Zwâŋ 20:1 - Myēnj phōn mí Zɛɛ̄mb

¹ Tí ɛjūtūk ɛ̄ mɛ́lyám mɛ̄ sɔ́ndɔ, Malía mumá ɗɛɛ̄l ɛ̄ Makdalá ɛ ɓúzī tɔ́ ɓɛ ɛ́vit ɛ mí Yésus. Ɛ dá kɛ̄ ɓyela nāá, ɛkɔ̄k ɓā ɗyuɛl ɛvit nɛ lɛ́ lík ɛ́, lī mú tí ɛphanj.

Zwâŋ 20:1 Iomraidhean Croise

Matyôos 27:56

Tí ndɔŋ wɔ̄ɔ̄ ɛ́, í i ɓɛ nɛ Malía mumá ɗɛɛ̄l ɛ̄ Makdalá, nɛ Malía naāŋg mí Zwák ɓá nɛ Yósɛp, zī kā nwɔŋ náŋg ɓwán ō mí Zeɓeɗe.

Matyôos 27:60

ɛ kɛ̄ gbá wɛ́ tí ɛvit ɛ̄ myēnj lɛ̄ ā ɓɛ a a lwɔ̂ɔ sá twóó ɛkɔ̄k ê. Phúla ték ɛ́, ɛ ɓúzī ɓyúŋɛl ánénén ɛkɔ̄k, ɛ ɗyúɛ̄l ɛ́vit nɛ lɛ̂, nyɛ thɔ́ kpâŋ.

Matyôos 27:64

Í je phɛ̄ nāá, u kɛnd isóda nāá, ɓɛ̄ kɛ̂ ɓakɛl ɛ́vit ɛték táŋ mɛlú mɛ̄lɛ̂l. Kám nāá, ophōn ɓɛ̄ ɓá a ɓwɔ̂ɔ zī jyúú múŋ ɛ́, ɓɛ̄ zí lɛ́ɛ́ ɓót nāá: “Ɛ́ ɛ́ pas.” Mīnɛ́ɛ̌ŋ míkɔ́ŋ myá á ɓū ɓyóó mī tháŋ mīl mī ɛ́sɔ̂k.»

Matyôos 27:66

Ɓɛ̄ ɓúzī kā tɔ́ tí ɛkɛ̄ ɓakɛl ɛ́vit. Ɓɛ̄ gbā petok tí ɛkɔ̄k ɛ̄ ɓā ɗyuɛl ɛvit nɛ lɛ́ lîk. Phúla ték ɛ́, ɓɛ tɛ̄l ónɔ́nel.

Matyôos 28:1

Phúla Saɓá, tí mbūt mɛ́lyám mɛ̄ sɔ́ndɔ, Malía mumá ɗɛɛ̄l ɛ̄ Makdalá, nɛ yīl Malía ɓɛ̄ ɓúzī tɔ́ kɛ̄ ɓɛɛ ɛ́vit.

Matyôos 28:2

Títɛɛ̄l ŋgwát ɛ́, iɓwaās ɓī ɓúzī thɛnja ɛ́ɓyóóɓyôo. Éŋgeles mí Ɗâ ɛ ɗüís ɓɛ̌ jwóó ɛ zí ɓyúŋɛl ánénén ɛkɔ̄k lɛ̄ ɛ́vit, ɛ ɗí sī kwóó têk.

Máákus 15:46

Yósɛp ɛ ɓúkɛ̄ ɓwám phenja. Ɛ súl múŋ mí Yésus tí kolos, ɛ pīlɛ̄l wɛ́ nɛ phenja têk. Ɛ nwɔ́ŋ wɛ́, ɛ gbā wɛ́ twóó ɛvit ɛ ɓā pû tí ɛkɔ̄k ê. Ɛ ɓyūŋɛ̄l ánénén ɛkɔ̄k, ɛ ɗyúɛl ɛ́vit ɛ têk.

Máákus 16:9

Phúla Yésus ā pas tí mɛlyám mɛ̄ sɔ́ndɔ ékɛ́, ɛ ɓúzī nyēē sulǎ Malía mumá Makdalá, nɔ̄l ā ɗüis ɛ iɓyǒla ɓɛ̄ ísisímb tɛ̄n nɛ īɓá ɔ̂.

Zwâŋ 11:38

Í ɓúzī ɓākā sá Yésus nyuūŋ, ɛ tɔ́ ɓɛ ɛ́vit. Ɓā sā ɛvit ɛ ték twóó ɛkɔ̄k, ɓɛ̄ ɗyúɛ̄l ɛ́gbɛ̄s ɛ ték nɛ ánénén ɛkɔ̄k.

Zwâŋ 11:41

Ɓɛ̄ ɓúkā zī ɗüis ɛ́kɔ̄k. Phúla ték Yésus ɛ ɓúzī ɓén mís ɓɛ jwóó nyɛ nāá: «Sāŋg waām, mi tí ɛmyaŋla nɛ nɔɔ̄ nɛ dɔ nāá, ú ú gwók míndakla myâm.

Zwâŋ 19:25

Ɓot o ɓā ɓɛ mitítɛɛ̄l ndumɛ nɛ kolos mí Yésus ɓák ɛ́, yā ɓɛ: Nǎŋg, nɛ thɛ́mb naāŋg, nɛ Malía myɛɛ̄l mí Kolópas, kā zí nwɔŋ Malía mumá ɗɛɛ̄l ɛ̄ Makdalâ.

Zwâŋ 20:26

Ɗɛ yā ɓɛ í í kpáŋ mɛ́lú tɛ̄n nɛ mɛ̄lɛ́l ékɛ́, ophōn ō mí Yésus ɓɛ̄ ɓúzī ɓākā gwêsla twóó njāā ɓá nɛ ɓɔɔ Tómas, mɛgbɛ̌s mipetā. Yésus ɛ ɓúzī túula, ɛ tyāā kúkǔ nyɔ̄ɔ̄ nyɛ nāá: «Ɛpyaala lī ɗí nɛ nēn!»

Misāwā 20:7

Tí mwēs mɛ́nyɛɛ̄l mɛ sɔ́ndɔ ɔ́, zā ɓɛ zí í gwêsla tí ɛɗɛ íɗóó ī Zɛ́mb. Ɗɛ yá ɓɛ nāá Pɔ́l á á tɔ́ tí mwēs wā ɗum úkɛ́, ɛ ɓúzī nyee lüii nɛ ɓot ɛ́lüii lüii lüii í kɛ́ kum kúkǔ pum.

1 Kolɛ̂ŋt 16:2

Mimwēs mī sɔ́ndɔ myɛ̂ɛs ɛ́, ákɛl nɛ kɛl tí ndɔŋ wēn ɛ́ dala ɛ́kwom sísīnɔ̄ŋ ɓɛ̌ njāā wɛ̄ dala nɛ nyɛ̄ khûl, tí nāá, ɓot ɓá a kā ɓwónd ɛ́sá zɔ́nj tɛ́m myám wā kúl ê.

Apokalîs 1:10

Mā ɓɛ lwōndlā nɛ Áchāāchǎnj Sisímb tí mwēs mí Ɗâ, mí ɓú dā gwók phûs kɔŋ nyaām njés jwōnd tí ɛlüií ɗakɛ syōō.