Zwâk 2:21 - Myēnj phōn mí Zɛɛ̄mb

²¹ Zɛɛ̄mb ā nwɔŋ sǎŋg-phāmb káwūnā Áɓilam nāá, ɛ zwēs tí yɛ̂? Yá a ɓɛ tí isīsɛ̄ɛ̄ ɛ? Yá a ɓɛ nɛ dɔ nāá, ā ɓɛ ɛ́ ɛ́ gbá mwán wɛ̄ Ízak tí pyaāt mɛ́tûnka tí ɛjüe Zɛ́mb nyaā?

Zwâk 2:21 Iomraidhean Croise

Matyôos 12:37

Nɛ dɔ nāá, í tí mɛkɛ́l mɛ mót Zɛ́mb wā lɛ̄ɛ̄ nāá, ɛ zwēs ê. Í thɔ́k tí mɛkɛ́l mɛ mót, Zɛ́mb wā jüe ɛ́ mɛkuwa ê.»

Matyôos 3:9

Ɓyá a dā gú ɛ́swômbla nāá: “Zí chīlā mí Áɓilam.” Gūká nāá, Zɛ̌mb ɛ nɛ khul ɛlinj mɛ́kɔ̄k mák ɓwán ō mí Áɓilam!

Lókas 1:73

Ā ɓɛ ɛ́ ɛ́ ɓén mbɔ́, tí ɛnwɔŋ cyūklā Sɔ̂kphɔɔ̄mb mí Áɓilam sǎŋg-phāmb káwūnā nāá,

Lókas 16:24

Ɛ ɓúzī cîm nāá: “Úú! Áɓilam sāŋg waām, dōs mɛ́ khɔɔ̄ŋ. Lɛ̄ɛ̄ Lazâa nāá, ɛ dâ tǔp nje jiīn nɛ jiīn tí mɛɗyūū, ɛ zí twálɛl mɛ́ yá tí jêm, yá á wā sisūl mɛ́ pɛl. Mi í jüe ɛ́ɗísa ɛ ɗú lîk.”

Lókas 16:30

Kūm nɛ Áɓilam nāá: “Óowó sāŋg waām, ɗyaāŋ yá ǎ dala. Sá gwát í nāá, mot ɛ́ wā ɗüis kák ɓɛ mímûŋ, ɛ kɛ́ lüii nɛ nɔ̄ɔ̄ nák ɛ́, ɓá á cénj ícyuk.”

Zwâŋ 8:39

Ɓɛ ɓúzī lɛ́ɛ́ nāá: «Wēs Sāŋg í Áɓilam.» Yésus nɛ nɔ̄ɔ̄ nāá: «Ɓī ɓɛ̄ ɓwán ɔ̄ mí Áɓilam nâk, phú ɓí í nwɔŋ kǒ-kɛnd wɛ̄.

Zwâŋ 8:53

Sǎŋg-phǎmb wēs Áɓilam ɛ́ ɛ́ jüe. Wɔ̄ ú sīmsā nāá, ú ú thaŋ ɛ? Ogbɛ́sɛl o mítɔɔ̄p o mí Zɛɛ̄mb thɔ́k ɓɛ́ ɛ́ jüe. Wɔ̄ ú kam ɛ́lɛ́ɛ́ nāá, u zɛ̄?»

Misāwā 7:2

Étyɛn ɛ ɓúzī ɓɛ́s nāá: «Ɓwán ɓɛ̄ ónaāŋg nɛ osāŋg ɓâm, gwōkɛ̄lká mɛ, Zɛɛ̄mb dálā nɛ kúm ɔ́kɛ́, ɛ́ ɛ sula sǎŋg-phāmb káwūnā Áɓilam tɛ́m ā ɓɛ ɓɛ̌ cǐl ɓwǎs Mezopotamí ê. Ɓyela nāá, a a ɓá kɛ̄ ɗǐ ɓɛ̌ khandǎ Kaalâŋ.

Lomɛ̂ 3:20

Í yɛ́ ɗí nāá, Zɛ̌mb a á nwɔŋ mót nāá, ɛ zwēs sɔ̂kphɔ̌mb nyɛ̄ tɔɔ̄p nāá, ɛ́ ɛ́ ɗúɛl sá yɛ̂ɛs lɔ́a lɛ́ɛ́ ê. Lɔ́a í nje tí ɛsú lɛ̄ ɛ́lyákɛl mót nāá, ɛ́ ɛ́ sɛ̂m.

Lomɛ̂ 4:1

Ɛ́chāak ɛ́, ni ɓáa ɓɛɛ ká tɔɔ̄p mí Áɓilam sǎŋg-phāmb káwūnā. Wɔ́ɔ́ mbi sá ā ɓye tí khul nyɛ̄, nyɛ mot ték ê?

Lomɛ̂ 4:12

Áɓilam ɛ thɔ́k sǎŋg ɓot o ɗí ɓɛ́ ɛ́ sáwaá zaŋgo ɓâk. Ta dā süís tí zaŋgo ípúnd yɛ́ nɛ yɛ̂, sá gwát tí ɛɓaŋa ɛ́ɓūklā Áɓilam ā ɓɛ nɛ lɛ́ nɛ Zɛɛ̄mb ɛsɔ́k nāá, ɛ sáwaa zaŋgo ê.

Lomɛ̂ 4:16

Í ɗyaāŋ ték Zɛ́mb ā sá ikɛs tɔɔ̄p ɛ́ɓūklā, i zyē yá á ɓɛ ŋgúma sá Zɛ́mb jüē títoōk ê. Sá Zɛ́mb jüē títoōk ékɛ́, ī ɓɛ̄ tí ɛsú ɛ̄ chīlā mí Áɓilam yɛ̂ɛs. A á dā jüě nje ték ɓɛ̄l ō ɗūɛ̄l lɔ́a ɓâk, sá gwát ti nɛ mot nyɛ̂ɛs ɗí tí ɛɓûkla Zɛ́mb ɗakɛ sǎŋg-phāmb káwūnā Áɓilam ā ɓûkla ê.

Eɓelê 11:17

Í ɛɓūklā lā sâ nāá, Áɓilam ɛ sâ Zɛ̌mb mɛtûnka nɛ Ízak tɛ́m Zɛ́mb ā ɓɛ tí ɛkpɛl ɛɓɛɛ́ ɗɛ Áɓilam wā sá ê. Áɓilam ɛ̄ ɓúzī lyákɛl nāá, ā ɓɛ̄ thāt nāá, ɛ jüé ɛ ɛcúk ɛ̄ mwán lɛ̄ mɛtûnka. Ɓyela nāá, Zɛɛ̄mb ā ɓɛ ɛ́ ɛ́ sá nāá, Áɓilam ɛɓûkla ikɛs.

Zwâk 2:18

Sá gwát, nɔ̄l mót ɛ́ wā lɛ́ɛ́ nāá: «Wɔ, u nɛ ɛɓūklā, myam mi nɛ isīsɛ̄ɛ̄ nák» má á ɓɛ́s nɛ nɛ̄ nāá: «Lyākɛ̄l mɛ́ ɗakɛ ɛ́ɓūklā lɔ́ ɗí nɛ khul ɛnyén ta ɓɛ nɛ isīsɛ̄ɛ̄ e. Myam má á lyákɛl ɔ́ ɛɓūklā lám tí isīsɛ̄ɛ̄ ɓyâm.»

Zwâk 2:24

Ɓí í ɓɛɛ náǎŋ nāá, Zɛɛ̄mb ɛ́ nwɔŋ mót ɗakɛ̌ zwēs, ta dá ɓɛ̌ nje ték tɔɔ̄p nāá, ɛ́ ɛ́ ɓûkla sá gwát, tí nɛ tɔɔ̄p ísīsɛ̄ɛ̄ ɓyɛ̄.