Misāwā 9:10 - Myēnj phōn mí Zɛɛ̄mb

¹⁰ Í i ɓɛ nɛ nɔ̄l phōn mí Yésus ɓɛ̌ Ɗamás ɗín lɛ̄ nāá, Ánanyaās. Ɛ ɓúzī ɓɛɛ Ɗá Yésus tí líma nyɛ ta ɓɛ tí dɔ̂, Ɗá Yésus ték nɛ nɛ̄ nāá: «Ánanyaās!» Ánanyaās nāá: «Ɗá, myam nyɔɔ̂!»

Misāwā 9:10 Iomraidhean Croise

Misāwā 10:3

Tí wūl mwēs ɓɛ pák mɛ́wolo mɛlɛ́l mɛ̄ ɓíkokō, Eŋgeles mí Zɛ̌mb ɛ ɓúzī sula ɛ́ ɗɛ líma nyɛ ta ɓɛ tí dɔ̂. Ɛ ɓɛ́ɛ́ Éŋgeles ték ɛ́kpása tí ɛní twóó njāā wɛ̄, nyɛ nɛ nɛ̄ nāá: «Kɔɔnɛ́y!»

Misāwā 11:5

Nyɛ nāá: «Tɛ́m má ɓɛ tí mindakla tí wūl mwēs ɓɛ̌ khandǎ Yopé ékɛ́, Zɛ̌mb ɛ ɓúzī lyákɛl mɛ́ ŋgúmǎ sínɔŋ tí líma myam ta ɓɛ tí dɔ̂, sá ték ī nɔ́ŋlā nɛ sanda tyuŋlā tí mɛzúk mɛ̄nâ. Ī ɓú sisul tí ɛɗüǐs ɓɛ jwôo, ī zí kum sɔ̂kphɔ̌mb nyaām.

Misāwā 12:9

Pyɛ̂ɛ ɛ ɓúzī ɗú ɛ́, ɓɛ̄ gbās ndɔŋ. Sá gwát, a a gú nāá, sá éŋgeles á sâ ɗyaāŋ ékɛ́, yá ɓɛ ceece. Ā da sîmsa nāá, ɛ tí ɛjem líma ta ɓɛ tí dɔ̂.

Misāwā 16:10

Phúla Pɔ́l ā ɓɛ ɛ́ ɛ́ ɓɛɛ sá ték ɗyaāŋ ékɛ́, zī ɓú dā kpās ɛ́sáŋ thɔ́k ɛtɔ́ ɓɛ̌ Maseɗwán. Nɛ dɔ nāá, zā ɓɛ zí í ɓɛɛ nāá, Zɛɛ̄mb ɛ́ kpɛl nāá, zī kɛ́ ɛtyáá tūnd Tyâa Pɔ́ tí ɛsú ɛ̄ ɓót ō pyaāŋ.

Misāwā 16:9

Tí pum nák ɛ́, Pɔ́l ɛ ɓúzī ɓɛɛ nɔ̄l mót Maseɗwán tí líma nyɛ ta ɓɛ tí dɔ̂. Mot ték ā ɓɛ títɛɛ̄l tí ɛpipyap ɛ́ mɛɓɔ̂, nyɛ nāá: «Mí í dakla nɛ nɔ, thǎ ɓɛ̌ Maseɗwán u zí kɛm ɓés!»

Misāwā 18:9

Tí wūl pum ɛ́, Ɗá Yésus ɛ ɓúzī zye Pɔ́l tí líma nyɛ ta ɓɛ tí dɔ̂, nyɛ nɛ nāá: «Wa a gwók ɓwɔ̄ŋ, sá gwát tɔ̄ nɛ ɛlɛ́ɛ́ ɛ́kɛ̂l, wa a ɗyuɛ̌l nup,

Misāwā 2:17

“Zɛ̌mb lɛ̄ɛ̄ nāá: Tí mɛlú mɛ̄ mɛ́sīl ɛ́, Má á jüe mót nyɛ̂ɛs Sisímb yám, Ta ɓɛ nɛ mbɔ̄k nɛ mbi Ɓwâɓotóm nɛ ɓwâɓuá ɓēn ɓá á ɗi ógbɛ́sel o mítɔɔ̄p ɓâm, Mɛgbānj mēn má á ɓɛɛ ísínɔŋ tí ilíma ɓɔ̂ɔ ta ɓɛ tí idɔ̂, Mindoōmb myēn mī jém ílíma.

Misāwā 22:12

«Ɓɛ̄ Ɗamás ték ɛ́, í i ɓɛ nɛ nɔ̄l mót ɓɛ̄ jījōō ɛ́ nāá Ánanyâs. Ā ɓɛ tí ɛsá ɗɛ Zɛ́mb kpɛ́l ê, ɛ ɗūɛ̄l thɔ́k mɛtyuūŋ kámīnā ɛ́nwɔŋnwɔŋ. Oyúɗɛn ō Ɗamás ɓyɛ̂ɛs ɓā ɓɛ tí ɓú ɗúɛl ɛ̂.

Misāwā 9:12

Mí í lyákɛl ɛ́ tí líma nyɛ ta ɓɛ tí dɔ̂, nɔ̄l mót tí ɛní tí njāā ɗín lɛ̄ nāá, Ánanyaās tí ɛzī kɛl ɛ́ mɛɓɔ́ tí ló tí nāá, á á ɓākā nyɛl ɛ́ɓɛɛ sɔ̂k.»

Misāwā 9:9

Kɛ̄ kǔm pyaāŋ nák ɛ́, ɛ sā mɛ́lú mɛ̄lɛ́l ta ɓɛɛ, ta ɗɛ íɗóó nɛ mɛɗyūū.

2 Kolɛ̂ŋt 11:32

Tɛ́m mā ɓɛ ɓɛ̌ khanda Ɗamás ékɛ́, ŋgɔ́mina mí kūmāndē Aletás ɛ ɓúzī tɛ́l óɓakɛl tí mɛgbɛ̄s mɛ̄ khanda ték tí nāá, ɓá á mɛ́t mɛ̂.

Galât 1:17

Ma a tɔ́ ɓɛ̌ Yotósalɛm tí ɛkɛ̄ ɓɛɛ ɓót ō ɓā nyee ɓɛ milwōmtwōm ɛsók nɛ naām ɓâk. Sá gwát, mā da tɔ́ títɛɛ̄l ŋgwát ték ɓɛ kánda Alaɓî, phúla ték ɛ́, mɛ ɓákā zye ɓɛ̌ khandǎ Ɗamâs.