɛ́, gú thɔ́k ɓɛ̄ sâ ɛɓyôo? Nāá ɓɛ̄ cîs mot ɛ́, gú thɔ́k nī ɓyētka nāá, ɛ jüê.» Sá gwát ɛ́, mot ŋgwát nɛ ŋgwát ta ɓɛ̂s.

Lókas 13:14

Ɗakɛ tyáá ɛsɔ́k njāā mindakla ɓɛ́ɛ́ nāá, Yésus ɛ́ ɛ́ cis múmá ónɔ́ɔ̌ŋ tí mwēs Saɓá ékɛ́, ɛ dá gwók ɛ́ɓūk. Nyɛ nɛ ɛɓīm ɛ ɓót ɓā ɓɛ náǎŋ ɓák nāá: «Níkana nɛ mɛlú twōō tí ɛsála ísɛ̄ɛ̄. Thā jwomaaká tí mɛlú mɛ̄ têk, ta ɓɛ tí mwēs Saɓâ!»

Lókas 23:56

Phúla ték ɛ́, ɓɛ̄ ɓúzī ɓúla tí ɛkɛ̄ kwomsa mɛ́múl nɛ iloɓínda tí nāá, ɓá á zī lɔmb tí múŋ mí Yésus. Tí mwēs Saɓá, ɓɛ̄ ɓúzī gbalǎ ɗakɛ mɛtyuūŋ ɓá lɛ́ɛ́ nāá, ɓɛ̄ sâ kê.

Lókas 6:2

Ɓɛ̄l Ófatizyɛ́ŋ ɓā ɓɛ náǎŋ ɓák ɛ́, ɓɛ̄ ɓúkā jí nɛ ophōn ō mí Yésus nāá: «Ɓí kā sá tel ɗék tí yɛ̄? Ɓyɔ̂ɔ ɓyā ā gū nāá, lɔ́a káyīnā ī tí ɛkambɛl ísɛ̄ɛ̄ tí mwēs Saɓá?»

Zwâŋ 1:19

Tɛ́m ótōmbá ɓɛ̄ Óyúɗɛn ō Yotósalɛm ɓā lwóm ifata ī mɛ́tûnka nɛ ɓwán ɓɛ̄ ísɛ̄ɛ̄ ɓɔ̄ɔ̄ nāá, ɓɛ̄ kɛ̂ jí Zwáŋ mɛɗuu-ɓot nāá: «Wɔ u zɛ̄ é?»

Zwâŋ 5:11

Ɛ ɓúzī ɓɛ́s nɛ nɔ̄ɔ̄ nāá: «Mot jwom mɛ́ ɔ́kɛ́, ɛ lɛ̄ɛ̄ nāá: “Nwɔŋ ɓúm yɔ̂, u nyɛ́l kɛnd.”»

Zwâŋ 5:15

Ɗyaāŋ ték ɛ́, motóm ónɔ́ɔ̌ŋ ɛ̄ dá tɔ́ kɛ̄ lɛ́ɛ́ ódə́ə́ ɓɛ̄ óyúɗɛn nāá, í Yésus jwom mɛ̂.

Zwâŋ 5:16

Í náǎŋ ódə́ə́ ɓɛ̄ óyúɗɛn mú tí ɛzī nyɛl ɛ́gwók ɛ́ɓūk nɛ Yésus tɔɔ̄p nāá, ɛ́ ɛ́ cis mót tí mwěs Saɓá ê.

Zwâŋ 7:23

Í ɓɛ̄ phɛ̄ nāá, ɓī tí ɛsá zaŋgo tí mimwēs mī Saɓá ta thaŋ ɛ́tyuūŋ ɛ mí Moís nâk, ɓí gwók phɛ̄ mɛ́ɓūk nɛ naām tí tɔɔ̄p mí cis mót tí mwēs Saɓá ékɛ́ tí ɛsú ɛ̄ yɛ̄?

Zwâŋ 9:16

Ɓɛ̄l Ófatizyɛ́ŋ ɓɛ̄ ɓú lilɛ́ɛ́ nāá: «Mot sā sá ték ɔ́kɛ́, a a ɓɛ̄ mót mí Zɛɛ̄mb. Nɛ dɔ nāá, ā ā ɗūɛ̄l Saɓá.» Sá gwát ɓɛ̄l ɓɛ̄ ɓúzī pyétɛl nāá: «Mot misɛ̄m ɛ nɛ khul ɛsá mbi mɛ́simbā mák ɛ?» Ī dá ɓól ɓōl ê.