Zwâŋ 17:1 - Myēnj phōn mí Zɛɛ̄mb

¹ Phúla Yésus ā lüii ɗyaāŋ ékɛ́, ɛ ɓúzī ɓén mís ɓɛ̌ jwôo, ɛ dáklā nɛ Sāŋg ɗêk: «Sāŋg waām, tɛ́m í í kûl. Jüē Mwán ɔ̄ kúm tí nāá, á á gúmɛl ɔ̂.

Zwâŋ 17:1 Iomraidhean Croise

Máákus 14:41

Tí kɛnd lɛ́l ɗɛ ɛ́ kɛ̄ ɓúla ékɛ́, nyɛ nɛ nɔ̄ɔ̄ nāá: «Ɓā dáká idɔ̂, ɓyá a kā ɓākā jem. Í í sī, ɛwolo lí í kûl. Ɓɛ̄ mú tí ɛzī ɓɔ́msa Mwán mí mot nɛ ɓǎɓyóóɓyóó ō ɓôt.

Lókas 18:13

Mot nwɔ́ŋ ímɔnī ɓɛ̄ ílapó ɔ́kɛ́, ɛ ɓúzī tyá á yɛ̄ ɓɛ phûs, ɛ swɔ́k phɔ́mb, ɛ nyɛ́l ɛ́pyap mɛ́ɓɔ̂, nyɛ nāá: “Yúú Zɛɛ̄mb, dōs mɛ́ khɔɔ̄ŋ. Mi mot misɛ̄m.”

Lókas 22:53

Mi ɓiɓɛ̄ wák pāká nyěn mɛlú myɛ̂ɛsa twóó njāā Zɛ́mb ánénên, ɓyɔ̂ɔ ta kwok ɛ́mɛ́t mɛ̂. Sá gwát ɛ́, ī mú ɛ́chāak tí ɛwolo lēn, də́ə́ khɔmwaāl ī tí isɛ̄ɛ̄.»

Zwâŋ 11:4

Ɗakɛ Yésus ā gwôk lɔ́ŋ ték ékɛ́, ɛ ɓúzī ɓɛ́s nāá: «Ɛkpay ɛ mí Lazâa lá a ɓɛ̄ ɛ́kpay nāá, á á jüe têk. Í ɛkpay ɛ́ wā lyákɛl nāá, Zɛ̌mb ɛ tí ɛdala nɛ kûm, thɔ́k ɛ́, tí ɛsú ɛ̄ nāá, ɓot ɓá á gúmɛl Mwán wɛ̄ ê.»

Zwâŋ 11:41

Ɓɛ̄ ɓúkā zī ɗüis ɛ́kɔ̄k. Phúla ték Yésus ɛ ɓúzī ɓén mís ɓɛ jwóó nyɛ nāá: «Sāŋg waām, mi tí ɛmyaŋla nɛ nɔɔ̄ nɛ dɔ nāá, ú ú gwók míndakla myâm.

Zwâŋ 12:23

Yésus nɛ nɔ̄ɔ̄ nāá: «Í í kúl tɛ́m Zɛ́mb wā sá nāá, Mwán mí mot ɛ nwɔ̂ŋ kúm ê.

Zwâŋ 13:1

Ɓwók páska óyúɗɛn yā ɓɛ í í lís ɛ́lú ɛ̄gwát. Yésus ā ɓɛ tí gú nāá, ɛwolo lā ɓɛ nāá, ɛ ɗüîs tí nyúk sī tí ɛtɔ́ ɓɛ ɗáá Sāŋg ékɛ́, lí í kûl. Á ɓɛ tí ɓū kpɛl ósɔ̄ ɓɛ̄ ɓā ɓɛ tí sī nyúk ɓâk. Kpɛɛ̄l ték ī kɛ́ kum ɛ́lú ɛ̄ mɛ́sīl.

Zwâŋ 16:32

Tɛ́m í tí ɛzye. Thɔ́k ɛ́, í mú yēs gúmɛ̄ wā ɓɛ nāá, ɓyá á bóla, ákɛl nɛ kɛl ɛ nwɔ́ŋ nyɛ̄ zyē, ɓī lyūk mɛ́ myaamɛ̄t ê. Sá gwát ɛ́, ma á ɓɛ myaamɛ̄t. Nɛ dɔ nāá, zá nɛ Sāŋg waām zá á ɓɛ̌ ndɔŋ.

Zwâŋ 7:30

Ɓɛ̄ ɓúzī sáŋ ɛ́ɓye ɛ́ mɛɓɔ́, yɔ̂ɔ ta ɓánda, tɔɔ̄p nāá, ɛwolo lɛ̄ lā ɓɛ lá a ɓá kûl.

Zwâŋ 7:39

Tí mɛkɛ́l mɛ̄ték ɛ́, Yésus ā lilüii tɔɔ̄p Áchāāchǎnj Sisímb mí Zɛɛ̄mb, yā ɓɛ nāá, ɓɛ̄l ō wā ɓûkla ɛ́ ɓák ɛ́, ɓá á ɓye ê. Tí ɛɓɛɛ ɛ́nwɔŋnwɔŋ ɛ́, Zɛɛ̄mb ā ɓɛ a a ɓá lī thes Áchāāchǎnj Sisîmb, nɛ dɔ nāá, Yésus ā ɓɛ a ɓá lī ní tí kúm nyɛ̄.

Zwâŋ 8:20

Yésus ā lilɛ́ɛ sá ték tɛ́m ā ɓɛ tí ɛjüe ɓót sukúl ɛ́kɛ́l ɛ mí Zɛɛ̄mb twóó ánénén njāā Zɛ́mb, nyɛ ndumɛ nɛ pyaāt ɓɛ́ gbā mɛ́phɔ̄k ê. Sínɛ́ɛ̌ŋ yɛ̂ɛsa, mot ta mɛ́t ɛ́ tɔɔ̄p nāá, ɛwolo lɛ̄ lā ɓɛ ta ɓā kûl.

Misāwā 3:13

Í Zɛɛ̄mb mí Áɓilam, Zɛɛ̄mb mí Ízak, Zɛɛ̄mb mí Yákɔp, Zɛɛ̄mb osǎŋg-phāmb káɓīnā sā nāá, mot ɔ́nɔ́ɔ̌ŋ ɛ kɛ̂ tí ɛsú lɛ̄ ɛ́gúmɛl Yésus sɛ́l wɛ̄. Yésus ték ɓyā ɓɔ̂msa ɛ́, ɓī ɓyén ɛ́ sɔ̂kphɔɔ̄mb mí Pilát, nyɛ mot ā ɓɛ tí ɛkam ɛ́ɓyét ɛ́, ɓyɔ̂ɔ ta kam ɔ̂

1 Pyɛ̂ɛ 1:21

Ɓí ɓūklā Zɛ́mb nyɛ mot ā sá nāá, ɛ pâs pāká mimúŋ, ɛ ɓākā jüe ɛ̄ kúm ɔ́kɛ́, tí kɔŋ wɛ̄. Í sá ték ɓí gbā ɛ́ɓūklā lēn nɛ mɛjendɛɛ̄l tí Zɛɛ̄mb ê.