Zwâk 5:10 - Myēnj phōn mí Zɛɛ̄mb

¹⁰ Ɓwán ɓɛ̄ ónaāŋg ɓâm, ɓyá a jesa ógbɛ́sel o mítɔɔ̄p o mí Zɛɛ̄mb ɓā lüii tí ɗín ɛ̄ mí Ɗá ɓâk. Ɓɛ́ ɛ ɓɛ nɛ ɓīsɔ̄ɔ̄ tɛ́m ɓā ɓiɓoma nɛ mitūŋ e, ɓaŋaká ɓɛ̂.

Zwâk 5:10 Iomraidhean Croise

Lókas 13:34

«Ɓot ō Yotósalɛm, ɓot ō Yotósalɛm, ɓyɔ̂ɔ ɓot o ɗí tí ɛdó ógbɛ́sel o mítɔɔ̄p o mí Zɛɛ̄mb nɛ ɛdó ɓɛ̄l ō Zɛ́mb thes ɓén ɓá ɓák nɛ mɛkɔ̄k ɓâk. Í í sá íkɛnd i thyūŋ ɗí mí í sáŋ ɛ́gwésɛl ɓén tí nāá, má á ɓútɛl ɓén ɗɛ áɓyǎ kúú ɓūtɛ̄l ɓwán ê, sá gwát ɛ́, ɓyɔ̂ɔ ta kpɛl!

Lókas 6:23

Ɓí dalǎ nɛ ɛmyaŋla. Ɓī cêl ɓī kpháka, tɛ́m ísá ī ték wā kúl ɓén ê. Nɛ dɔ nāá, myána myēn mi tí ɓū thaŋ ɛ́ɓwɔ̌k ɓɛ̌ jwôo. Í thɔ́k ɗyaāŋ óɗá ɓɔ̄ɔ̄ ɓā pɔ́nɛs ogbɛ́sel o mítɔɔ̄p o mí Zɛɛ̄mb ê.»

Misāwā 3:21

Ɛ́chāak ɛ́, Yésus kilís ɛ́ dalǎ nɛ ɛɗǐ ɓɛ̌ jwôo, kum tí tɛ́m ísínɔŋ ɓyɛ̂ɛs wā ɓɛ̌ kwomblā é, ɗakɛ Zɛ́mb ā lwaa lɛ́ɛ ī gbɔ̄m tí minup mi ɓááchāāchānj ɓɛ̄ ógbɛ́sel o mítɔɔ̄p ā thes ɓâk.

Misāwā 7:52

Í wɔ́ɔ́ mgbɛ́sel mitɔɔ̄p mí Zɛɛ̄mb osǎŋg-phāmb ɓēn ɓā ɓɛ ta pɔ́nɛs ɔ̂? Ɓā sâ sá ték ī kɛ̄ kum nāá, ɓɛ́ ɛ dó ɓɛ̄l ō ɓā tyâa tūnd ɛzye ɛ̄ Zwēs mót ɓâk. Zwēs mót ték ɛ́ ɛ́ zye, ɓyɔ̂ɔ thɔ́ gbɛ́s ɛ́ ɓɛ̌ koōl ɓí dō ɛ̂.

Eɓelê 13:7

Sīmsāká otyáá ɓɛ ɛ́sɔ́k ɓēn, ɓɛ̄l ō ɓā lɛ́ɛ ɓěn tyaa pɔ́ mí Zɛɛ̄mb ɓâk. Sīmsāká ɗɛ ɓā cicyuk ê, nɛ ɗɛ ɓā jüe ê, ɓī ɓáŋā ɛ́ɓūklā lɔ̄ɔ̄.

Zwâk 4:11

Ɓwán ɓɛ̄ ónaāŋg ɓâm, mot a a lüii ɛ́ɓyóóɓyóó nɛ ɗín ɛ̄ môt ndɔŋ yɛ̄. Mot ɛ́ wā lüii ɛ́ɓyóóɓyóó nɛ ɗín ɛ̄ môt ndɔŋ yɛ̄, gú ɛ dɔ̄s ɛ́ nâk, ɛ́ ɛ́ lüii ɛ́ɓyóóɓyóó nɛ lɔ́a mí Zɛɛ̄mb, ɛ dɔ̄s thɔ́k yɛ̂. Náǎŋ ɛ́, ú ú linja mót dɔ́s lɔ́a ɔ, ta kā ɓɛ mót ɗūɛ̄l yɛ́ ɔ̂.

Zwâk 5:13

Í ɓɛ̄ nɛ mot tí ndɔŋ wēn tí ɛɓɛɛ mítūŋ nák, ɛ dâkla nɛ Zɛɛ̄mb. Í ɓɛ̄ nɛ mot tí ndɔŋ wēn tí mimyaŋla nák, ɛ lúŋgɛl Zɛ̌mb nɛ idaā.

Zwâk 5:7

Ɓwán ɓɛ̄ ónaāŋg ɓâm, ɗiká phɛ̄ nɛ ɓīsɔ̄ɔ̄ ī kɛ́ kum tɛ́m Ɗá wā zye ê. Jüākká ɗɛ mbɛ́el mɛphɛk jīsɔ̄ɔ̄ ɛ́ɓwónd tyâa iɗóó ī pyeēmb tɛ́m yɛ̂ɛs ɗí ophī ō mɛ́nyɛ̌l nɛ ophī ō mɛ́sīl ɓá a ɓā nɔ́y ê.

Zwâk 5:9

Ɓwán ɓɛ̄ ónaāŋg ɓâm, ɓyá a ɗî nɛ kɛl ka sā mɛ́ ɗék, kɛl ka ke mɛ́ ɗék pāká nyēn, kām nāá, Zɛ̌mb a a ɓwɔ̂ɔ dɔ́s ɓén. Nɛ dɔ nāá, nyɛ mot dɔ̄s ɓót ɔ́kɛ́, ɛ līs kéké ɛ kûl.