Zwâŋ 2:16 - Myēnj phōn mí Zɛɛ̄mb

¹⁶ Yésus ɛ ɓúzī lɛ́ɛ́ ɓót ō ɓā ɓiɓɔ́ma mɛpep ɓák nāá: «Ɗüiská isá ɓík ɓyɛ̂ɛsa wâk! Ɓyá a lǐnj njāā Sāŋg waām nāá, ū ɗî njāā mɛ́phɔ̂m!»

Zwâŋ 2:16 Iomraidhean Croise

Matyôos 21:12

Yésus ɛ ɓúzī ní twóó njāā Zɛ́mb ánénên. Ɛ sɔ́ ɓót ɓyɛ̂ɛs ɓā ɓɛ tí ɛsá mɛ́phɔ́m nɛ ɓɛ̄l ō ɓā ɓi ɓwâm ɓák tí pyaāt têk. Ɛ zyōŋgɛ̄l ítêble i ɓót ō ɓā cicyénja mimbi mī ímɔnī tí nɛ iɗiī i ɓót ō ɓā ɓiɓɔ́ma mɛpep ɓâk.

Matyôos 21:13

Phúla ték ɛ́, nyɛ nɛ nɔ̄ɔ̄ nāá: «Zɛɛ̄mb ɛ́ lɛ̄ɛ̄ tí Mɛkanā mɛ̄ nāá: “Ɓá á jóó njāā wám nāá, njāā míndakla.” Sá gwát ɓyɔ̂ɔ ɓí í kā linj wɛ́ sɔ̄ ɓǎjyûujyuu.»

Matyôos 22:5

Sá gwát ɓot ɓā ɓándlaa ɓák ta nwɔŋ ɛ́kɔɔ. Ɓɛ̄ dá kpáŋ kpāŋ ê. Nɔ́k mót ɛ tɔ̄ ɓɛ̌ pyeēmb yɛ̄, nɔ̄l ɛ tɔ̄ ɓɛ mɛ́ɓɔ́m mɛ̄.

Máákus 11:17

Phúla ték ɛ́, ɛ ɓúzī jüe ɓɛ́ sukûl, nyɛ nɛ nɔ̄ɔ̄ nāá: «Zɛɛ̄mb ɛ́ lɛ́ɛ́ tí Mɛkanā mɛ̄ nāá: “Ɓá á jóó njāā wám nāá, njāā míndakla tí ɛsú lɛ̄ íkúl ɓyɛ̂ɛsa.”» Yésus ɛ ɓúzī ɓākā lɛ́ɛ́ nāá: «Sá gwát ɓyɔ̂ɔ ɓí í kā linj wɛ́ sɔɔ̄ ɓáájyûujyuu!»

Lókas 2:49

Í náǎŋ Yésus ká jí nɛ nɔ̄ɔ̄ nāá: «Ɓí sāŋ mɛ́ nɛ yɛ̄? Ɓyā ā gū nāá, mí dalǎ nɛ ɛnwɔŋ ɛ́kɔɔ nɛ isá ī Sāŋg waām ɛ?»

Zwâŋ 10:29

Sǎŋg wǎm mot ā jüe mɛ ɓá ɔ́kɛ́, ɛ́ ɛ́ thaŋ ísínɔŋ ɓyɛ̂ɛs. Thɔ́k ɛ́, mot a a ɓɛ̄ nɛ khul ɛɗɛ́s ɓɛ́ tí mɛɓɔ́ mɛ̄.

Zwâŋ 2:15

Yésus ɛ ɓúzī ɓâkta míkɔɔ̄l, ɛ̄ línj myɛ́ zɛmbɛ. Ɛ ɓúzī sɔ ɓót ō mɛ́phɔ́m ōték ɓɛ̌ njāā Zɛ́mb ɓá nɛ itaa, nɛ ithɛɛ ɓyɔ̄ɔ̄. Ɛ só ímɔnī ī ɓót ō ɓā sisâ dɔsā mɔnī ɓák sī, ɛ̄ zyōŋgɛ̄l ítêble ɓyɔ̄ɔ̄.

Zwâŋ 20:17

Yésus nɛ nɛ̄ nāá: «Wa a mɛ́t mɛ̂, nɛ dɔ nāá, ma a ɓá lī jwǒŋ ɓɛ ɗáá Sāŋg waām. Sá gwát, tɔ́ kɛ́ lɛ́ɛ́ ɓwán ɓɛ̄ ónaāŋg ɓâm nāá, mi í jüǒŋ ɓɛ ɗáá Sāŋg waām ɗí thɔ́k Sāŋg wēn ɔ̂. Ɓɛ ɗáá Zɛ́mb waām, ɗí thɔ́k Zɛ̌mb wēn ɔ̂.»

Zwâŋ 5:17

Sá gwát, Yésus ɛ ɓúzī ɓɛ́s nɛ nɔ̄ɔ̄ nāá: «Ɗɛ Sāŋg waām ɗí tí ɛsála mɛ́lú myɛ̂ɛs ī zí kum ɛ́chāak ékɛ́, myam thɔ́k mí sālā ɗyáŋ.»

Zwâŋ 8:49

Yésus nɛ nɔ̄ɔ̄ nāá: «Ma a ɓɛ̄ nɛ yīl ɓyǒlǎ sisîmb. Myam mí ɗūɛ̄l Sāŋg waām. Sá gwát ɛ́, ɓyɔ̂ɔ ɓyā ā kpɛ́l ɛ́ɗúɛl mɛ̂.

1 Tímotê 6:5

nɛ mɛpēl mɛ̄ ɗí ta sí mák pāká ɓot o ɗí nāá, ɓá a ká ɓɛ nɛ tyaa osīmsā ɓâk, ɓā ā ká gú óceece. Ɓɛ́ sīmsā nāá, tí ɛɗǐ lɛt nɛ Zɛɛ̄mb ɛ́, í ŋgúma zyé tí nāá, ɓá á ɓyûk.

2 Pyɛ̂ɛ 2:3

Iɓyǒla ɓɛ̄ íyêkle iték, tí kpɛlā mɔnī wɔ̄ɔ̄ ɛ́, ɓá á kwánd ɓén nɛ milɔ́ŋ mī ócal myɔ̄ɔ̄ tí nāá, ɓá á nwɔŋ ɓén isínɔŋ ɓyēn. Sá gwát, Zɛɛ̄mb ɛ́ ɛ́ lwāā cyúkɛl dɔ́s tí nāá, á á pɔ́nɛs ɓɛ̂. Thɔ́k ɛ́, mɛsīl mɔ̄ɔ̄ mɛ līs kékê.