Zwâk 1:3 - Myēnj phōn mí Zɛɛ̄mb

³ Nɛ dɔ nāá, ɓyā ā jōk nāá, ɛɓūklā lēn lí wā ɗi ta tyak tí mitūŋ nâk, yá á sā nāá, ɓī ɗí nɛ mbân.

Zwâk 1:3 Iomraidhean Croise

Lókas 21:19

Gbaká mbân! Í ɗyaāŋ ték ɓí wā cyuk ê.»

Lomɛ̂ 15:4

Nɛ dɔ nāá, sá ɓā til tí Mɛkanā mɛ̄ Zɛɛ̄mb tɛ́m ɛsɔ́k ékɛ́, yā tilaa tí ɛsú ɛ nāá, yá á lyóó káɓiná. I zyē nāá, tí tɔɔ̄p ɓīsɔ̄ɔ̄ nɛ mɛlella mɛ́kɛ́l mɛ̄ték mā jüe káɓiná mák ɛ́, nī ɓyéka mɛjendɛɛ̄l.

Lomɛ̂ 2:7

Zɛɛ̄mb á á jüe ɓɛ̄l ō ɗí ta tyak tí ɛsá ɛ́nwɔŋ ɓák cyuk mɛ́lú myɛ̂ɛs, tí nāá, ɓá á ɓye kúm, nɛ ɗūū, ɓá a ɓɔɔ nɔ̄ɔ̄ ɓɛ̄ cyúk ndǒmb ɗî.

Lomɛ̂ 8:25

Í ɓɛ̄ nāá, nī tí ɛjendɛl ká sá ɗí nā ā ɓɛ́ɛ́ ká é nâk, nī ɓwôndka sá ték nɛ ɓīsɔ̄ɔ̄.

Lomɛ̂ 8:28

Ní tí gú ká nāá, Zɛɛ̄mb ɛ́ sâ nāá, sá yɛ̂ɛs ī sûkla ɛ́nwɔŋnwɔŋ tí ɛsú ɛ́ ɓɛ̄l ō kpɛ́l ɛ́ ɓâk, ɓɛ̄l ā jôo ɓɛ ī dálā nɛ jwok yɛ̄ ɓâk.

2 Kolɛ̂ŋt 4:17

Tí oceece, mitūŋ zí ɗí tí ɛɓoma nɛ myɛ́ ɛ́chāak mík ɛ́, mī tí jüâŋ, thɔ́k ɛ́, myá á kpâŋ. Sá gwát ɛ́, mitūŋ mīték mí tí ɛkwomsa káɓiná kúm ɗí ta dala nɛ nyīl, kúm ɗí ta sí nyîk. Kúm ték nyɔ̂ɔ nyī tí ɗil nyī tháŋ mítūŋ mītêk.

Kolosyɛ̂ŋ 1:11

Zī tí ɛdakla nɛ nɛ̄ nāá, ɛ lélɛl ɓēn tí mitɛ̄lā myɛ̂ɛs nɛ khul nyɛ̄ ɗí nɛ kúm nyîk, i zyē ɓyá á ɗi nɛ khul ɛjísɔɔ nɛ ɛsá mbán tí isínɔŋ ɓyɛ̂ɛs nɛ mimyaŋla.

2 Tesalonisyɛ̂ŋ 1:4

Í sá ték zí ɗí tí ɛlüǐ tɔɔ̄p wēn nɛ ɛɗwok ɓén twóó ɓīl Ígós ɓī óɓúkɛl ê. Nɛ dɔ nāá, ɓěn ɓyɛ̂ɛs ɓyā ā tyáŋlā tí ɛɓūklā, ísu ɗakɛ ɓī ɗí tí ɛɓoma nɛ mitūŋ nɛ mindɛl ê.

2 Tesalonisyɛ̂ŋ 3:5

Í je nāá, Ɗá ɛ sâ nāá, milyém myēn mī kpɛ̂l Zɛɛ̄mb. Ɛ sā nāá, ɓī ɗí nɛ ɓīsɔ̄ɔ̄ ɗakɛ Kūmāndē Zɛ́mb ā kɛs ɔ̂.

Eɓelê 10:36

Í tí ɛje ɓén mbán, tí ɛlwóndɛ̌l njeā mí Zɛɛ̄mb, tí nāá, ɓyá á ɓye sá ā kɛs ê.

Eɓelê 12:1

Nyɔ̂ɔ ká thɔ́k ɛ́, ní ka kúkuú thūnd ɓót ō ɓā ɓɛ ɓɛ́ ɛ́ lyákɛl nāá ɓɛ́ nɛ ɛɓūklā nɛ Zɛɛ̄mb ɓâk. Pha, nī sûl ka mbepok wɛ̂ɛs ɗí tí ɛtunɛ̌l kɛnd káyīnā é, ɗakɛ̌ ɓɔ̂ɔ sɛ̄m ɗí nāá, u tí kpás nɛ ɛgwól káɓiná ê, nī kɛ̄ ká kāmb Zɛ́mb jé nāá, nī kɛ́ ka ó ta tyak.

Eɓelê 6:12

Ɓyá a ɗi ítyakɓɔl, sá gwát ɗūká kǒ-kɛnd ɓót ō gbā mbán tí ɛɓūklā, ɓɛ̄ ɓyé ísá ī Zɛ́mb ā kɛs ɓîk ɓâk.

1 Pyɛ̂ɛ 1:7

Mitūŋ mīték mī tí ɛsú lɛ̄ ɛ́ɓɛɛ gú ɛɓūklā lēn lí tyaa lɛ́, gú lá a ɓɛ̄ tyâa lɛ́ nâk. Gól í nɛ khul ɛsɛmb, sá gwát ɓɛ́ ɓɛɛ nāá, í tyaa yɛ́, tɛ́m ɓɛ́ gbā yɛ́ tí ɗú ê. Í ɗyaāŋ ték thɔ́k ɛ́ɓūklā lēn ɗí nɛ nɔm lī tháŋ gól lík, ɗí tí ɛnyén tí mimbi mī mítūŋ myɛ̂ɛs ɓí ɗí tí ɛɓoma nɛ myɛ́ mík, tí ɛɓɛɛ gú lī tí lyel nâk. Nák ɛ́, mwēs Yésus Kilís wā zye ékɛ́, ɓá á luŋgɛl ɓén, ɓɛ̄ gūmɛ̄l ɓén, ɓɛ̄ ɗūɛ̄l ɓén.

2 Pyɛ̂ɛ 1:6

ɓī kɛ́l ɛ́mát ɛ̄ nól kwóó ɛgú ɛ̄ Zɛ́mb, ɓī kɛ́l mbán kwóó ɛmát ɛ̄ nôl, ɓī kɛ́l ɛ́ɗǐ lɛt nɛ Zɛɛ̄mb kwóó mbân,